Apa 20:28 - The Keyagana NT and 25 OT books

²⁸ Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 20:28 ပူးပေါင်းရင်းမြစ်များ

Mai'naya kavane 10:21

Fatago vayaʼai geʼapimoʼmo asole vayaʼaina hapa neʼmaeyaʼmonanafa negi vayaʼmo afiteʼa agesaya kavaʼmo noʼaliyaʼmofeʼmo faligae.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 63:11

Gotiʼa kame huno apateteno akeyaʼvilagamo Moseseʼe vayaʼamogiʼeʼmo geʼapimo huʼapaeʼmo, Haiyaʼalegamo sipisipiʼaleʼmo yagaiʼniya vekaʼe Isaleli vayaʼeʼmo solovala anipatiʼmo apakufamo alino katino apateʼniya Gotiʼmo maiʼniye, huʼa huge, Haiyaʼalegamo Aunemeʼamo alino apakaepiʼmo ateʼniya Gotiʼa maiʼniye, huʼa huge huʼnaya geʼapieʼmo halate agesamo afiʼniye.

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Maika 7:14

O Ala kava nene, huʼna, Sipisipileʼmo neʼyagaiya vekamoʼmo sipisipileʼmo yagaino neʼapateya kava huka vayakaleʼmo hayopa kayotetiʼmo yagaika apato. Apakaemo Gotiʼa kamiʼniya vayaʼmo yahaofilaga kaʼme avelegamo apaoteʼmo maiʼnae. Kagaemo afaʼa apatalegeʼa uʼa akeyaʼvilagamo maiʼnaya koʼmo alagepa mopamo haneʼniya koʼmo Mesani kotegaʼe Giliyati kotegaʼeʼmo maiyo.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Matiyu 2:6

Kagaemo Metelehamu taoniyo, huno, Yuta kotega taoniyo, huno, vayaʼmogimo sipisipileʼmo neʼyagaiya kava huno Isaleli vayaʼnileʼmo yagaino apatesiya vekamo kagaepatiʼmo afole aigiyaʼmofeʼmo Yuta vayaʼaiteʼmo yagaiʼa neʼapataya vayaʼai apaulagaleʼmo afa taonimo ohaneʼnananageʼa muki taonimogimo aeʼa kaga oseʼnae, huno avoʼmo kae maleʼniye, huʼa ha paiʼnae.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Luki 12:32

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 14:23

Anakaemo muki siosiʼale siosiʼaleʼmo uʼeʼa huʼana nunumuʼmo huge neʼyaʼmo mosiʼana maige huʼana maiʼneʼanaeʼmo Goti vayaʼaleʼmo yagaiʼa apatesaya vayatama vayaʼmo lekana paiʼana apateʼnaʼae. Apateteʼanaeʼmo Ala kava neʼmoʼa alagepa huno yagaino apatesiyafeʼmo apakesamo afiʼa fatago nehaya Ala kava neʼmo ayamufaʼage vekamo ayapiʼmo apatemale apatemale huʼana umenitata huʼnaʼae.

Apa 20:17

Poloʼa Mailitasi taonifatiʼmo mago gemo huno atalegeno Efasasi taonifiʼmo uʼniye. Agaemo Efasasi siosi vayaʼaiteʼmo yagaiʼa neʼapataya vayatama vayaʼaifeʼmo, nagaetegamo eyo, huno ge huʼniye.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

Lomu 16:16

Lapaote kavaʼmo hutapaeʼmo konagatapimogimo hapaetapa netetapa ge apamamaeyo. Muki haopalegamo aliʼa anupa huʼa neʼmaiya siosi vayaʼmogiʼeʼmo ge lapamamaeʼnae.

1 Kolitiyani 10:32

Yu nofi vayanagi Yu nofi vayapatiʼmo oʼmaiʼnaya vayanagi siosi vayanagi huno vai lamino hapaesigeʼa hosu kavapiʼmo asagauʼa oʼaisayafeʼmo lapakesamo afitetapa apaulagaleʼmo alagepa kavaʼageʼmo hiyo.

1 Kolitiyani 11:22

Notapifiʼmo neʼyaʼmo nege aniʼmo nege hisaya notapimo ohaneʼnifiye. Hosu kavaʼmo hutapa neʼyaʼmo neʼnetapaeʼmo siosi vayaʼaifeʼmo ina agufa vayaʼmo maiʼnae, huta hutetapa kagemi yaʼapimo ohaneʼniya vayaʼmo apavagage yaʼmo alita neʼapamiye. Mani kavatefeʼmo na agufa gemo lapa paiguve. Lapao ke heʼnaeʼmo alagepa kavaʼmo nehae, huʼna hisufiye. Vaehae. Ani agufa gemo alagi osuguve.

1 Kolitiyani 15:9

Muki apa vayaʼamogimo aeʼa nagaseʼnageʼna nagaemo henaga apa vekamo maiʼnove. Nagaemo Goti siosi vayaʼaeʼmo naini huʼna apateʼnovaʼmofeʼmo Goti apa vekaʼamo maiʼniye, huʼa nagi aesaya kavafeʼmo, ina agufa vekamo maiʼnove, huʼna nagesamo neʼafuve.

Galesiya 1:13

Lapakaemo ago afiʼnayana Yu nofi vayaʼmogi nehaya kava huʼna mono huʼnova kavafeʼmo nava gemo ago afiʼnae. Nagaemo Goti siosi vayaʼalegamo lusi kava huʼna naini huʼna apateteʼna siosi vayaʼmo aliʼna hano huʼna apatalesuvafeʼmo huʼnove.

Efasasi 1:14

Gotiʼa maleʼniyanageno lamisiya yapatiʼmo Aunemeʼamo ago lamiʼniyaʼmofeʼmo ago afiʼnonana miya faino lateʼniya vayaʼamo alagi hatu maeno lateteno lavalelino uno haisigeta muki yaʼamo aligune. Agaemo ha le konali yaʼamo alino apave lisigeʼapaeʼmo agiʼaleʼmo aliʼa asaga huʼa atesayafeʼmo ani kavaʼmo huʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Filipai 1:1

Nagaemo Poloʼnaʼe Timotiʼeʼmo Yesu Kalaisi aliʼyaʼamo neʼaluʼa vekalaʼmo maiʼnetaʼa Poloʼnamo muki Filipai taonifiʼmo maiʼnaya vayaʼmo Kalaisi Yesupiʼmo maiʼnaya vayaʼmogitapaeʼmo mani gemo avoʼmo nekaove. Nagaemo muki lapaote vayafenagi konagatimogiteʼmo yagaiʼa neʼapataya vayatama vayafenagi mono aliʼyaʼmo neʼaliya nikeni vayafenagi huʼna mani gemo avoʼmo nekaove.

Kolosi 1:14

Agaepiʼmo maiʼnonagenoʼaeʼmo kolaʼaletiʼmo miya faino hatu maeno latetenoʼaeʼmo hosu kavatimo alino ataleʼniye.

Kolosi 4:17

Lapakaemo Akipasifeʼmo Ala kava neʼmoʼa kamiʼniya aliʼyakamo alika hano huvo, hutapa ha paiyo.

1 Timoti 3:1

Mani gemo lama gemo haneʼniyana mago vekamoʼmo siosi vayaʼaiteʼmo yagaisuva vayatama vekamo maigesuve, huno hisiyaʼmoʼmo alagepa aliʼyafeʼmo hauʼniye.

1 Timoti 3:2

Ani vayatama vekamo vaiʼmo noʼamisageno afaʼa neʼmaisiya vekamoʼmo magoke aʼmo aliʼnisiya vekamokeʼmo maigiye. Agufaleʼmo alagepa huno yagaino atege aipa agesaleʼmo alagepa huno yagaino atege alagepa kavaʼmo huge nata vayaʼaiteʼmo alagepa huno yagaino apatege afaʼa alino apaya malege nehiya vekamokeʼmo maigiye.

1 Timoti 3:5

Mago vekamoʼmo afamo anagaʼaleʼmo alagepa huno yagaino apatesiyafeʼmo oʼageʼnisiyana haiya kava huno Goti siosi vayaʼaleʼmo yagaino apategaiye.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

1 Timoti 4:16

Kagaikaleʼmo alagepa huka yagaiʼneka alika apaya neʼmalana kavateʼmo yagaiyo. Yagaime yagaime neʼukaeʼmo kagaika kagufamo alika katika kateteka gekamo neʼafiya vayaʼai apakufamo alika katika apategane.

1 Timoti 5:17

Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.