Apa 2:24 - The Keyagana NT and 25 OT books

²⁴ Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.

Apa 2:24 ပူးပေါင်းရင်းမြစ်များ

Samu 116:16

Ala kava nene, huʼna, aliʼyakamo neʼaluva vekamo maiʼnove. Itaʼnimoʼmo aliʼyakamo neʼaliya aʼmo maiʼniya kava huʼna maiʼnove. Hatu maeka nateʼnanageʼna afa vekamo maiʼnove.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Matiyu 27:63

Ala vekae, huʼa, ani aigofe gemo nehiya vekamoʼmo afaʼa maiʼnenoʼaeʼmo, loleʼe magoʼe afinaʼmo utesigeʼna halate he tiguve, huno huʼniya geeʼmo lagesamo afiʼnonaʼmofeʼmo

Yoni 10:18

Mago vekamoʼmo afaʼa maisuva yaʼnimo nayapatiʼmo naha faleno oʼatalegaiyaʼmonanafa nagaiʼnimo nagesa afiteʼna atalegauve. Afaʼa maisuva yaʼnimo ataleteʼna halate alisuvafeʼmo himamuʼnimo ago aliʼnove. Afoʼnimoʼa ani kavaʼmo huvo huno naha paiʼniyaʼmofeʼmae, huno hapa paiʼniye.

Yoni 10:35

Ago afiʼnonana Goti mukufi haneʼniya gemo alagi lama gemo hanege hanege huno haneʼneno hano osisiya agufa gemo haneʼniye. Goti mukufiʼmo haneʼniya gemoʼa Goti geʼamo alino apamiʼniya vayaʼaifeʼmo, gotikana hutapa maiʼnae, huno hapa paiʼniye.

Yoni 12:39

Aiyeyaʼa ani kavafeʼmo magoʼe gemo hunoʼaeʼmo, Gotiʼa apaulagaletiʼmo oʼagege apaipafatiʼmo alagepa huʼa afiʼa aeto osuge hisayafeʼmo apaulagamo alino fali kaeno apateteno apaipamo alino yafakana huno lokiya vaino apateʼniye. Gotiʼa hunoʼaeʼmo, nagaetegamo aiʼa atagineʼa esageʼnaeʼmo aliʼna alagepa huʼna oʼapatesuvafeʼmae, huno huʼniye, huno avoʼmo kae maleʼniye. Aiyeyaʼa ani gemo huno avoʼmo kae maleʼniyaʼmofeʼmo Yesuʼeʼmo magokepi lokaeʼa maiʼnaya vayaʼmogi apakesamo afiʼa fatago osuʼnae.

Yoni 20:9

Huʼniyaʼmonanafa ani afinaʼmo Goti mukufi gemoʼa hunoʼaeʼmo, faliteno he tigiye, huno hu maleʼniya geʼaeʼmo anakesamo oʼafiʼnaʼae.

Apa 1:16

Vayaʼnimogitapae, huno, Goti Aunemeʼamoʼmo akeyaʼvilaga Yutasiʼa Yesuʼmo atafauʼa kalavusi huʼa atesaya vayaʼmo kaʼmo alino ho huno apave liʼniya vekamoʼmo hisiya kavafeʼmo ava gemo laginago vekamo Nevinifeʼmo ha paiʼnigeno avoʼmo ago kae maleʼniye. Ani avoʼmo kae maleʼniya gemo ago afole aiʼniye.

Apa 13:30

Gotiʼa ago alino he tino ateʼniye.

Apa 13:37

Nevini agufaʼamo ago kasaliʼniyaʼmonanafa Gotiʼa alino he tino ateʼniya vekamo agufaʼamo okasaliʼniye.

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

Apa 2:32

Gotiʼa mani vekamo Yesuʼmo ago alino he tino ateʼnigeta ageteta aeta hakalo huta hapa nepauna vayaʼmo maiʼnone.

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 3:26

Gotiʼa aliʼyaʼamo aliʼniya vekamo Yesuʼa alino afole aino ateteno alino ateʼnigeno hogoteno lapakaetegamo ago emineʼniye. Agaemo alino auleno lapatesiyafeʼmo alino aino afe leno lapatesigetapa hosu kavategatiʼmo ataletapa egae, huno hapa paiʼniye.

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

Apa 5:30

Lapakaemo Yesuʼa malipu yosaleʼmo nili aitetapa alita he titapa ateʼnagenoʼaeʼmo laginago vayaʼmogi Gotiʼapimoʼmo faliʼniyatetiʼmo ago alino he tino ateʼniye.

Lomu 10:9

Kagaemo hukaeʼmo, Gotiʼa Yesuʼmo faliʼniyatetiʼmo ago alino he tino ateʼniye, huka kaipafiʼmo kagesamo afika fatago hutekaeʼmo, Yesuʼa Ala kava netimo maiʼniye, huka kavayafatiʼmo aeka hakalo nehisanana Gotiʼa kagufamo alino katino kategaiye, huta lapa nepaune.

Lomu 14:9

Kalaisiʼa faliʼnaya vayaʼe afaʼa maiʼnaya vayaʼmogiʼeʼmo kava vekaʼapimo maisiyafeʼmo ago faliteno he tiʼniye.

Lomu 6:4

Muki yaʼmo Afoʼamoʼmo ha le konali yaʼaletiʼmo Kalaisiʼa faliʼniyatetiʼmo ago alino he tino ateʼniya kava huta he tita saufa kavaʼmo huta maisunafeʼmo Gotiʼa Kalaisipiʼmo aniʼmo faleno lateʼnigeta agaeʼeʼmo magokepi faliʼnonagenoʼaeʼmo agaeʼeʼmo magokepi kino lateʼniye.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

Lomu 8:34

Ina laʼmo agoti huno latetenoʼaeʼmo, hosu vayaʼmo maiʼnae, huno hugiye. Haʼao, Kalaisiʼa ago faliʼniye. Faliʼniyaʼmonanafa Gotiʼa ago alino he tino ateʼnigenoʼaeʼmo magoʼe huno laha maesiyafeʼmo Goti lamaga haopaleʼmo maiʼnenoʼaeʼmo nunumuʼmo huno nelate.

1 Kolitiyani 15:12

Lagaemo hutaeʼmo, Kalaisiʼa faliʼniyatetiʼmo ago alino he tino ateʼniye, huta aeta hakalo huta lapa nepaunaʼmofeʼmo na kava higetapa mago vayaʼamogitapamo hutapaeʼmo, faliʼnaya vayaʼmo he otigae, hutapa nehae.

1 Kolitiyani 15:15

Magoʼe gemo haneʼniye. Alino he tino oʼateʼniyesinana lagaemo Gotifeʼmo, Kalaisiʼa alino he tino ateʼniye, huta nehuna faigoko gemo Gotifeʼmo aigofe faigoko gemo nehuna vayaʼmo maiʼnonesine. Faliʼnaya vayaʼmo henagaʼamo he otigaesinana Kalaisiʼa alino he tino oʼateʼnigeta lagaemo aigofe vayaʼmo maiʼnonesine.

1 Kolitiyani 15:20

Ani gemo nehuvaʼmonanafa lama gemo haneʼniyana Kalaisiʼa ago he tiʼniye. Agaemo hoyafatiʼmo hogoteno leʼniya neʼyakana huno he tiʼniyaʼmofeʼmo agae akamelegamo asole vayaʼmo he tigae.

1 Kolitiyani 15:4

Kanolufiʼmo kiʼa ateʼnageno loleʼe magoʼe afinaʼmo utegenoʼaeʼmo ago alino he tino ateʼniye.

1 Kolitiyani 6:14

Gotiʼa Ala kava neʼmo alino he tino ateʼniya kava huno himamuʼaletiʼmo lagaeʼeʼmo alino he tino lategaiye.

2 Kolitiyani 4:14

Lagaemo afiʼnonana Ala kava neʼmo Yesuʼa ago alino he tino ateʼniya vekamoʼmo Yesuʼe lagaeʼeʼmo alino he tino latetenoʼaeʼmo lapakaeʼeʼmo lavalelinuno agaeʼeʼmo magokepi lokaeno latesigeta lokaeta maigune, huta afiʼnonaʼmofeʼmo ge nehune.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Kolosi 2:12

Ani kavaʼmo haneʼnigeʼa aniʼmo faleʼa nelapatagenoʼaeʼmo Gotiʼa lapakesamo afita fatago nehaya kavatetiʼmo Kalaisiʼeʼmo kanolufiʼmo kino lapateteno Kalaisiʼeʼmo magokepi alino he tino lapateʼniye. Gotiʼa Kalaisiʼmo alino he tino ateʼniya vekamo himamuʼaletiʼmo lapaipafiʼmo aliʼyaʼmo aliʼnigetapa lapakesamo afita fatago huʼnae.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 2:14

Mafaʼnemogi apakufaʼe kolaʼeʼmo neʼaliya kava huno falisiyafeʼmo agufaʼe kolaʼaʼeʼmo aliʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.