Apa 20:24 - The Keyagana NT and 25 OT books

²⁴ falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 20:24 ပူးပေါင်းရင်းမြစ်များ

Luki 16:28

Faefuʼa konagaʼnimogi maiʼnayanageno uno lamino, ehetapiye, huno hapa paisigeʼa afiteʼapaeʼmo mani lusi kava huno apakafu kisiya koteʼmo emi oʼmegae, huno ha paiʼnigeno

Yoni 15:27

Lapakaemo aliʼyaʼnimo aepa faiʼna aliʼnova afinatetiʼmo nagaeʼeʼmo magokepi lokaeta maime maime etapa hemeniʼeʼmo maiʼnayaʼmofeʼmo lapakaeʼeʼmo nagaefeʼmo faigoko geʼnimo aeta hakalo hugae, huno hapa paiʼniye.

Yoni 17:4

Nagaemo ma mopafi maiʼneʼnaeʼmo kagikaleʼmo aliʼna asaga huʼna kateʼnove. Kagaemo aliʼyaʼmo aliyo, huka naha paiʼnana aliʼyakamo ago alagi aliʼna hano huʼnove.

Apa 1:17

Yesuʼa lekana paino ateʼnigeno lagaeʼeʼmo magokepi lokaeno aliʼyaʼmo alino maiʼniye, huno hapa paiʼniye.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 13:25

Yoniʼa aliʼyaʼamo alagi hogoʼamo hano hugefeʼmo huʼnigenoʼaeʼmo, Nagaefeʼmo ina laʼnae, hutapa lapakesa neʼafiye. Lapakaemo agava maiʼnaya vekamo oʼmaiʼnove. Afiyo, huno, nagae nakameʼmo huno egaiye. Nagaemo ina agufa vekamo maiʼnovanageʼna suʼmo nofiʼamo hakalu hesuva agufa kava huʼna oʼmaiʼnove, huno hapa paiʼniye.

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 15:7

Lusi kava huʼa ge huge afige huʼa maiʼneʼapaeʼmo Pitaʼa he tino, konagaʼnimogitapae, huno, Akeyaʼvilagamo Gotiʼa alagepa faigoko geʼamo alu nofi vayaʼaifeʼmo aeʼna hakalo huʼna hapa paisugeʼa afiteʼapaeʼmo apakesamo afiʼa fatago hisayafeʼmo lapakaepatiʼmo nagaemo lekana paino nateʼniye.

Apa 18:5

Sailasiʼe Timotiʼeʼmo Masetoniya kotegatiʼmo Polotegamo eʼana avaʼyi huʼnaʼagenoʼaeʼmo Poloʼa aipamoʼmo kana huʼnigenoʼaeʼmo aipafatiʼmo Yu vayaʼaifeʼmo aeno hakalo huno hapa painoʼaeʼmo, Yesuʼa Kalaisi vekamo maiʼniye, huno hapa paiʼniye.

Apa 20:21

Nagaemo Yu nofi vayaʼe Galiki nofi vayaʼefeʼmo ago afiʼnova geletiʼmo huʼnaeʼmo, Gotitefeʼmo lapaipamo alita afe lege Ala kava netimo Yesu Kalaisifekeʼmo lapakesamo afita fatago huge hiyo, huʼna hapa paiʼnove.

Apa 20:23

Oʼageʼnovaʼmonanafa alu taonifiʼe alu taonifiʼeʼmo maiʼnaya vayaʼmogi Goti Aunemeʼaletiʼmo huʼapaeʼmo, kalavusi huʼa katesageka lusi kava huka hanageke yaʼmo aligane, huʼa naha paite naha paite huʼnayaʼmonanafa

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Apa 21:13

Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 11:6

Fikumo hapa maeno apamitenoʼaeʼmo lekana paino apateʼniyaʼmofeʼmo alagepa kavaʼapilefeʼmo lekana paino oʼapateʼniye. Alagepa kavaʼapilefeʼmo lekana paino apateyesinana fikumo hapa maeno noʼapamiyesine. Alagepa kavaʼapimo anonaʼapilefeʼmo neʼapamiya kavaʼe fikumo hapa maeno neʼapamiya kavaʼeʼmo alu kava alu kavaʼmo haneʼniye.

Lomu 4:4

Inagi vayaʼmogimo aliʼyaʼmo aliteʼapaeʼmo miyaʼapimo neʼaliya yafeʼmo, fikumo neʼaliye, huta nosupa aliʼyaʼmo aliʼnaya anonaʼapilefeʼmo miyaʼapimo neʼaliye, huta nehune.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 12:10

Aiguvaʼmofeʼmo Kalaisi agiʼalefeʼmo lokiya noʼvauva kavanagi huʼa faipa huʼa neʼnataya gegi kafu nehuva kavanagi apaini huʼa neʼnataya kavanagi hanageke yaʼmo neʼaluva kavatefenagi huʼna lusi kava huʼna namogaga aiguve. Na kavaʼmo higeʼnaene. Lokiya noʼvaiʼnaeʼmo lokiya vaiʼna maiʼnovaʼmofeʼmae.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 4:12

Inagi falisuna kavaʼmoʼa lagufafiʼmo aliʼyaʼmo neʼaliyaʼmonanafa Yesuʼa afaʼa maiʼniya himamuʼamoʼmo lapaipafiʼmo aliʼyaʼmo neʼaliye.

2 Kolitiyani 5:8

Lagufaʼamo ataleta uta haita Ala kava neʼeʼmo maisunafeʼmo koli osuta he, kanalene, huta nehune.

2 Kolitiyani 7:4

Lapakaemo alagepa kavaʼmo hugae, huʼna lokiya nagesamo afiteʼnaeʼmo huʼna ha leʼna lapa nepauve. Lusi kava huʼna namogaga aiʼna nelapateʼnaeʼmo lapava gemo huʼna hapa nepauve. Naipamoʼmo falu huʼniya kavaʼnimoʼmo havai teʼniye. Alopa hanageke yaʼmo aliʼnetaeʼmo nagaemo lusi kava huʼna namogaga neʼauve.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Efasasi 3:13

Inagi nagaemo lapa maesuvafeʼmo kana yaʼmo aliʼnovaʼmofeʼmo lapaipamoʼmo kana nehinagetapaeʼmo, atalegaune, hutapa osiyo. Mani kavatetiʼmo ala lapakitapimo aligae.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

1 Tesaloniyani 3:3

Fiku yanageʼa kana yaʼmo aliʼnonaʼmofeʼmo mago vayaʼmo asagauʼa aigae. Lapakaemo ago afiʼnayana Gotiʼa lagaefeʼmo, ani kana yaʼmo afaʼa aligae, huno agesamo afiteno hu maleʼniye.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 3:11

Apaini huʼa nateʼnageka nagege kana yaʼmo aliʼnogeka nagege huʼnane. Nagaemo Atiyoki taonifinagi Lisitiya taonifinagi Aikoniyamu taonifinagi huʼa hanageke yaʼmo namiʼnageka nageʼnane. Ala kava neʼmoʼa muki hanageke kavapatiʼmo nagufamo alino katino nateʼniye.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

Taitasi 1:3

Polomasi gemo huʼniyaʼmonanafa afole aigiye, huno huteno lekana pai maleʼniya afinaʼmo vayaʼmogi geʼamo aeʼa hakalo huʼa hapa paiʼnagenoʼaeʼmo afole yategamo alagi afole aiʼniye. Gotiʼa lagufamo alino katino nelateya vekamoʼmo mani gemo alino namitenoʼaeʼmo, aeka hakalo huka hapa paiyo, huno naha paiʼnigeʼna aeʼna hakalo huʼna hapa nepauve.

Taitasi 2:11

Gotiʼa fikumo hapa maeno apamitenoʼaeʼmo vayaʼai apakufamo alino katino neʼapateya kavaʼamo muki vayaʼmo ago alino afole aino apave liʼniye.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

1 Yoni 3:16

Yesuʼa afaʼa neʼmaiya yaʼamo lagaetefeʼmo ataleʼniyaʼmofeʼmo lagaefeʼmo hau ayamopafiʼmo hauʼniya kavaʼamo ageʼnonanageta ani kavaʼmo huta konagatimogitefeʼmo afaʼa neʼmauna yatimo atalegaune.

Leveleseni 12:11

Konagatimogimo aikeli sipisipimo kolaʼaletiʼmo lama geʼamo aeʼa hakalo huʼa hapa paiʼnaya geʼaletiʼmo aeʼa agaseʼnae. Apakaemo apakaiʼapi apakufaeʼmo apakesamo oʼafiʼa afaʼa faligune, huʼa huʼnae.

Leveleseni 6:11

Gotiʼa yatala yaveyave kukenamo apamitenoʼaeʼmo, Lapamagiʼnagetapa faliʼnaya kava huʼa aliʼyaʼnimo lapakaeʼeʼmo magokepi lokaeta neʼaliya vayaʼe konagatapimogiʼeʼmo apamagisageʼapaeʼmo faligae. Aise afinaʼmo apakava maime maime neʼvisageʼapaeʼmo muki falisayafe hisaya vayaʼmo afaʼa faligae, huno hapa paiʼniye.