Apa 2:23 - The Keyagana NT and 25 OT books

²³ Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Apa 2:23 ပူးပေါင်းရင်းမြစ်များ

Aepa Gemae 50:20

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Matiyu 20:19

alu nofi vayaʼmogi apayapiʼmo avaleʼa apamisageʼa kigi huʼa atege nofi kayotetiʼmo amagige huteʼa malipu yosaleʼmo nili aiteʼa aliʼa he tiʼa ategae. Loleʼe magoʼe afinaʼmo maitesigeno halate alino he tino ategaiye, huno hapa paiʼniye.

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Matiyu 27:35

Malipu yosaleʼmo nili aiteʼa aliʼa he tiʼa ateʼneʼapaeʼmo kukena yaʼamo aliʼa fako huʼa aliteʼa mago yafatetiʼmo yokalo leʼnae. Gotitegati gemo alinineno aeno hakalo huno hapa nepaiya vekamoʼmo hunoʼaeʼmo, Kukenaʼnimo aliʼa fako huʼa aliteʼa yatala kukenaʼnileʼmo yokalo leteʼa aeno apaka seʼniya vekamoʼmo aliʼniye, huno huʼniya gemo afole aisiyafeʼmo ani kavaʼmo huʼnae.

Maki 15:24

Apakaemo malipu yosaleʼmo nili aiteʼa aliʼa he tiʼa ateʼnae. Kukenaʼamo alisayafeʼmo yafatetiʼmo yokalo leteʼa aliʼa fako huʼa aliʼnae.

Luki 22:22

Vemo Mafaʼnemoʼmo Gotiʼa lekana paino ateʼniya kateʼmo afaʼa neʼviyaʼmonanafa vaehae agaemo kutulu yaʼmo neʼniya vekamoʼmo lusi kava huno kage kage huno yulagefaʼmo aigiye, huno hapa paiʼnigeʼapaeʼmo

Luki 22:37

Lapa nepauve, huno, Goti mukufiʼmo avoʼmo kae maleʼniya gemoʼmo hunoʼaeʼmo, keʼaepa gemo amagiʼa neʼatalaya vayapiʼmo maiʼniya vekae, huʼa apakesamo afiʼnae, huno nava gemo huno avoʼmo kae maleʼniya gemo afole aigiye. Muki kavaʼaeʼmo nava gemo huʼa avoʼmo kae maleʼnaya gemo afole neʼaiye, huno hapa paiʼnigeʼapaeʼmo,

Luki 23:33

Mago aupilaga agiʼamo Anu Ayamufagayagamo uʼa avaʼyi huteʼa Yesuʼe gamani keʼaepa gemo amagiʼana ataleʼnaʼa vekalaʼeʼmo malipu yosaleʼmo nili aiteʼa aliʼa he tiʼa apateʼnae. Mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Luki 24:20

Maiʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe yagaiʼa nelataya vayaʼmogiʼeʼmo kamitimo amagisayafeʼmo gamani vayaʼaitegamo avaleli uʼa ateʼneʼa malipu yosaleʼmo nili aiteʼa aliʼa he tiʼa ateʼnae.

Yoni 19:18

Ani haopalegamo malipu yosaleʼmo nili aiteʼa aliʼa he tiʼa ateʼnae. Lole vekalaʼeʼmo malipu yosaleʼmo nili aiteʼa aluga aluga haopalateʼmo aliʼa he tiʼa anateʼnageno Yesuʼa folagapiʼmo maiʼniye.

Yoni 19:24

alita apake oʼaigetao, huteʼa yokalo lesunageno aeno lagasesiya vekamoʼa ani siotimo aligiye, huʼa huʼnae. Goti mukufiʼmo hu maleʼniya gemo afole aisiyafeʼmo ani kavaʼmo huʼnae. Ani gemoʼmo hunoʼaeʼmo, Kukenaʼnimo aliʼa fako huʼa magoke magoke huʼa aliʼnae. Yokalo leteʼa mago aeno apakaseʼniya vekamoʼa yatala kukenaʼnimo aliʼniye, huno huʼniye.

Apa 13:27

Yulusalemu taonifiʼmo maiʼnaya vayaʼe yagaiʼa neʼapataya vayaʼapimogiʼeʼmo Kalaisi vekamo maiʼniye, huʼa oʼageʼa Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo muki sapati afinaʼmo lekana nepaiya gemo aepaʼamo oʼafiʼnayaʼmofeʼmo amagiyo, huʼa huʼnaya geletiʼmo hogoteʼa ago avoʼmo kae maleʼnaya gemo aliʼa afole aiʼa ateʼnae.

Apa 15:18

Gotiʼa akeyaʼvilaga aliguve, huno hu maleʼniya aliʼyaʼamo ago ageʼniyaʼmofeʼmae, huno huteno,

Apa 2:36

Ani gemo huʼniyaʼmofeʼmo muki Isaleli vayaʼmogitamo ani kavafeʼmo magoke laipa lagesamo aligetao. Lapakaemo ani vekamo Yesuʼmo yosaleʼmo ago nili aiʼnaya vekaeʼmo Gotiʼa hunoʼaeʼmo, Ala kava nene, huno ateteno Kalaisiʼae, huno lekana paino ateʼniye.

Apa 3:18

Amagiʼnayaʼmonanafa Gotiʼa akeyaʼvilaga agaetegati gemo alini eʼa aeʼa hakalo huʼa hapa nepaiya vayaʼmo muki agaiʼa vayaʼai apavayafatiʼmo hunoʼaeʼmo, Kalaisi vekamo agafu kisigeno faligiye, huno huʼniya gemo hemenimo ago afole aiʼniye.

Apa 4:28

Kagesa afiteka himamukaletiʼmo alika afole aika ateʼnana kavaʼmo hisayafeʼmo aliʼa anupa huʼa maiʼnae.

Apa 5:28

Ani vekamo agiʼalefeʼmo alita apaya oʼmaleyo, huta lokiya gemo huta lapa opaiʼnopiye. Ago lapa paiʼnonaʼmonanafa ani getapimoʼmo aino atagu faeno uneno huno Yulusalemu taonifiʼmo havai teʼniye. Lapakaemo aigofe gemo hutapaeʼmo, apakaemo ani vekamo amagiʼnae, hutapa lagaepikeʼmo alita faita nelatae, huno hapa paiʼniye.

Apa 5:30

Lapakaemo Yesuʼa malipu yosaleʼmo nili aitetapa alita he titapa ateʼnagenoʼaeʼmo laginago vayaʼmogi Gotiʼapimoʼmo faliʼniyatetiʼmo ago alino he tino ateʼniye.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

Lomu 2:12

Keʼaepa geʼamo oʼaliʼnisaya vayaʼmogi hosu kavaʼmo nehisagenoʼaeʼmo Gotiʼa agoti huno apateteno apamagisigeʼa faligayaʼmonanafa keʼaepa geʼaletiʼmo agoti huno oʼapategaiye. Keʼaepa geʼamo aliʼnaya vayaʼmogimo hosu kavaʼmo nehisagenoʼaeʼmo magoʼe huno keʼaepa geʼaletiʼmo agoti huno apategaiye.

Lomu 4:17

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Muki nofi vayaʼai apakinago afoʼapimoʼmo aliʼna afole aiʼna kateʼnove, huno hu maleʼniye. Ani gemo huno hu maleʼniya afinaʼmo Goti aulagaleʼmo Emalehamuʼa mukiʼamogita afotimoʼmo afole aiʼniye. Agaemo Gotifeʼmo agesamo afino fatago huʼnenoʼaeʼmo faliʼnaya vayaʼmo alino he tino apatege ohaneʼniya yafeʼmo, haneʼniye, huno huge nehiya Gotifeʼmo agesamo afino fatago huʼniye.

1 Tesaloniyani 2:15

Yu vayaʼmogimo akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼapimo kamitimo apamagige Ala kava neʼmo Yesuʼa kamitimo amagige huteʼapaeʼmo hemenimo lagaefeʼmo apaini huʼa nelatae. Apakaemo Gotiʼa alagi ohauʼniya agufa kavaʼmo nehuʼapaeʼmo muki vayaʼaifeʼmo kame huʼa neʼapatae.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.

1 Pita 1:20

Gotiʼa ma mopaʼe kokuʼnaʼeʼmo alo osuʼnenoʼaeʼmo akeyaʼvilagamo ani aliʼyaʼmo alisiyafeʼmo Kalaisiʼa ago lekana paino ateteno henagaʼamo lapakaetefeʼmo alino afole aino ateʼniye.

1 Pita 2:8

Magoʼe huno Goti mukufi gemoʼmo hunoʼaeʼmo, Ani yafaʼmoʼa apaiyafiʼmo hapaege vai lamino hapaege hisiyafeʼmo haneʼniye, huno huʼniye. Apakaemo Goti geʼamo noʼafiyaʼmofeʼmo vai lamino nehapae. Gotiʼa ani kavaʼmo hugae, huno hu maleʼniye.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.