Apa 2:42 - The Keyagana NT and 25 OT books

⁴² Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 2:42 ပူးပေါင်းရင်းမြစ်များ

Luki 24:30

Hiʼyalamuteʼmo anakaeʼeʼmo magokepi siyateʼmo fai maiʼnenoʼaeʼmo peleti mayamo aliʼneno nunumuʼmo huno hao ke heteno akaya heno anamiʼniye.

Luki 24:35

kategamo afole aiʼniya kavafeʼmo ava gemo huge peleti mayamo alino akaya heʼnigeʼana Yesuʼmae, huʼana ageʼnaʼa kavafeʼmo ava gemo huge huʼana hapa paiʼnaʼae.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 20:11

Hapa paiʼnigeʼa Yesu kaveʼmo magokepi lokaeʼa maiʼneʼa neteʼapaeʼmo afa neʼyaʼmo neteʼa Poloʼa asole gemo hapa paime hapa paime neʼvigeno ko netigenoʼaeʼmo apataleno uʼniye.

Apa 20:7

Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

Apa 4:23

Anateʼnageʼanaeʼmo Pitaʼe Yoniʼeʼmo vayaʼanilegamo atagi neʼuʼana mono huʼa neʼapataya vayaʼaiteʼmo yagaiʼa neʼapataya vayaʼe yagaiʼa neʼapataya vayatama vayaʼmogiʼeʼmo hana paiʼnaya gemo hapa paiʼnaʼae.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

1 Kolitiyani 10:21

Lapakaemo Ala kava neʼmo kapufati aniʼe hosu apaune vayaʼai kapufati aniʼeʼmo alagi oʼnesaya kavaʼmo haneʼniye. Ala kava neʼmo hiʼyalamutetiʼe hosu apaune vayaʼai hiʼyalamutetiʼeʼmo alagi oʼnesaya kavaʼmo haneʼniye.

1 Kolitiyani 11:2

Lapakaemo muki afinaʼmo nagaefeʼmo lapakesamo afitetapa aliʼna lapaya maleteʼna aliʼna lapamiʼnova gemo akame nehayaʼmofeʼmo lapao ke heʼnaeʼmo, alagepa kavaʼmo nehae, huʼna nehuve.

1 Kolitiyani 14:6

Konagaʼnimogitapae, huʼna, Nagaemo lapakaetegamo uʼna avaʼyi huteʼnaeʼmo alu nage alu nagemo aisuvana haiya kava huʼna lapa maegauve. Lapa oʼmaegauvaʼmonanafa Gotiʼa alino nave liʼniya gemo lapa paisufi afisaya agufa gemo huʼna lapa paisufi Gotitegatiʼmo geʼamo aliʼna aeʼna hakalo huʼna lapa paisufi aliʼna lapaya malesufi huʼnisuvana lapa oʼmaegauve.

Galesiya 1:6

Aise afinaʼmo utegetapaeʼmo Gotiʼa lapakaefeʼmo keya aeno ge huteno Kalaisitetiʼmo fikumo lapa maeno lapamiʼniya vekamo ataletapa alu faigoko gemo afisayafeʼmo uʼnageʼna nahau aiʼnove.

Efasasi 2:20

Apa vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo Gotiʼa noʼmo faino neʼateya yafakana huʼa maiʼnae. Gotiʼa ani yafateʼmo no kigekana huno alino lapateʼniye. Yesu Kalaisiʼa hogote yafaʼmo aluga aluga atupaleʼmo noʼmo faiʼa neʼataya yafakana huno maiʼniye.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

2 Timoti 3:14

Humi apategaiyaʼmonanafa kagaemo alino kaya maleʼniya vekamo ago ageʼnanaʼmofeʼmo afiteka aliʼnana geleʼmo atafauka alagi huʼneka kagesamo afika fatago huʼnana kavateʼmo atafauka alagi hume hume uka maiyo.

Himulu 10:25

Mago vayaʼmo aliʼa anupa huʼa neʼmaiya kavaʼmo ataleʼnayaʼmofeʼmo oʼataleta alagepa kavaʼmo hiyo, huta hapa paisunageʼa laha paisageta huta alita anupa huta maigetao. Alopa hosu afinaʼmo neʼegetapa ageʼnayaʼmofeʼmo ani kavaʼmo magoʼe hutapa hiyo.

Himulu 10:39

Huno hu maleʼniyaʼmonanafa lagaemo ataleʼa aiʼa atagi neʼa uʼa afela heʼnaya nofi vayapatiʼmo oʼmaiʼnonaʼmonanafa lagaemo apakesamo afiʼa fatago huʼnageno apakupi mafaʼnemo alino katino neʼapateya nofi vayapatiʼmo maiʼnone.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.