Apa 23:7 - The Keyagana NT and 25 OT books

⁷ Falasi vayaʼe Satiyusi vayaʼmogiʼeʼmo ani gemo afiteʼapaeʼmo aliʼa fako huʼa ge vaiʼnae.

Apa 23:7 ပူးပေါင်းရင်းမြစ်များ

Samu 55:9

Nagaemo vayaʼmogimo taonifiʼmo kame huge kaveta apamagige huʼa nehageʼna apakeʼnove. Alika hosu huka apato. Apatenegeʼa alu apake alu apakemo ika ika hiyo.

Matiyu 10:34

Nagaefeʼmo hutapaeʼmo, muki vayaʼmo alagepa huʼa yuna heʼa magokepi lokaeʼa maisayafeʼmo emineʼniye, hutapa lapakesamo neʼafifiye. Haʼao, alagepa huʼa magokepi lokaeʼa maisayafeʼmo emiʼnoʼmeʼnofa kame huʼa apatesageʼa kame huʼa apatesageʼa huʼa maisayafeʼmo emiʼneʼnove.

Apa 14:4

Ani taonifiʼmo maiʼnaya vayaʼmo aliʼa fako huʼa mago vayaʼamogimo Yu vayaʼai geʼapimo afiʼnageʼapaeʼmo mago vayaʼamogimo apa vekalaʼani geʼanimo afiʼnae.

Apa 23:6

Poloʼa apakeyana Satiyusi vayaʼe Falasi vayaʼeʼmo eʼa maiʼnageno apaketenoʼaeʼmo kanisole vayaʼaifeʼmo, Konagaʼnimogitapae, huno, Falasi vekamo maiʼneʼna Falasi vayaʼai mafaʼnemo maiʼnove. Nagaemo agava neʼmaiya vekaeʼmo nagesamo afiʼna fatago huge faliʼnaya vayaʼmo he tigae, huʼna nagesamo afiʼna fatago huge nehuʼnaeʼmo namogaga aiʼna agava maiʼnova kavatefeʼmo agoti huʼa neʼnatae, huno hapa paiʼniye.

Apa 23:8

Satiyusi vayaʼmogi huʼapaeʼmo, faliʼnaya vayaʼmo he otigae, huʼa huge enisole vayaʼmo oʼmaiʼnae huʼa huge apauneʼapameʼe vayaʼmo oʼmaiʼnae, huʼa huge huʼnayaʼmonanafa Falasi vayaʼmogimo, haʼao, ani agufa vayaʼmo maiʼnae, huʼa hapa paiʼnae.