Apa 23:20 - The Keyagana NT and 25 OT books

²⁰ Yu vayaʼmogimo kagaefeʼmo huʼapaeʼmo, Poloʼa kanisole vayaʼaitegamo avalelika egetao magoʼe gemo hisigeta afigesune, huʼa hisayana aigofe gemo hugae.

Apa 23:20 ပူးပေါင်းရင်းမြစ်များ

Samu 12:2

Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

Apa 22:30

Egaʼamo hogote vekamo yagaino neʼapateya vekamoʼmo Yu vayaʼmogi Polofeʼmo hosu kavaʼmo huʼniye, huʼa huʼnaya gemo aepaʼamo afisiyafeʼmo hunoʼaeʼmo, nofiʼmo hatu maetapa ateyo, huno hapa paiteno mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼefeʼmo, Etapa alita anupa huta maiyo, huno ge huʼniye. Eʼa aliʼa anupa huʼa maiʼnagenoʼaeʼmo Poloʼa avalelineno apaulagaleʼmo alino he tino ateʼniye.

Apa 23:1

Poloʼa he tino maiʼnenoʼaeʼmo kanisole vayaʼmo aulu hapaeno apakeʼnenoʼaeʼmo, Konagaʼnimogitapae, huno, Goti aulagaleʼmo nehuva kavafeʼmo yuʼilaga vekaʼnimoʼa agoti huno noʼnate, huno hapa paiʼniye.

Apa 23:19

Hogote vekamo yagaino neʼapateya vekamoʼmo ayate alininuno, Na agufa gemo naha paigane, huno afi geʼnigenoʼaeʼmo,

Apa 23:30

Mago Yu vayaʼmogi vegemo huʼapaeʼmo, amagigune, huʼa huʼnaya gemo afiʼnovaʼmofeʼmo kagaetegamo aliʼna atesugeno ugiye, huʼna nagesamo afiʼnove. Agoti huʼa atesayafeʼmo huʼnaya vayaʼaifeʼmo huʼnaeʼmo, Filikisitegamo utapa ina hosu kavaʼmo huʼniye, hutapa ha paiyo, huʼna hapa paiʼnove, huno avoʼmo kaeʼniye.

Apa 23:6

Poloʼa apakeyana Satiyusi vayaʼe Falasi vayaʼeʼmo eʼa maiʼnageno apaketenoʼaeʼmo kanisole vayaʼaifeʼmo, Konagaʼnimogitapae, huno, Falasi vekamo maiʼneʼna Falasi vayaʼai mafaʼnemo maiʼnove. Nagaemo agava neʼmaiya vekaeʼmo nagesamo afiʼna fatago huge faliʼnaya vayaʼmo he tigae, huʼna nagesamo afiʼna fatago huge nehuʼnaeʼmo namogaga aiʼna agava maiʼnova kavatefeʼmo agoti huʼa neʼnatae, huno hapa paiʼniye.