Apa 20:7 - The Keyagana NT and 25 OT books

⁷ Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

Apa 20:7 ပူးပေါင်းရင်းမြစ်များ

Maki 16:9

Hogote afinaʼmo salefi gotilamiyapiʼmo Yesuʼa hogoteno afaʼa maiʼnenoʼaeʼmo Maliyaʼa Maganala kotega aʼmo aipafatiʼmo seveniʼa hosu apaune vayaʼmo alino hapa faino apataleʼniya aʼmo aulagaleʼmo afole aiʼnigeno ageʼniye.

Luki 22:19

Peleti mayamo alino nunumuʼmo huno hao ke heteno alino akaya heno apamitenoʼaeʼmo, manimona nagufaʼniye. Lapakaetefeʼmo Gotina amiguve. Mani afinatetiʼmo nagaefeʼmo lapakesamo afita ho hisayafeʼmo ani kavaʼmo huge huge huta maiyo.

Luki 24:35

kategamo afole aiʼniya kavafeʼmo ava gemo huge peleti mayamo alino akaya heʼnigeʼana Yesuʼmae, huʼana ageʼnaʼa kavafeʼmo ava gemo huge huʼana hapa paiʼnaʼae.

Yoni 20:1

Hogote afinaʼmo kotino alino ha oleʼnigenoʼaeʼmo Maliyaʼa Maganala kotega a kanomo kanolulega uno ageyana yafa kaʼmo avayaleʼmo aiʼana akani maleʼnaʼa yafaʼmo avayaleʼmo ohaneʼnifa aluyatega haneʼnigeno ageʼniye.

Yoni 20:19

Ani afinaʼmo hogote afinaʼmogeʼa hani huʼnigeʼapaeʼmo Yesu geʼamo neʼafiya vayaʼmogi Yu vayaʼaifeʼmo koli huteʼapaeʼmo nopiʼmo loki ae maleʼa maiʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paitenoʼaeʼmo

Yoni 20:26

Anaga hogote salefiʼmo halate geʼamo neʼafiya vayaʼmo nopiʼmo Tomasiʼeʼmo magokepi lokaeʼa maiʼnae. Kitaleʼmo loki ae maleʼnayaʼmonanafa Yesuʼa aliʼa anupa huʼa maiʼnaya folagapiʼmo he tino maiʼnenoʼaeʼmo, lapaipamoʼmo falu hino, huno hapa paiteno

Apa 16:10

Ageteno laha paiʼnigetaeʼmo, Gotiʼa hunoʼaeʼmo, Masetoniya vayaʼaitegamo utapa alagepa faigoko geʼnimo aetapa hakalo hutapa hapa paiyo, huno laha paiʼniye, huta magoke laipa lagesamo aliteta Masetoniya kotegamo ugune, huta huʼnone.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 20:11

Hapa paiʼnigeʼa Yesu kaveʼmo magokepi lokaeʼa maiʼneʼa neteʼapaeʼmo afa neʼyaʼmo neteʼa Poloʼa asole gemo hapa paime hapa paime neʼvigeno ko netigenoʼaeʼmo apataleno uʼniye.

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Apa 20:5

Ani vayaʼmo hogoteʼa uʼa Toloʼasi taonifiʼmo lagava maiʼnae. Hopa afinaʼmo ko nosiya peleti mayamo neʼnaya afinaʼmo ago hano huʼnigeta

Apa 20:9

Mago neya vekamo agiʼamo Yutikasiʼa yasi kate yofo yosaleʼmo maiʼnigeno Poloʼa ge hume hume neʼvigenoʼaeʼmo au maiʼmai huno maiyatega anaga agotofule nopatiʼmo mopafiʼmo asagauno aiʼnigeʼa mopafatiʼmo avaleʼa aliʼa asagauʼnayana ago alagi faliʼniye.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

1 Kolitiyani 10:16

Lagaemo Ala kava neʼmo neʼyaʼmo nesunafeʼmo aote kapumo aliʼneta Gotifeʼmo hao ke heta nunumuʼmo nehune. Mani kapufi aniʼmo Kalaisi kolaʼamo netetaeʼmo afalu afalugana huta neʼnone. Ani kavaʼmo huta peleti mayamo akaya heta netaeʼmo Kalaisi agufaʼamo neʼnone.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

1 Kolitiyani 16:2

Alisaya monifatiʼmo hogote afinaʼmo sateʼae sateʼaeʼmo lapamete lapamete hutapa alita fako hutapa Gotiʼa na magiʼmo lapamiʼnisifi ani kava hutapa alita fako hutapa maleme maleme viyo. Esugetapaeʼmo ofalini monieʼmo kahauya hutapa alita anupa hutapa oʼmalesayafeʼmo hemenigeʼmo malege malege hutapa maiyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.