Apa 20:1 - The Keyagana NT and 25 OT books

¹ Apano aeʼa hano hutageno Poloʼa Ala kava neʼmo geʼamo neʼafiya vayaʼaifeʼmo ge huʼnigeʼa eʼnageno apanu kino alino falu fala huno apatetenoʼaeʼmo, maitaleyo, huno hapa paiteno apataleno Masetoniya kotegamo uʼniye.

Apa 20:1 ပူးပေါင်းရင်းမြစ်များ

Aepa Gemae 48:10

Isaleliʼa ago kosuna leʼniyaʼmofeʼmo aulagamo hosuʼnigeno oʼageʼniye. Yosefeʼa afoʼamo haopaleʼmo anavalelino eʼnigeno Yekopuʼa ananu kiteno hanaeno neʼniye.

Apa 11:26

ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.

Apa 16:12

Ani taonifatiʼmo ataleta Filipai taonifiʼmo uta avaʼyi huteta maiʼnone. Filipai taonimo Masetoniya kotega hogote taonimo Lomu vayaʼmogimo ki maleʼnaya taonifiʼmo mago afinaʼmo maiʼnone.

Apa 16:9

Maiʼneʼapaeʼmo Poloʼa alagamuna agegekana huno ageʼniyana mago Masetoniya kotega vekamoʼmo he tino Polofeʼmo aukaya huno ge hunoʼaeʼmo, kahao ke hovanagi aniʼmo lakaeka Masetoniya kotegamo eka laha mao, huno ha paiʼnigeno ageʼniye.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 20:10

Poloʼa uno lamino haifiʼyaleʼmo havaeʼneno anu kitenoʼaeʼmo, atete olapaino. Afaʼa maiʼniye, huno hapa paiʼniye.

Apa 20:2

Ani kotega umenitata huno apakesa afiʼa fatago huʼnaya vayaʼmo alu ge alu geletiʼmo alino lokiya vaino apatemale apatemale huno umenitata huʼniye. Umenitata hutenoʼaeʼmo Galesiya kotegamo uno avaʼyi huteno

Apa 20:3

loleʼe magoʼe kaimo maiʼniye. Agaemo Siliya kotegamo sipifiʼmo ugefeʼmo alo huno maiʼnigeʼapaeʼmo Yu vayaʼmogimo amagigune, huʼa vegemo huʼnayaʼmofeʼmo Masetoniya kotegamo uʼna aeʼna agaseʼna aiʼna atagineʼna egauve, huno agesa afiʼniye.

Apa 20:37

Apaulagafatiʼmo apaunumo uno nelamigeʼapaeʼmo Poloʼmo anu kiʼa haeʼa neʼnae.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

Lomu 16:16

Lapaote kavaʼmo hutapaeʼmo konagatapimogimo hapaetapa netetapa ge apamamaeyo. Muki haopalegamo aliʼa anupa huʼa neʼmaiya siosi vayaʼmogiʼeʼmo ge lapamamaeʼnae.

1 Kolitiyani 16:20

Muki manileʼmo maiʼnaya konagamogiʼeʼmo ge lapamamaeʼnae. Lapakaemo magoke magoke hutapa konagatapimo ge apamamaeteta hapaetapa neyo.

1 Kolitiyani 16:5

Nagaemo Masetoniya kotegamo uʼna aeʼna agaseʼna lapakaetegamo uguve. He, hogoteʼna Masetoniya kotegamo uʼna aeʼna agaseʼna uguve, huʼna nagesamo neʼafuve.

2 Kolitiyani 13:12

Konaga kavaʼmo hutapa lapakaitapimo lahapaetapa netetapa maiyo.

2 Kolitiyani 7:5

Lagaemo Masetoniya kotegamo eta maiʼnetaeʼmo maita haga oleʼnone. Hanageke yaʼmoʼa faino ku aino lateʼnigeʼapaeʼmo amega lagufaleʼmo kame huʼa nelatagetaeʼmo yuʼilaga laipafiʼmo koli huʼnone.

1 Tesaloniyani 5:26

Muki konagatapimogimo alita falu fala hutapa neʼapatetapaeʼmo lapaote lapaipamo kaliʼnetapa hapaetapa neyo.

1 Timoti 1:3

Nagaemo Masetoniya kotegamo visuvafeʼmo huʼnaeʼmo, Efasasi taonifiʼmo maiʼneka mago hosu gemo nehaya vayaʼaifeʼmo, alu gemo alita apaya oʼmaleyo, huka hapa paiyo.