Apa 20:35 - The Keyagana NT and 25 OT books

³⁵ Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Apa 20:35 ပူးပေါင်းရင်းမြစ်များ

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Aiyeya 32:8

Nehiyaʼmonanafa fiku hapa maeno neʼapamiya vekamoʼmo fiku hapa maeno apamisiyafeʼmo agesamo neʼafiye. Agaemo ani alagepa kavaʼaletiʼmo alagepa huno he tino maigiye.

Aiyeya 35:3

Lapayaʼmoʼmo alagaʼmo nehaegeno lapaiyamoʼmo atete nehiyanagi alitapa lokiya vaita ateyo.

Matiyu 10:8

Kaita hapauʼnisiya vayaʼmo alita hapagetapa apatege falisaya vayaʼmo alita he titapa apatege lepolosi kaitaʼmo hapauʼnisiya vayaʼmo alita hapageta apatege hosu apaune vayaʼmo alita hapafaita apatalege hulitapa viyo. Nagaemo fiku lapa maeʼna lapamiʼnova kava hutapa fiku hapa maeta apamiyo.

Apa 20:20

Nagaemo muki geʼamoʼmo lapa maesiya agufa gemo lapa paisuvafeʼmo maiʼna halove huteʼna mago gemo fala okiʼnovaʼmonanafa alita anupa hutapa maiʼnayategaʼe notapifi notapifiʼeʼmo ago aliʼna lapaya maleʼnove.

Apa 20:34

He, ago nageʼnageʼna nayatetiʼmo aliʼyaʼmo aliteʼna nagaeʼe lokaeʼa aliʼyaʼmo aliʼnaya vayaʼeʼmo neʼyatiʼe kukenatiʼeʼmo miya faiʼnogetapa ago ageʼnae.

Apa 20:36

Ani gemo hapa paitenoʼaeʼmo apakaeʼeʼmo magokepi aleʼyamo faino maiʼnenoʼaeʼmo nunumuʼmo huʼniye.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

1 Kolitiyani 9:12

Mago mono vayaʼmogimo lapakaetegatiʼmo apakufale yaʼmo alisaya himamuʼapimo haneʼnisiyana lagaeʼeʼmo alisuna himamutimo magoʼe huno haneʼniye. Fikumo alisuna himamutimo haneʼniyaʼmonanafa afaʼa oʼaliʼnone. Lapakaetegatiʼmo amega lagufale yaʼmo oʼalita Kalaisifeʼmo alagepa faigoko geʼamo lapakaemo afisaya kaʼmo oʼakanisunafeʼmo muki alu kana ya alu kana yaʼmo aliʼnone.

2 Kolitiyani 11:12

Mago vayaʼmogimo apakaiʼapieʼmo apamogaga aisaya kaʼmo agesayafeʼmo, magoke agufa aliʼyaʼmo neʼalune, huʼa huteʼa apamogaga oʼaisayafeʼmo lapakae yaʼmo oʼaliʼnovanageʼna alagi oʼaliguve.

2 Kolitiyani 11:9

Lapakaeʼeʼmo maiʼneʼnaeʼmo mago yafeʼmo kafu huʼnaeʼmo naha maetapa namisayafeʼmo kana yaʼmo aliʼna olapamiʼnove. Masetoniya kotega konagaʼnimogi ohaneʼniya yaʼmo alini eʼa namiʼnae. Muki yaʼaleʼmo naha maetapa yagaita natesayafeʼmo kana yaʼmo aliʼna olapamiʼnovanageʼna kana yaʼmo aliʼna olapamiguve.

2 Kolitiyani 12:13

Na agufa kavatefeʼmo siosiʼale siosiʼaleʼmo maiʼnaya vayaʼai apakamelega maiʼnae. Lapakaemo apakamelega oʼmaiʼnayaʼmonanafa magoke kavatetiʼmo yagaitapa natesaya agufa kavaʼmo osuʼnova kavatefeʼmo apakamelega maiʼnae. Vaehae, nahauʼnimogitapae, huʼna, ani hosu kavaʼnimo alita ataleyo.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

1 Tesaloniyani 4:11

Vase huta alagepa huta maigune, hutapa lapakesamo afitetapa lapakaitapi yateʼmo alagepa hutapa yagaitapa ateʼnetapa aliʼyaʼmo aliyo, huta ago lapa paiʼnone.

1 Tesaloniyani 5:14

Konagatimogitapae, huta, lapao ke honanagi alagaʼmo nehapaegeʼa afaʼa neʼmaiya vayaʼaifeʼmo, ehetapiye, huta, alagaʼmo olapaeno, hutapa hapa paiyo. Koli nehaya vayaʼai apaipamo alita lokiya vaitapa apateyo. Lokiya noʼvaiya vayaʼaina hapa maeyo. Muki vayaʼaitegamo vase vase hutapa falu fala kavaʼmo hiyo.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.

3 Yoni 1:7

Apakaemo Goti agiʼalefeʼmo uʼnae. Malaga vayaʼmogi apayapatiʼmo mago yaʼmo oʼaliʼnae.