Apa 20:2 - The Keyagana NT and 25 OT books

² Ani kotega umenitata huno apakesa afiʼa fatago huʼnaya vayaʼmo alu ge alu geletiʼmo alino lokiya vaino apatemale apatemale huno umenitata huʼniye. Umenitata hutenoʼaeʼmo Galesiya kotegamo uno avaʼyi huteno

Apa 20:2 ပူးပေါင်းရင်းမြစ်များ

Luki 3:18

Yoniʼa muki vayaʼai apaipa apakesamo alino he tino atesiyafeʼmo magoʼe huno alagepa faigoko gemo aeno hakalo huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 15:41

Poloʼe Sailasiʼeʼmo muki Siliya kotegaʼe Silisiya kotegaʼeʼmo u eʼana huʼana siosi vayaʼmo aliʼana lokiya vaiʼana apatemale apatemale huliʼana uʼnaʼae.

Apa 16:12

Ani taonifatiʼmo ataleta Filipai taonifiʼmo uta avaʼyi huteta maiʼnone. Filipai taonimo Masetoniya kotega hogote taonimo Lomu vayaʼmogimo ki maleʼnaya taonifiʼmo mago afinaʼmo maiʼnone.

Apa 17:1

Anakaemo uʼana Amifipolisi taonimo aliʼana atale uʼana Apoloniya taoniʼeʼmo aliʼana atale uʼana Tesalonaika taonifiʼmo uʼana maiʼnaʼae. Yu vayaʼai mono noʼmo haneʼnigeno

Apa 17:10

Hani nehigeʼapaeʼmo konagaʼanimogimo Poloʼe Sailasiʼeʼmo aliʼa anateʼnageʼana Meliya taonifiʼmo uʼana avaʼyi huʼnaʼae. Uʼana avaʼyi huteʼana Yu vayaʼai mono nopiʼmo uʼa haiʼana Goti geʼamo hapa paiʼnaʼae.

Apa 2:40

Huno hapa paitenoʼaeʼmo Pitaʼa magoʼe gemo huno apakesamo huno halo aino aeno hakalo huno hapa paitenoʼaeʼmo, Ehetapiye, huno, Gotiʼa hosu kavaʼmo nehaya vayaʼmo kayoʼmo apamisiyategatiʼmo ataletapa lapaune hetaletapa vigenoʼao lapakufamo alino katino lapateno, huno hapa paiʼniye.

Apa 20:1

Apano aeʼa hano hutageno Poloʼa Ala kava neʼmo geʼamo neʼafiya vayaʼaifeʼmo ge huʼnigeʼa eʼnageno apanu kino alino falu fala huno apatetenoʼaeʼmo, maitaleyo, huno hapa paiteno apataleno Masetoniya kotegamo uʼniye.

Apa 20:11

Hapa paiʼnigeʼa Yesu kaveʼmo magokepi lokaeʼa maiʼneʼa neteʼapaeʼmo afa neʼyaʼmo neteʼa Poloʼa asole gemo hapa paime hapa paime neʼvigeno ko netigenoʼaeʼmo apataleno uʼniye.

Apa 20:3

loleʼe magoʼe kaimo maiʼniye. Agaemo Siliya kotegamo sipifiʼmo ugefeʼmo alo huno maiʼnigeʼapaeʼmo Yu vayaʼmogimo amagigune, huʼa vegemo huʼnayaʼmofeʼmo Masetoniya kotegamo uʼna aeʼna agaseʼna aiʼna atagineʼna egauve, huno agesa afiʼniye.

1 Kolitiyani 4:19

Ala kava neʼmoʼa hauʼnisiyaʼmoʼmo aise afinaʼmo utesigeʼna lapakaetegamo afaʼa uguve. Uʼna avaʼyi huteʼnaeʼmo himuʼnamu gemo nehaya geʼageʼmo oʼafiguvaʼmonanafa Goti lokiyaʼamo apaipafiʼmo afole aiʼnifi, huʼna agegauve.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

1 Tesaloniyani 2:11

Afoʼapimogimo mafaʼneʼapileʼmo yagaiʼa neʼapataya kava huta lapakaeteʼmo yagaiʼneta ani kavaʼmo hiyo, huta huge lapaipamo alita lokiya vaita lapatege lokiya gefatiʼmo lapa paige huta maiʼnonagetapa lageʼnae.

1 Tesaloniyani 2:3

Lapa paiʼnona gemo aigofe geletiʼmo afole oʼaige amega lagufaleʼmo lamogaga aisuna agufa kavatetiʼmo afole oʼaige humiʼnami getiletiʼmo afole oʼaige huʼniye.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.