Apa 20:19 - The Keyagana NT and 25 OT books

¹⁹ Yu vayaʼmogi nagaefeʼmo muki afinaʼae afinaʼaeʼmo vegemo huʼa maiʼnageʼnaeʼmo lusi kava huʼna kana alige aviʼyaʼmo huge huʼna maiʼneʼnaeʼmo muki afinaʼmo ina agufa vekamo maiʼnove, huʼna nagiʼnileʼmo aliʼna afepi ateteʼna Ala kava neʼmo aliʼyaʼamo aliʼnogetapa nageʼnae.

Apa 20:19 ပူးပေါင်းရင်းမြစ်များ

Samu 119:136

Vayaʼmogimo keʼaepa gekamo akame nosayaʼmofeʼmo lusi kava huno naunumo uno nelamiye.

Luki 19:41

Yesuʼa Yulusalemu taonifiʼmo uno hogo hutenoʼaeʼmo uno avaʼyi huno taonimo agetenoʼaeʼmo aviʼyaʼmo huʼniye.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 17:13

Ani kavaʼmo huʼnayaʼmonanafa Tesalonaika Yu vayaʼmogimo afiʼnayana Poloʼa Meliya taonifiʼmo uno maiʼneno Goti geʼamo aeno hakalo huno hapa nepaiye, huʼa huʼnageʼa afiteʼapaeʼmo eʼa alu ge alu gemo huʼa muki vayaʼai apakesamo faiʼnae.

Apa 17:5

Afiʼnayaʼmonanafa apakesa afiʼa fatago osuʼnaya Yu vayaʼmogimo apaipa kafa hanaeteʼa hosu vayaʼmo aliʼyaʼmo oʼaliʼa afaʼa maiʼneʼa maketilegamo umenitata huʼa neʼmaiya vayaʼmo apavaleʼa aliʼa anupa huteʼa apavaleliʼa uʼnageʼapaeʼmo muki taonifiʼmo maiʼnaya vayaʼmogiʼeʼmo apano aeteʼa apavamusa valeʼa Yesoni notegamo uʼnae. Apakaemo huʼapaeʼmo, lole vekalaʼmo nopatiʼmo anayate heta anavayu hulita egaune, huʼa huteʼa eʼnayana

Apa 20:3

loleʼe magoʼe kaimo maiʼniye. Agaemo Siliya kotegamo sipifiʼmo ugefeʼmo alo huno maiʼnigeʼapaeʼmo Yu vayaʼmogimo amagigune, huʼa vegemo huʼnayaʼmofeʼmo Masetoniya kotegamo uʼna aeʼna agaseʼna aiʼna atagineʼna egauve, huno agesa afiʼniye.

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Apa 21:27

Seveniʼa afinaʼmo hano hisiyafeʼmo huʼnigeʼapaeʼmo mago Esiya kotega Yu vayaʼmogi ageʼnayana Poloʼa alopa mono nopiʼmo uno haino maiʼnigeʼa ageʼnae. Apakaemo muki vayaʼmo aliʼa he tiʼa apateteʼa uʼa Poloʼmo atafauteʼa,

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 12:11

Alaga olapaenagetapa lapayamukiki hutapa Ala kava neʼmo aliʼyaʼamo aliyo.

2 Kolitiyani 2:4

Naipamoʼmo kana huteno nainagamo faiʼnigeno naunumo nelamigeʼna mani avoʼmo kaeʼnove. Lapaipamoʼmo kana hisiyafeʼmo mani avoʼmo okaeʼnovaʼmonanafa lapakaefeʼmo lusi kava huno nahau nayamopafiʼmo nahauʼniya kavaʼnimo agesayafeʼmo avoʼmo kaeʼnove.

2 Kolitiyani 3:5

Himamutimo ohaneʼniyanageta lagaitimo alagepa lagesamo afaʼa oʼafigune. Goti aliʼyaʼamo alisuna himamutimo Gotitegatiʼmo afole neʼaiye.

2 Kolitiyani 7:5

Lagaemo Masetoniya kotegamo eta maiʼnetaeʼmo maita haga oleʼnone. Hanageke yaʼmoʼa faino ku aino lateʼnigeʼapaeʼmo amega lagufaleʼmo kame huʼa nelatagetaeʼmo yuʼilaga laipafiʼmo koli huʼnone.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

Efasasi 6:7

Aliʼyaʼmo afoʼamogitefeʼmo aliʼyaʼmo neʼaluve, hutapa osuta, Ala kava netefeʼmo aliʼyaʼmo neʼaluve, huta kanale lapaipamo kaliʼnetapa aliʼyaʼmo aliyo.

Filipai 3:18

Mani hemenimo hisuva gemo muki afinaʼmo lapa paiʼnovanageʼna hemenimo halate magoʼe huʼna lapa paiʼnaeʼmo, Asole vayaʼmo Kalaisi kame vayaʼamo maiʼneʼa malipu yosaleʼmo faliʼniya kavafeʼmo ava gemo aeʼa ati nekae, huʼna huteʼna naunumo uno nelamigeʼna lapa nepauve.

Kolosi 3:24

Ala kava neʼmo Kalaisi aliʼyaʼamo neʼaliyaʼmofeʼmo ago afiʼnayana Ala kava neʼmoʼa alo hu maleʼniya yapatiʼmo miyatapimo lapamigiye.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

2 Timoti 1:4

Kaunumo nelamiya kavafeʼmo nagesamo afiteʼnaeʼmo kagesugenoʼaeʼmo naipafiʼmo namogaga aisiya yaʼmo havai tesiyafeʼmo nahauʼniye.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

1 Pita 1:6

Ani kavafeʼmo lapamogaga neʼaiyaʼmonanafa lapa maesiya hanageke yaʼmo hemenimo aise afinaʼmo aliʼnageno lapaipamoʼmo kana huʼniye.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

Leveleseni 7:15

Ani kavaʼmo huʼnayaʼmofeʼmo Goti aulagaleʼmo yagaino neʼapateya vekamo siya aulagaleʼmo maiʼneʼa felugaʼe haniʼilagaʼeʼmo aote mono noʼafiʼmo aliʼyaʼmo aliʼnae. Yagaino neʼapateya siyateʼmo fai maiʼniya vekamoʼmo apakaeʼeʼmo magokepi lokaeno maigiye.