Apa 23:6 - The Keyagana NT and 25 OT books

⁶ Poloʼa apakeyana Satiyusi vayaʼe Falasi vayaʼeʼmo eʼa maiʼnageno apaketenoʼaeʼmo kanisole vayaʼaifeʼmo, Konagaʼnimogitapae, huno, Falasi vekamo maiʼneʼna Falasi vayaʼai mafaʼnemo maiʼnove. Nagaemo agava neʼmaiya vekaeʼmo nagesamo afiʼna fatago huge faliʼnaya vayaʼmo he tigae, huʼna nagesamo afiʼna fatago huge nehuʼnaeʼmo namogaga aiʼna agava maiʼnova kavatefeʼmo agoti huʼa neʼnatae, huno hapa paiʼniye.

Apa 23:6 ပူးပေါင်းရင်းမြစ်များ

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 22:23

Ani afinaʼmo mago Satiyusi mono vayaʼmo Yesutegamo eʼnae. Apakaemo faliʼnaya vayaʼaifeʼmo he otigae, huʼa apakesamo neʼafiya vayane.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Apa 22:3

Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.

Apa 22:30

Egaʼamo hogote vekamo yagaino neʼapateya vekamoʼmo Yu vayaʼmogi Polofeʼmo hosu kavaʼmo huʼniye, huʼa huʼnaya gemo aepaʼamo afisiyafeʼmo hunoʼaeʼmo, nofiʼmo hatu maetapa ateyo, huno hapa paiteno mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼefeʼmo, Etapa alita anupa huta maiyo, huno ge huʼniye. Eʼa aliʼa anupa huʼa maiʼnagenoʼaeʼmo Poloʼa avalelineno apaulagaleʼmo alino he tino ateʼniye.

Apa 22:5

Mono huʼa neʼapataya vayaʼaiteʼmo yagaino neʼapateya vekaʼe muki kanisole vayaʼmogiʼeʼmo huʼnova kavaʼnimo ago nageʼnayanageʼa afaʼa nava gemo huʼa lapa paigae. Apakaemo mago avoʼmo kaeʼa namiʼnageʼna alininuʼna Namasakasi taonifiʼmo Yu vayaʼmo apamisuvafeʼmo kaeʼa namiʼnae. Nagaemo ani vayaʼmo kalavusi huʼna apateteʼna Yulusalemu taonifiʼmo apavaleliʼna esugeʼa lusi hosu apakafu yaʼmo alisayafeʼmo uʼnove.

Apa 23:1

Poloʼa he tino maiʼnenoʼaeʼmo kanisole vayaʼmo aulu hapaeno apakeʼnenoʼaeʼmo, Konagaʼnimogitapae, huno, Goti aulagaleʼmo nehuva kavafeʼmo yuʼilaga vekaʼnimoʼa agoti huno noʼnate, huno hapa paiʼniye.

Apa 23:15

Lapakaeʼe kanisole vayaʼeʼmo hogote Lomu vekamo yagaino neʼapateya vekaeʼmo hutapaeʼmo, lagaemo Poloʼmo magoʼe gemo hisigeta afigefesunanagi Poloʼmo avalelika eno, hutapa ha paiyo. Avaleliʼa neʼesagetaeʼmo kateʼmo kafo yagaiʼneta kamitimo amagigune, huʼa hapa paiʼnae.

Apa 23:20

Yu vayaʼmogimo kagaefeʼmo huʼapaeʼmo, Poloʼa kanisole vayaʼaitegamo avalelika egetao magoʼe gemo hisigeta afigesune, huʼa hisayana aigofe gemo hugae.

Apa 23:7

Falasi vayaʼe Satiyusi vayaʼmogiʼeʼmo ani gemo afiteʼapaeʼmo aliʼa fako huʼa ge vaiʼnae.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Apa 24:21

Hosu kavaʼmo osuʼnovaʼmofeʼmo na agufa kavatefeʼmo agoti huʼa neʼnatafi, huʼna oʼafiʼnove. Apaulagaleʼmo he tiʼna maiʼneʼnaeʼmo alopa gefatiʼmo, faliʼnaya vayaʼmo he tigae huʼna nagesamo afiʼna fatago huʼnova kavatefeʼmo hemenimo agoti hutapa neʼnatae, huʼna hapa paiʼnovaʼmofeʼmo lapaulagaleʼmo agotimo huʼa neʼnatafiye, huno hapa paiʼniye.

Apa 28:20

Ani kavaʼmo afole aiʼniyaʼmofeʼmo lapaketeʼnaeʼmo ani gemo lapa paisuvafeʼmo huve. Isaleli vayaʼmogimo apavayagunagu huʼa agava maiʼnaya vekalefeʼmo kalavusi huʼa nateʼnageʼna hemenimo maiʼnove, huno hapa paiʼniye.

Filipai 3:5

Naha maegaiye, huʼna nagesamo afuvesina agufa kavaʼmo haneʼniyana itaʼnimoʼmo alino nateʼnigeno magoke salemo utegeʼapaeʼmo nagufamo lagauʼnae. Nagaemo Isaleli vekamo maiʼneʼna Menisameni nofi vayapati vekamo maiʼnove. Muki naginago vayaʼmo Himulu vayaʼageʼmo maiʼnae. Hogoteʼna Falasi mono vekamo maiʼneʼna Yu vayaʼai keʼaepa gemo akame huʼnove.

Himulu 6:19

Lavayagunagu huta agava neʼmauna yaʼmo lokiya yaʼmo afaʼa hanesiya yaʼmo haneʼniye. Aeniletiʼmo sipimo anipiʼmo aeʼa atafauʼa neʼataya yakana huno haneʼneno lagupi mafaʼnemo atafauno neʼate.