Apa 2:11 - The Keyagana NT and 25 OT books

¹¹ Lagaemo Yu vayaʼe alu nofi vayaʼmogita Yu mono kavaʼmo akame nehuna vayaʼeʼmo eta maiʼnone. Lagaepatiʼmo Kaliti vayaʼmo eta maige Alapi vayaʼmo eta maige huʼnonaʼmonanafa lagae gefatiʼmo Gotiʼa lokiya kavaʼmo himamuʼaletiʼmo huʼniya kavafeʼmo ava gemo nehageta neʼafune, huʼa huʼnae.

Apa 2:11 ပူးပေါင်းရင်းမြစ်များ

Samu 107:15

O, huʼna, Vayaʼmogi Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavafeʼmo hao ke heyo.

Samu 107:21

O, Vayaʼmogimo Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavaʼaeʼmo hao ke heyo.

Samu 107:8

O, huʼna, Vayaʼmogi Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavafeʼmo hao ke heyo.

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Samu 136:4

Agaemo magokeʼamokeʼmo noʼagona agufa alopa aune kavaʼmo nehiye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 26:7

Nagaemo Samu yokemo huʼna kahaoke hegauve. Nagaemo alopa kanale alagepa kavaʼmo nehana kavakalefeʼmo aeʼna hakalo huʼna hapa paiguve.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 77:11

O Ala kava nene, huʼna, Alopa aliʼyakalefeʼmo nagesamo afiguve. Lokiyakaletiʼmo huʼnana kaune kavafeʼmo nageʼokaniʼna halate nagesamo afiguve.

Samu 78:4

Lagaemo aeta ati okaeta Ala kava neʼmoʼa huʼniya lokiya kavaʼe hapau aiʼnaya kavaʼefeʼmo ava gemo huta mafaʼnetieʼmo hapa paiteta henagaʼamo afole aisaya mafaʼnetieʼmo hapa paigune.

Samu 89:5

O, Ala kava nene, huʼna, kokuʼnapiʼmo maiʼnaya vayaʼmogi nehana kavakamo ageteʼapaeʼmo hapau aiteʼa ala kagikamo kamigae. Apaote vayaʼmo aliʼa anupa huʼa maiʼneʼapaeʼmo gekamo akame nehana kavakalefeʼmo alagepa kavaʼageʼmo nehiye, huʼa hugae.

Samu 96:3

Ala agiʼamo amitetapaeʼmo aliʼyaʼmo aliʼniya kavaʼaenagi lokiya kavaʼmo huʼniya kavaʼaenagi huta muki vayaʼaifeʼmo ava gemo huta hapa paiyo.

Hatu maeno apate'niya gemae 15:11

O Ala kava nene, huʼna, alu gotigipatiʼmo ina laʼmo kagaekana huno maiʼniye. Kagaemo kaoteʼmo maiʼnana alagepa kaote kavakalefeʼmo ha le konali vekamo maiʼnane. Kageteʼapaeʼmo hapau aiʼnaya kavakalefeʼmo koli huʼnae. Oʼageʼnaya agufa kaune kavaʼmo nehane. Ani agufa kavaʼmo nehana Gotigamo maiʼnanaʼmofeʼmo ina lagimo kagaekana huʼa maiʼnae.

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Apa 2:10

Filisiya vayaʼmo eta maige Pamifiliya vayaʼmo eta maige Isipi vayaʼmo eta maige Sailini taoni haopalega Lipiya kotega vayaʼmo eta maige Lomu vayaʼmo eta maige huʼnone.

Apa 2:12

Muki vayaʼmogi afiʼa hapau aiteʼa apakesa alaʼamo afiteʼapaeʼmo apakaiʼapi apakaiʼapimo huʼapaeʼmo, Ani kavaʼmo aepaʼamo na agufa kavane, huʼa ge huʼa apafige apafige huʼa maiʼnae.

Apa 27:12

Lusi kava huno yasimo neʼaliya afinaʼmo afole aiʼniyaʼmofeʼmo sipimo maleʼnaya yategamo alino hosuʼniye. Asole vayaʼmo sipifiʼmo maiʼnaya vayaʼmogi huʼapaeʼmo, yasimo neʼaliya afinaʼmogeta manileʼmo ataleta lakaetuta Finikisi taonifiʼmo uta avaʼyi hisunafeʼmo amalageka huta agegesune, huʼa huʼnae. Finikisi taonimoʼmo alopa agiʼamo Kiliti kotegamo yasi neʼaliya afinaʼmo sipimo aliniʼa oʼuʼa afaʼa neʼmaiya kotegamo haneʼniye.

Apa 27:13

Mago yasimo lakamelegatiʼmo vase vase huno alinino neʼegeʼapaeʼmo, Hemenimo kanalenageta ge huʼnona kavaʼmo afaʼa hugune, huʼa apakesa afiteʼa sipimo aeʼa neʼatafaya yate nofiʼmo aliʼa vayu huʼa sipifiʼmo maleʼnageta Kiliti ani agoʼnanenamo agiʼnaleʼmo uʼnone.

Apa 27:7

Ani sipimoʼmo asole afinaʼmo vase vase huno uʼnigeta ayamufaime faime uʼnone. Uʼnigeta Naitasi taoni haopalega uta avaʼyi huteta anipiʼmo neʼunagenoʼaeʼmo yasimo alinino lagaetegamo eʼnigeta afaʼa oʼuʼnone. Ani kateʼmo ataleta Kiliti ani agoʼnanenamoʼa aino hau vaiʼniya kateʼmo uta Kiliti kotega mopamo atupamo agiʼamo Salamonigayagamo ayamufaime faime uta aeta agaseta uʼnone. Uta mago taonimo agiʼamo Fehevenesi taoniye agimo aepaʼamo sipimo kanale huno nehaneya kotegae. Ani kotegamo Lasiya taoni haopale haneʼnigeta uta avaʼyi huʼnone.

1 Kolitiyani 12:10

Goti Aunemeʼamoʼmo mago vayaʼamogimo aeto agufa noʼagaya aune kavaʼmo hisayafeʼmo lokiyaʼamo apamige mago vayaʼamogimo Goti geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo Goti Aunemeʼaletiʼmo ani gemo nehafi alu aunemeʼaletiʼmo ani gemo nehafi huʼa aliʼa fako huʼa apatesayafeʼmo lokiyaʼamo apamige mago vayaʼamogimo alu apake alu apakemo aisayafeʼmo lokiyaʼamo apamige mago vayaʼamogimo ani alu apake alu apakemo aliʼa afe leʼa hisayafeʼmo lokiyaʼamo apamige nehiye.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

Galesiya 1:17

Nagaemo hogote apa vayaʼmo uʼna apakesuvafeʼmo Yulusalemu taonifiʼmo oʼuʼnovaʼmonanafa Alepiya kotegamo uʼna kaʼme koteʼmo maigeʼna halate aiʼna atagi neʼna Namasakasi taonifiʼmo eʼna maiʼnove.

Galesiya 4:25

Hegaʼa Sainai kotega avemo Alepiya kotega avemo auneʼamo maiʼniye. Sainai avemo haneʼniya kava huno hemenimo haneʼniya Yulusalemumo auneʼamo haneʼniye. Yulusalemuʼe Yulusalemu mafaʼneʼamogiʼeʼmo kalavusi aliʼyaʼmo neʼaliyaʼmonanafa

Taitasi 1:12

Mago Kiliti kotega vayapati vekamoʼmo gemo aeno hakalo huno hapa nepaiya vekamoʼmo hunoʼaeʼmo, Muki afinaʼmo Kiliti kotega vayaʼmogi aigofe gemo huge afela afugana huʼa maige aliʼyaʼmo oʼaliʼa maiʼneʼa alopa neʼyaʼmo nesayafekeʼmo apakesamo afige huʼnae, huno huʼniye.

Taitasi 1:5

Lagaemo mago aliʼyaʼamo alita hano osuʼnonanageka kagaemo alika hano hisanafeʼmo Kiliti ani agoʼnanenafiʼmo kataleʼna uʼnove. Siosi vayaʼaiteʼmo yagaiʼa apatesaya vayatama vayaʼmo muki taoniʼafi taoniʼafiʼmo lekana paika apato.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.