Apa 23:34 - The Keyagana NT and 25 OT books

³⁴ Ani vekamo vayaʼaiteʼmo yagaino neʼapateya vekamoʼmo avoʼmo alino lekana paino afitenoʼaeʼmo Polofeʼmo hunoʼaeʼmo, Haiya kotega vekae, huno afi geʼnigenoʼaeʼmo, Silisiya kotega vekamo maiʼnove, huno ha paiʼniye.

Apa 23:34 ပူးပေါင်းရင်းမြစ်များ

Esata 1:1

Pesiya koteʼmo Sekisiʼa kini vekamo maiʼniye. Agaemo Susa taonifiʼmo gamani yafa lafi kegiʼyafiʼmo yagaino neʼapateya siyateʼmo fai maiʼnenoʼaeʼmo muki kotegamo vani hataleti tuveti seveniʼa polovenisifiʼmo maiʼnaya vayaʼaiteʼmo yagaino apateʼnenoʼaeʼmo Itiya kotegatiʼmo aepa faiteno uno Itiyopiya kotegaʼeʼmo yagaino apateʼniye.

Esata 8:9

Inagi ani kavaʼmo hisayafeʼmo tuveti tali afinaʼmo tali kaimo agiʼamo Sivani kaileʼmo ani kafugafiʼmo Motekaiʼa kini vekamo avoʼmo nekaya vayaʼaifeʼmo ge huʼnigeʼa eʼnae. Agaemo mago gemo hapa paiʼnigeʼa ani gemo avoʼmo kaeʼnae. Ani avoʼmo kaeʼa atalageno Yu vayaʼaitegagi muki kotegamo neʼyagaiya vayaʼaitegagi hogote gamani vayaʼaitegagi kini nofi vayaʼmo neʼyagaiya vayaʼaitegagi muki vani hataleti tuveti seveniʼa polovenisi kotegagi huno uneno huteno Itiya kotetiʼmo aepa faiteno uno Itiyopiya kotegagi huno uneno huʼniye. Ani avoʼmo Yu gefatiʼmo kaege alu kote alu koteʼmo maiʼnaya vayaʼai apakeʼapifati apakeʼapifatiʼmo kaege huʼa avoʼmo kaeʼnae.

Neniyo 2:49

Inagi Neniyoʼmo kini vekaeʼmo hunoʼaeʼmo, Satalakiʼagi Misakiʼagi Ameʼnagoʼagi huka Mamiloni koteʼmo muki afiteʼa ageʼnaya vayaʼaiteʼmo yagaiʼa apatesayafeʼmo lekana paika apato, huno ge huno afi geʼniye. Inagi ani aliʼyaʼmo aliʼniyaʼmonanafa Neniyoʼmo kini vekamo kegiʼya kipateʼmo fai maiteno hogote vekamo maiʼniye.

Neniyo 6:1

Naliyasiʼa kini vekamo maiteno muki yagaiʼniya koʼaleʼmo vani hataleti tuvetiʼa vayaʼmogimo polovenesileʼmo yagaisayafeʼmo lekana paino apateʼniye.

Luki 23:6

Pailatiʼa ani gemo afitenoʼaeʼmo, Galeliya kotega vekamo maiʼnifiye, huno ge huno apafi geʼnigeʼapaeʼmo,

Apa 15:41

Poloʼe Sailasiʼeʼmo muki Siliya kotegaʼe Silisiya kotegaʼeʼmo u eʼana huʼana siosi vayaʼmo aliʼana lokiya vaiʼana apatemale apatemale huliʼana uʼnaʼae.

Apa 21:39

Poloʼa hunoʼaeʼmo, Nagaemo Yu vekamo Tasasi taonimo Silisiya kotegamo hogote taonifi vekamo maiʼnove. Kahao ke hove. Vayaʼaifeʼmo geʼnimo hapa paigesuve, huno ha paiʼnigenoʼaeʼmo,

Apa 25:1

Fesitasiʼa yagaino apatesiya kotegamo eno avaʼyi huteno loleʼe magoʼe afinaʼmo utegeno Sisaliya kotegamo ataleno Yulusalemu taonifiʼmo eno avaʼyi huʼniye.

Apa 6:9

Mago vayaʼmo Yu vayaʼai mono nopiʼmo aliʼa anupa huʼa maiʼnae. Ani mono noʼmo agiʼamo vayaʼmo kalavusi aliʼyaʼmo neʼaligeʼapaeʼmo hatu maeʼa apateʼnageʼa afaʼa uʼnaya vayaʼai mono none, huʼa agi ateʼnae. Ani vayaʼmo Yu vayapatiʼmo Sailini kotega vayaʼe Alekasani kotega vayaʼeʼmo maiʼnae. Apakaegi Silisiya kotega vayanagi Esiya kotega vayanagi huʼa Sitiveniʼa huʼniya geletiʼmo he tiʼa ge vaiʼnae.