Apa 23:19 - The Keyagana NT and 25 OT books

¹⁹ Hogote vekamo yagaino neʼapateya vekamoʼmo ayate alininuno, Na agufa gemo naha paigane, huno afi geʼnigenoʼaeʼmo,

Apa 23:19 ပူးပေါင်းရင်းမြစ်များ

Esata 5:3

Kini vekamoʼmo hunoʼaeʼmo, Kuvini a kanomo Esatao, huno, Na agufa yafeʼmo kahauʼniye. Inagi kahauʼnisiyana nagaemo yagaiʼnova kopatiʼmo folagapati aliʼna fako huʼna magokayaga koʼamo kamiguve.

Esata 7:2

Lole afinaʼmo utegeʼanaeʼmo nofi alagafati aniʼmo neʼneʼapaeʼmo kini vekamoʼmo Esatafeʼmo ina ge huno afi geʼniye. Kuvini akanomo Esatao, huno, Na agufa yafeʼmo kahauʼniye. Kahauʼnisiya yafeʼmo naha paigeʼna kamino. Inagi kagaemo kahauʼnisiyaʼmoʼmo nagaemo muki yagaiʼnova kopatiʼmo folagapati aliʼna fako huʼna magokayaga koʼamo kamiguve, huno ha paiʼniye.

Esata 9:12

Kini vekamoʼmo Kuvini a kanomo Esatafeʼmo ina ge huno ha paiʼniye. Yu vayaʼmogimo Susa taonifiʼmo gamani yafa lafi kegiʼyafatikeʼmo faefu hataletiʼa kame vayaʼapimo naipeletiʼmo apaiʼnageʼa faliʼnae. Ani kava huʼa Hemani mafaʼne anagaʼamo naya loleʼa mafaʼne anagaʼmo naipeletiʼmo ago apaite huʼnae. Muki alu kotegatiʼeʼmo na agufa kavaʼmo huʼnae. Na agufa kavafeʼmo ge huka nafi gesapi ani kavaʼmo afaʼa huguve. Magoʼe kavafeʼmo kahauʼnisigekaeʼmo ge huka nafi gesanaʼmoʼmo afaʼa he, huʼnageʼmo huguve.

Maki 10:51

Yesuʼa hunoʼaeʼmo, na kavaʼmo huʼna katesuve, huno afi geʼnigeno aulaga ali huʼniya vekamoʼmo hunoʼaeʼmo, Tisao, huno, naulagamo alika ayakeka nato, huno huʼnigenoʼaeʼmo,

Maki 8:23

ani aulaga ali huʼniya vekamo ayate alino avalelino taoni malaga uʼniye. Uno aulagalateʼmo aviʼna heteno ayatalaʼmo maletenoʼaeʼmo, mago yaʼmo ageʼnapiye, huno afi geʼniye.

Maki 9:27

Yesuʼa ha maeno ayateʼmo alino he tino ateʼniye.

Yoni 18:12

Inagi gamani ati vayanagi apakaeteʼmo yagaino neʼapateya vekagi alopa mono noteʼmo neʼyagaiya ati vayanagi huʼa Yesuʼmo atafauʼa ayatalateʼmo nofi kiʼa ateʼnae.

Apa 17:19

Apakaemo Polofeʼmo, alita anupa huta neʼmauna yategaeʼmo agiʼamo Aliyopagasigayagamo kagaemo eka saufa gemo nehana gemo laha paisanageta afigunanagi eno.

Apa 23:18

ati vayaʼaiteʼmo yagaino neʼapateya vekamoʼmo avalelinuno hogote vekamo yagaino neʼapateya vekaeʼmo hunoʼaeʼmo, Kalavusi huta ateʼnona vekamo Poloʼa ge huʼnigeʼna eʼnogeno mago gemo naha paiʼniye. Naha painoʼaeʼmo, Ani neya vekamoʼmo mago gemo huʼnigi hogote vekamo yagaino neʼapateya vekalegamo eka avalelika uvo, huno naha paiʼniye.

Apa 23:20

Yu vayaʼmogimo kagaefeʼmo huʼapaeʼmo, Poloʼa kanisole vayaʼaitegamo avalelika egetao magoʼe gemo hisigeta afigesune, huʼa hisayana aigofe gemo hugae.