Apa 22:14 - The Keyagana NT and 25 OT books

¹⁴ Agaemo hunoʼaeʼmo, Laginago vayaʼai Gotiʼapimoʼa lekana paino kateʼniye. Gotiʼa hogoteno hunoʼaeʼmo, ani kavaʼmo huguve, huno agesamo afiʼniya kavafeʼmo ava gemo afiteka alagepa kavaʼmo nehiya vekamo ageteka agaiʼa avayafatiʼmo huʼniya gemo afisanafeʼmo lekana paino kateʼniye.

Apa 22:14 ပူးပေါင်းရင်းမြစ်များ

Esala 7:27

Esalaʼmo ani avoʼmo lekana paino afitenoʼaeʼmo Goti aulena agiʼamo amiʼniye. Agaemo hunoʼaeʼmo, Laginago vayaʼmogi Gotiʼapimoʼmo Ala kava nefeʼmo namogaga aiʼna haoke nehove. Agaemo Ala kava neʼmo Yulusalemu taonifiʼmo mono noʼaleʼmo alagepa kavaʼmo hisiyafeʼmo Gotiʼa kini vekamo aipafiʼmo alagepa kavaʼmo maleʼniye.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Neniyo 2:23

O Gotiyo, huʼna, naginago vayaʼmogi Gotiʼapimogae, huʼna, kahaoke heʼna ala kagikamo nekamuve. Kagaemo afiteʼna ageʼnova kavaʼe himamuʼniʼeʼmo namiʼnane. Lagaemo nunumuʼmo huta ge huta kafi geʼnonageka ago alika nave liʼnane. Kini vekamoʼmo, aepaʼamo naha paiyo, huno huʼnigekaeʼmo alagamuna gemo aepaʼamo ago alika lave liʼnane, huno huʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Apa 13:17

Isaleli vayaʼai Gotiʼapimoʼmo laginago vayaʼmo lekana paino apateteno Isipi kotega nata neʼuʼa maiʼnaya afinaʼmo asole vayaʼmo alino afole aino apateʼniye. Gotiʼa himamu lokiyaʼaletiʼmo Isipi kotegatiʼmo apavalelino eʼniye.

Apa 22:15

Kagaemo aliʼyaʼamo alikaeʼmo ageʼnana kavaʼe afiʼnana geʼeʼmo muki vayaʼaifeʼmo aeka hakalo huka hapa paigane.

Apa 22:18

Ageʼnovana Ala kava neʼmoʼa hunoʼaeʼmo, Malage huka Yulusalemu taonifatiʼmo ataleka uvo. Apakaemo nagae nava gemo aeka hakalo huka hapa paisana gemo oʼafigayanagi ataleka uvo, huno naha paiʼniye.

Apa 24:14

Ani gemo nehuvaʼmonanafa magoʼe gemo aeʼna hakalo huʼna kaha paiguve. Nagaemo mago aigofe kane huʼa nehaya kateʼmo akame nehuʼna laginago vayaʼai Gotiʼapimofeʼmo mono nehuve. Muki avoʼmo kae maleʼnaya gemo Mosese keʼaepa geʼenagi Gotitegati gemo alini eʼa aeʼa hakalo huʼa hapa nepaiya vayaʼai geʼapienagi huʼna nagesamo afiʼna fatago nehuve.

Apa 26:16

He tika maiyo. Aliʼyaniʼmo aliteka geʼnimo aeka hakalo huka hapa paisanafeʼmo lekana paiʼna katesuvafeʼmo kagaeteʼmo afole aiʼnove. Kagaemo nageʼnana kavaʼe aliʼna kave lisuva kavaʼefeʼmo ava gemo huka hapa paigane.

Apa 5:30

Lapakaemo Yesuʼa malipu yosaleʼmo nili aitetapa alita he titapa ateʼnagenoʼaeʼmo laginago vayaʼmogi Gotiʼapimoʼmo faliʼniyatetiʼmo ago alino he tino ateʼniye.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Apa 9:17

Ha paiʼnigeno Ananaiyasiʼa uno ani nopiʼmo uno haino Solo agufaleʼmo ayaʼmo maleʼnenoʼaeʼmo, Solo konagaʼnimogae, huno, Ala kava neʼmo Yesuʼa kateʼmo neʼanageno kaulagaleʼmo afole aiʼnigeka ageʼnana vekamoʼmo nagaemo alino nateʼnigeʼna eʼnove. Nagaemo kaulagamo aliʼna ayakeʼna katesugeno Goti Aunemeʼamoʼmo kaipafiʼmo havai tesiyafeʼmo alino nateʼnigeʼna eʼnove, huno ha nepaigenoʼaeʼmo

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

1 Kolitiyani 15:3

Gotiʼa mani gemo namiʼnigeʼna lapamiʼnova gemo hogote gemo haneʼniyana Kalaisiʼa hosu kavatilefekeʼmo faliʼniye. Akeyaʼvilagamo Goti Mukufiʼmo hu maleʼniya gemoʼa hunoʼaeʼmo, faligiye, huno hu maleʼniya gelefeʼmo faliʼniye.

1 Kolitiyani 15:8

Henagaʼamo nagae naulagaleʼeʼmo afole aino hano huʼniye. Aipaguʼeʼmo aise afinaʼmo maiteno malage huno mafaʼnemo alino neʼateya mafaʼnegana huʼna maiʼnogenʼaeʼmo naulagaleʼmo afole aiʼniye.

1 Kolitiyani 9:1

Nagaemo apa vekamo maiʼnove. Kalavusifiʼmo oʼmaiʼneʼna muki kavaʼamo afaʼa hisuva kavaʼmo haneʼniye. Nagaemo Ala kava netimo Yesuʼmo naulagafatiʼmo ago ageʼnove. Ala kava netetiʼmo aliʼyaʼmo aliʼnogetapaeʼmo lapakaemo alagamo aegekana hutapa aeʼnae.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Galesiya 1:12

Nagaemo mago vekalegatiʼmo mani gemo oʼalige mago vekamoʼa alino naya oʼmalege huʼniyana Yesu Kalaisiʼa agaiʼageʼmo alino nave liʼnigeʼna ageteʼna afiʼnove.

Galesiya 1:15

Huʼna maiʼnovaʼmonanafa itaʼnimoʼmo alino oʼnateʼnigenoʼaeʼmo hogoteno Gotiʼa hauʼniya afinaʼmo agaiʼalefeʼmo ago lekana paino nateteno fikumo naha maeno namiʼniya kavatetiʼmo nagaefeʼmo keya aeno ge huʼniye.

2 Timoti 1:1

Gotiʼa hunoʼaeʼmo, Kalaisi Yesupiʼmo maige maige huʼa maisaya yaʼmo apamiguve, huno huʼniye. Mani gelefeʼmo, Yesu Kalaisi apa vekaʼamo maigane, huno naha paiʼnigeʼnaeʼmo nagaemo Poloʼnamo aliʼyaʼamo alisuvafeʼmo hauʼnigeno navaleno nateʼniye.

Taitasi 1:1

Nagaemo Poloʼnamo Goti kalavusifiʼmo maiʼneʼnaeʼmo aliʼyaʼamo alige Yesu Kalaisi apa vekaʼamo maige huʼneʼnaeʼmo mani gemo avoʼmo nekaove. Gotiʼa lekana paino apateʼniya vayaʼmogi apakesamo afiʼa fatago huge lama gemo alagepa huʼa afiʼneʼa Gotifekeʼmo alagepa huʼa mono huge hisayafeʼmo nagaemo aliʼyaʼmo neʼaluve.

1 Pita 2:22

Agaemo magoke hosu kavaʼmo osuʼnigeʼa agege avayafatiʼmo magoke aigofe gemo osuʼnigeʼa oʼafige huʼnae.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.