Apa 2:14 - The Keyagana NT and 25 OT books14 Ani gemo huʼnagenoʼaeʼmo Pitaʼa leveniʼa apa vayaʼeʼmo lokaeno maiʼneno he tino muki vayaʼaifeʼmo aepa faino alopa gefatiʼmo hapa painoʼaeʼmo, Yu vayaʼnimogitapaʼe Yulusalemu taonifiʼmo maiʼnaya vayaʼmogitapaʼeʼmo geʼnimo afiyo. Ani kavaʼmo aepaʼaeʼmo lapa paiguvanagi afiyo. အခန်းကိုကြည့်ပါ။ |
O Saiyoniyo, huʼna, Alagepa faigoko gemo alinika neʼana vekae, huʼna, yatala avefiʼmo uka haiyo. O Yulusalemuo, huʼna, Alagepa faigoko gemo alinika eʼnana vekae, huʼna, Kagaemo alopa gefatiʼmo alagepa faigoko gemo aeka hakalo huvo. Koli osuka Yuta kote taoniʼafi taoniʼafiʼmo maiʼnaya vayaʼaifeʼmo ina gemo hukaeʼmo, Ageyo, Lapakaemo Gotitapiʼmoʼmo ageyo, huka huvo.
Ala kava neʼmoʼa ina gemo hunoʼaeʼmo, Fatago kavaʼmo akame nehaya vayaʼmogitapae, huʼna, geʼnimo afiyo. Ala kava neʼmo agesayafeʼmo kahauya hutapa neʼmaiya vayane, huʼna, vayaʼmogi alopa yafapatiʼmo aiseʼamo amagiʼa nakupaeʼa aliniʼa ete ete nehaya kava huʼna alopa yafapatiʼmo lapavaleliʼna eʼnova yafafeʼmo lapakesamo afiyo. Ina kava huʼa vayaʼmogimo kelifatiʼmo mopamo kafiʼa aliniʼa eʼnaya kava huʼna mopafatiʼmo kafiʼna lapavaleliʼna eʼnova mopaeʼmo lapakesamo afiyo.
Vayaʼnimogitapae, huʼna, Geʼnimo afiyo. Yagaiʼna lapateʼnova vayaʼmo magoke nofi vayaʼnimogitapae, huʼna, geʼnimo lapaketafo hutapa afiyo. Nagaemo navayafatiʼmo keʼaepa gemo hapa paiteʼna fatago kavatetiʼmo yagaiʼna apatesuva kavaʼnimoʼmo muki nofi vayaʼmogi ha le yaʼapigana huno hanesiyafeʼmo hu malegauve.
Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.
Isaleli vayaʼmogitapae, huʼa, Laha maeyo. Ani vekamoʼmo Yu vayaʼmogitaeʼmo hosu lava gemo huge Mosese keʼaepa geʼaeʼmo hosu gemo haneʼniye, huno huge mani alopa mono nofeʼmo hosu ge huge huno muki kotegamo alino apaya neʼmale. Agaemo hemenimo mago alu nofi vayaʼmo apavalelineno lagae laote mono notimo alino hosu huno ateʼniye, huʼa hapa paiʼnae.
Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.