Apa 21:13 - The Keyagana NT and 25 OT books

¹³ Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

Apa 21:13 ပူးပေါင်းရင်းမြစ်များ

Yona 1:6

Sipifiʼmo aliʼyaʼmo neʼaliya vayaʼaiteʼmo yagaino neʼapateya vekamoʼmo ageyana Yonaʼa afaʼageʼmo au kaleno maiʼnigeno agetenoʼaeʼmo, Na kava higekaeʼmo kau kaleka maiʼnane. He tika kagaemo gotikamofeʼmo keya aeka ge huvo. Ofalisunafeʼmo afiteno laha maesifi laha oʼmaesifigi ge huka afi go, huno ha paiʼniye.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 20:37

Apaulagafatiʼmo apaunumo uno nelamigeʼapaeʼmo Poloʼmo anu kiʼa haeʼa neʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

1 Kolitiyani 15:31

Ala kava netimo Kalaisi Yesupiʼmo maiʼneʼnaeʼmo amuse huʼna nelapatove, huʼna nehuva gemo alagi lama gemo haneʼniye. Konagaʼnimogitapae, huʼna, ani kavaʼmo huʼna muki afinaʼae afinaʼaeʼmo namagisaya agufa kavategamo maiʼnove, huʼna alagi lama gemo nehuve.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

2 Timoti 1:4

Kaunumo nelamiya kavafeʼmo nagesamo afiteʼnaeʼmo kagesugenoʼaeʼmo naipafiʼmo namogaga aisiya yaʼmo havai tesiyafeʼmo nahauʼniye.

2 Timoti 4:6

Nofi alagafati aniʼmo lakiʼa Gotiʼmo ofalinimo neʼamiya kava huʼna kolaʼnimo aiʼna lakiʼna mopamo ataleʼna visuva kana yaʼnimo alagi ago hogo huʼniyaʼmofeʼmae.

2 Pita 1:14

Ala kava netimoʼmo falisuva kavaʼmo alino nave liʼnigeʼna ageʼnovanageʼna aise afinaʼmo utesigeʼna seli noʼnimo ataleʼna uguve.

Leveleseni 12:11

Konagatimogimo aikeli sipisipimo kolaʼaletiʼmo lama geʼamo aeʼa hakalo huʼa hapa paiʼnaya geʼaletiʼmo aeʼa agaseʼnae. Apakaemo apakaiʼapi apakufaeʼmo apakesamo oʼafiʼa afaʼa faligune, huʼa huʼnae.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.

1 Samiyo 1:8

Anauʼamoʼmo Elakenaʼmo Hanafeʼmo hunoʼaeʼmo, Hanao, huno, Na agufa kavaʼmo higekaeʼmo aviʼyaʼmo huteka neʼyaʼmo oʼneʼnane. Na kava higekaeʼmo kaipamoʼmo kana nehiye. Nagaemo kagaetefeʼmo naya loleʼa ve mafaʼnemo aeʼna oʼapaka seʼnofiye, huno ha paige ha paige huno maiʼniye.

1 Samiyo 15:14

Ha paiʼniyaʼmonanafa Samiyoʼmo agaefeʼmo ha painoʼaeʼmo, Ala kava neʼmo geʼamo akame huʼnisanaʼmoʼmo na agufa kavaʼmo hageʼnaeʼmo nagaemo sipisipi anagaʼmogi apakeʼe pulumaka anagaʼmogi apakeʼeʼmo afiʼnove, huno ha paiʼniye.