Apa 2:33 - The Keyagana NT and 25 OT books

³³ Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 2:33 ပူးပေါင်းရင်းမြစ်များ

Samu 118:16

Himamuʼaletiʼmo aeta apakaseʼnone, huʼa nehae.

Samu 89:19

Aote vekamoʼmo alagamuna agegekana huno ageʼnigekaeʼmo ina ge huka ha paiʼnane. Nagaemo himamuʼaʼe vekamo lokiya vaiʼna ateʼnove. Nagaemo mago vekamo vayapatiʼmo lekana paiʼna ateteʼna aliʼna asaga huʼna ateʼnove.

Samu 89:24

Apamiguvaʼmonanafa agaefeʼmo ani kavaʼmo huguve, huʼna ha paiʼnova geʼnimo alagi akame huʼna nahau huʼna ategauve. Nagiʼnilefeʼmo agiʼaleʼmo aliʼna asaga huʼna ategauve.

Aiyeya 52:13

Ala kava neʼmoʼa ina gemo hunoʼaeʼmo, Ageyo, huno, aliʼyaʼnimo neʼaliya vekamoʼmo alagepa huno afiteno ageʼnenoʼaeʼmo aliʼyaʼamo neʼalisigeno alagi afole aigiye. Vayaʼmogimo ala agiʼamo amiteʼapaeʼmo aliʼa asaga huliʼa anagamo uʼa haisageno hogote vekamo maigiye.

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Yoni 14:16

Nagaemo muki yaʼmo Afoʼamofeʼmo nunumuʼmo hisugeno magoʼe huno lapa maesiya vekamo emineno lapakaeʼeʼmo muki afinaʼmo alagi magokepi lokaeno maisiyafeʼmo lapamigiye.

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Apa 1:4

Yesuʼe apa vayaʼaʼeʼmo aliʼa anupa huʼa maiʼneʼapaeʼmo hapa painoʼaeʼmo, Yulusalemu taonifatiʼmo ataletapa oʼuta maiʼniyo. Afoʼnimoʼmo hunoʼaeʼmo, lapakaetegamo aliʼna atesugeno emiʼnegaiye, huno naha paiʼnigeʼna ava gemo huʼna lapa paiʼnova vekaeʼmo agava maiyo.

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 2:17

Gotiʼa hunoʼaeʼmo, Hano hisiya afinaʼmo Nauneʼnameʼmo aniʼmo lakigekana huʼna muki ve aʼnemo apamiguve. Mafaʼnetapimogiʼe aʼmafaʼnetapimogiʼeʼmo nagae gemo aeʼa hakalo hugae. Neya vayatapimogimo alagamuna agegegana huʼa agegae. Kosu vayatapimogimo alagamuna agegae.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Galesiya 3:14

Gotiʼa Emalehamuʼmo alino auleno ateʼniya kava huno alu nofi vayaʼmogita alino auleno latesiyafeʼmo Kalaisiʼa hatu maeno lateʼniye. Gotiʼa polomasi gemo hunoʼaeʼmo, Nauneʼnameʼmo aliʼna lapamiguve, huno huʼnigeta Aunemeʼamo lagesamo afita fatago hisuna kavatetikeʼmo alisunafeʼmo hatu maeno lateʼniye.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 4:8

Ani kavatefeʼmo Goti mukufi gemoʼmo hunoʼaeʼmo, Agaemo kamemo huno aeno apakaseteno apatafauno apavalelino anagamo uno haiteno alu ya alu yaʼmo fikumo alino vayaʼaina apamiʼniye, huno huʼniye.

Taitasi 3:6

Lagufamo alino katino nelateya vekatimo Yesu Kalaisitetiʼmo lagaeteʼmo Aunemeʼamo aniʼmo lakigekana huno lamiʼniye.

Himulu 10:12

Huʼnayaʼmonanafa ani vekamoʼmo muki afinatefeʼmo magoke ofalinimo amiteno Goti lamaga haopaleʼmo fai maiʼniye.

Himulu 2:9

Gotiʼa Yesuʼmo ha le konali yaʼaʼe ala agiʼaʼeʼmo amiʼniya vekamo ago ageʼnone. Gotiʼa, fikumo hapa maeʼna apamiguve, huno huteno Yesuʼmo muki vayaʼaitefeʼmo falisiyafeʼmo aise afinaʼmo enisole vayaʼai apaiyafiʼmo alino ateʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.