Apa 2:28 - The Keyagana NT and 25 OT books

²⁸ Kagaemo maige maige huʼna maisuva kaʼmo ago alika nave liʼnane. Kaulagaleʼmo naipafiʼmo namogaga neʼaiya kavaʼnimo alika maleka havaiteka nategane, huno avoʼmo kae maleʼniye.

Apa 2:28 ပူးပေါင်းရင်းမြစ်များ

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 21:6

Kagaemo alagi alika auleka atetekaeʼmo aulena vekamo maige maige huno maigiye, huka huʼnane. Agaeʼeʼmo lokaeka maiʼnanaʼmofeʼmo lusi kava huno amogaga neʼaiye.

Samu 25:4

O Ala kava nene, huʼna, kahauʼninageka visuva kaʼmo nave liyo. Ani kateʼmo visuvafeʼmo alika naya malo.

Samu 42:5

Nagupi mafaʼneyo, huʼna, na kava higenoʼaeʼmo kaipamoʼmo kana nehiye. Na kava higekaeʼmo kagesa alaʼamo neʼafine. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Mai'naya kavane 2:19

Muki vayaʼmo agaetegamo neʼvaya vayaʼmo halate ataleʼa atagineʼa oʼmegae. Aiʼa atagi neʼa eʼa afaʼa maisaya kateʼmo oʼugae.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Apa 2:27

Kagaemo ani kavatefeʼmo nagupi mafaʼnemo kanolufiʼmo afaʼa oʼnatalegane. Kagaemo hukaeʼmo aote vekaʼnimo agufamo atalesugeno okasaligiye, huka huʼnane.

Apa 2:29

Vayaʼnimogitapae, huno, Neviniʼa ani gemo huʼniyaʼmonanafa laginago vekamo Neviniʼa faliʼnigeʼapaeʼmo kiʼa ateʼnaya kanoluʼamo hemenimo lagaetegamo afaʼa haneʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.