Apa 22:12 - The Keyagana NT and 25 OT books

¹² Mago vekamo agiʼamo Ananayasiʼa mono vekamo lagae keʼaepa gemo akame nehiya vekamo maiʼnigeʼa muki Namasakasi taonifiʼmo maiʼnaya Yu vayaʼmogi agiʼaleʼmo aliʼa asaga huʼa ateʼnae.

Apa 22:12 ပူးပေါင်းရင်းမြစ်များ

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Apa 10:22

Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,

Apa 17:4

Mago vayaʼmogimo ani gemo afiteʼa Polo geʼaeʼmo apakesamo afiʼa fatago huteʼapaeʼmo anakame huʼnae. Asole Galiki vayaʼmogi Gotifeʼmo mono nehaya vayaʼe apaki haneʼniya aʼnemogiʼeʼmo eʼa lokaeʼa maiʼneʼa geʼanimo afiʼnae.

Apa 6:3

Vayatimogitapae, huʼa, Lapakaitapigeʼmo lapakaepati mago seveniʼa vayaʼmo lekana paitapa apateyo. Kanale vayaʼmo Goti Aunemeʼamoʼmo apaipafiʼmo havai teʼnisiya vayaʼmogi alagepa huʼa apakesa neʼafiya vayaʼmo lekana paita apateteta aliʼa fako huʼa apamisaya aliʼyaʼmo apamigune.

Apa 8:2

Mago mono neʼafiya vayaʼmogi Sitiveniʼmo aliniʼuʼa kiʼa ateteʼapaeʼmo lusi kava huʼa yulagefa aiʼnae.

2 Kolitiyani 6:8

Mago vayaʼmogi lagitileʼmo aliʼa afepi nelatae. Mago vayaʼamogi huʼa faipa huʼa nelatageʼa mago vayaʼamogi ala lagitimo nelamiye. Mago vayaʼmogi huʼapaeʼmo, apakesamo nefaiya vayaʼmo maiʼnae, huʼa nehayaʼmonanafa lama ge vayaʼmo maiʼnone.

1 Timoti 3:7

Malaga vayaʼmogiʼeʼmo huʼapaeʼmo, alagepa vekamo maiʼniye, huʼa hisageno neʼmaisiya vekamo maigiye. Fiku yanageno hosu agiʼamo amisageno Satani aneʼaifiʼmo hegekana huno atafaugiye.

Himulu 11:2

Akeyaʼvilaga vayaʼmogimo apakesamo afiʼa fatago huʼnaya kavatetiʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hapa paiʼnigeʼa alagepa apakiʼapimo aliʼnae.

3 Yoni 1:12

Muki vayaʼmogimo Nemitiliyasi agiʼaleʼmo aliʼa asaga huʼa neʼatae. Goti lama geʼaeʼmo ani kavaʼmo huno agiʼaleʼmo alino asaga huno neʼate. Lagaeʼeʼmo ageteta ha maeta faigoko gemo nehune. Kagaemo faigoko getieʼmo lama gemo nehae, huka afiʼnane.