Apa 23:11 - The Keyagana NT and 25 OT books

¹¹ Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.

Apa 23:11 ပူးပေါင်းရင်းမြစ်များ

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Matiyu 14:27

Yesuʼa hunoʼaeʼmo, nagaekeʼmo neʼogi koli osuta lokiya vaitapa maiyo, huno hapa paiʼniye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 9:2

Mago vayaʼmogimo kanage kanaga osuno yakaikonaʼaleʼmo havaeno neʼmaiya vekamo avaleliʼeʼa Yesu haopaleʼmo ateʼnae. Yesuʼa agaiʼaeʼmo apakesamo afiʼa fatago huʼnaya kavaʼapimo apaketenoʼaeʼmo kanage kanaga osuno neʼmaiya vekaeʼmo ha painoʼaeʼmo, mafaʼneʼnimogae, huno, hosu kavakamo aliʼna ataleʼnovanagi koli osuka kaipamoʼmo falu hino, huno ha paiʼniye.

Luki 16:28

Faefuʼa konagaʼnimogi maiʼnayanageno uno lamino, ehetapiye, huno hapa paisigeʼa afiteʼapaeʼmo mani lusi kava huno apakafu kisiya koteʼmo emi oʼmegae, huno ha paiʼnigeno

Yoni 14:18

Megusa mafaʼnegana hutapa oʼmaisayafeʼmo lapakaetegamo emiʼnegauve.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Apa 18:9

Mago haniʼilagamo Poloʼa alagamuna agegekana huno ageteno afiʼniyana Ala kava neʼmoʼa, Koli osuvo.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 2:25

Laginago vekamo Neviniʼa Yesufeʼmo ava gemo hunoʼaeʼmo, Nagaemo muki afinaʼmo Ala kava neʼmo naulagaleʼmo maiʼnigeʼna ageʼnove. Lamaga nayateʼmo maiʼniyaʼmofeʼmo atete osuguve.

Apa 20:22

Hemenimo Goti Aunemeʼamoʼmo Yulusalemu taonifiʼmo visuva kavaʼmoʼa kalavusi huno nateʼniyanageno nagufaleʼmo na agufa kavaʼmo afole aisifi huʼna oʼageʼnovanageʼna afaʼa uguve.

Apa 22:15

Kagaemo aliʼyaʼamo alikaeʼmo ageʼnana kavaʼe afiʼnana geʼeʼmo muki vayaʼaifeʼmo aeka hakalo huka hapa paigane.

Apa 22:18

Ageʼnovana Ala kava neʼmoʼa hunoʼaeʼmo, Malage huka Yulusalemu taonifatiʼmo ataleka uvo. Apakaemo nagae nava gemo aeka hakalo huka hapa paisana gemo oʼafigayanagi ataleka uvo, huno naha paiʼniye.

1 Kolitiyani 9:1

Nagaemo apa vekamo maiʼnove. Kalavusifiʼmo oʼmaiʼneʼna muki kavaʼamo afaʼa hisuva kavaʼmo haneʼniye. Nagaemo Ala kava netimo Yesuʼmo naulagafatiʼmo ago ageʼnove. Ala kava netetiʼmo aliʼyaʼmo aliʼnogetapaeʼmo lapakaemo alagamo aegekana hutapa aeʼnae.

Filipai 1:13

Muki ati vayaʼmogi Sisa noteʼmo yagaiʼa neʼataya ati vayanagi muki manileʼmo maiʼnaya vayanagi huʼa Kalaisi agiʼalefeʼmo kalavusifiʼmo maiʼniye, huʼa ago nageʼnae.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.