Apa 19:29 - The Keyagana NT and 25 OT books

²⁹ Huʼnageʼapaeʼmo muki taonifiʼmo maiʼnaya vayaʼmogi apano aeʼa apavamusa gemo huʼnigeʼa eʼa Gaiyasiʼe Alitakasiʼeʼmo Masetoniya vekalaʼmo Poloʼeʼmo umenitata nehaʼa vekalaʼmo anatafauʼana apayamukiki huʼa anavaleliʼa aliʼa anupa huʼa neʼmaiya yategamo uʼnae.

Apa 19:29 ပူးပေါင်းရင်းမြစ်များ

Apa 13:5

Salamisi taonifiʼmo uʼana avaʼyi huteʼanaeʼmo muki Yu vayaʼai mono noʼafiʼeʼmo uʼeʼa huʼana Goti geʼamo aeʼana hakalo huʼana hapa paiʼnaʼae. Yoni Makiʼa hana maeno aliʼyaʼmo alisiyafeʼmo magokepi lokaeʼa maiʼnae.

Apa 16:12

Ani taonifatiʼmo ataleta Filipai taonifiʼmo uta avaʼyi huteta maiʼnone. Filipai taonimo Masetoniya kotega hogote taonimo Lomu vayaʼmogimo ki maleʼnaya taonifiʼmo mago afinaʼmo maiʼnone.

Apa 16:9

Maiʼneʼapaeʼmo Poloʼa alagamuna agegekana huno ageʼniyana mago Masetoniya kotega vekamoʼmo he tino Polofeʼmo aukaya huno ge hunoʼaeʼmo, kahao ke hovanagi aniʼmo lakaeka Masetoniya kotegamo eka laha mao, huno ha paiʼnigeno ageʼniye.

Apa 17:8

Hapa paiʼnageʼapaeʼmo muki apano aeʼnaya vayaʼe taonifiʼmo yagaiʼa neʼapataya vayaʼmogiʼeʼmo hapau aiteʼa lusi kava huʼa apakesa alaʼamo afiteʼa

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 19:22

Agaemo Timotiʼe Ilasatasiʼeʼmo ha neʼmaʼa vekalaʼmo alino anateʼnigeʼana Masetoniya kotegamo utaʼageno Esiya kotegamo maiʼniye.

Apa 19:32

Muki vayaʼmogimo apano aeteʼa alopa gefatiʼmo alu ge alu gemo huʼnae. Asole vayaʼmogimo huʼapaeʼmo, na kava higetaeʼmo neʼopi huʼa apakesamo oʼafiʼnae.

Apa 20:34

He, ago nageʼnageʼna nayatetiʼmo aliʼyaʼmo aliteʼna nagaeʼe lokaeʼa aliʼyaʼmo aliʼnaya vayaʼeʼmo neʼyatiʼe kukenatiʼeʼmo miya faiʼnogetapa ago ageʼnae.

Apa 20:4

Agaegi Meliya kotega vekamo Sopataʼagi lole Tesalonaika vekalaʼmo Alitakasiʼagi Sekatasiʼagi mago Nemi taonifi vekamo Gaiyasiʼagi Timotiʼagi lole Esiya vekalaʼmo Tikikasiʼagi Tilofimasiʼagi huʼa Esiya kotegamo uʼnae.

Apa 21:30

Muki Yulusalemu taonifiʼmo maiʼnaya vayaʼmogimo lusi kava huʼa apano aeteʼapaeʼmo nagu nagu huʼa uʼa aliʼa anupa huteʼa alopa mono nopiʼmo uʼa haiʼa Poloʼa atafauʼa heʼa avayu huliʼa kumatega uʼa lamiʼnae. Kumatega heʼa avayu huliʼa nelamigeʼapaeʼmo malage huʼa alopa mono nopi kitamo kiʼnae.

Apa 21:38

Nagaemo kagaefeʼmo nagesa afiʼnaeʼmo, Isipi vekamo saufamo egatomo gamani vayaʼmo hapafaitalegaune, huno huteno fo tauseniʼa vayaʼmogimo vayaʼmo neʼapaiya naipemo aliʼnaya vayaʼmo apavalelino kaʼme kotega uʼniya vekae, huʼna nagesamo afiʼnove, huno ha paiʼnigenoʼaeʼmo

Apa 27:2

Atalamitiya kotega sipimo eno haneʼnigeʼa Esiya kotegamo muki sipiʼamo uʼa avaʼyi nehaya taonifiʼmo ugefeʼmo nehagetaeʼmo ani sipifiʼmo uta haita maiteta mopamo ataleta anipiʼmo uʼnone. Alitakasiʼmo Tesalonaika taonifiʼmo Masetoniya kotega vekamo lagaeʼeʼmo magokepi lokaeno maiʼnigeta uʼnone.

Lomu 16:23

Gaiyasiʼa Poloʼnaleʼmo alagepa huno yagaino nateʼniya vekaʼe noʼafiʼmo aliʼa anupa huʼa maiʼnaya siosi vayaʼmogiʼeʼmo ge lapamamaeʼnae. Elasatasiʼa taonifi monileʼmo neʼyagaiya vekaʼe Kuvotasiʼa konagatimoʼeʼmo ge lapamamaeʼnaʼae.

1 Kolitiyani 1:14

Nagaemo loleko vekalaʼmo Kilipasiʼe Gaiyasiʼeʼmo aniʼmo faleʼna anateʼnovaʼmofeʼmo Gotifeʼmo hao ke nehove.

1 Kolitiyani 4:9

Gotiʼa apa vayaʼamogitaeʼmo, henaga vayaʼmo maiʼnae, huno alino apave liʼniye, huʼna nagesamo neʼafuve. Lagaemo agoti huʼa apateteʼapaeʼmo vayaʼai apaulagaleʼmo faligae, huʼa huʼnageʼa maiʼnaya vayakana huta maʼnone. Gotiʼa alino afole aino lateʼnigeta ma mopafi vayaʼai apaulagaleʼe enisole vayaʼai apaulagaleʼeʼmo mago soʼmo nehaya agufa kavakana huta maiʼnonageʼapaeʼmo aulu lahaeʼa nelagae.

2 Kolitiyani 8:19

Lagaeʼeʼmo magokepi lokaeno visiyafeʼmo siosiʼale siosiʼaleʼmo maiʼnaya vayaʼmogimo lekana paiʼa ateʼnae. Hapa maesayafeʼmo lapauʼniya kavaʼmo alita apave lisunageʼa ageteʼa Ala kava neʼmo agiʼaleʼmo aliʼa asaga huʼa atesayafeʼmo ofalini monimo magokepi alinita ugune.

Kolosi 4:10

Alisitakasiʼa nagaeʼeʼmo kalavusimo huʼniya vekamoʼmo ge lapamamaeʼniye. Makiʼa Manamasi avuʼamoʼmo ge lapamamaeʼniye. Agaefeʼmo, esigetapaeʼmo alita falu fala huta atetetapa neʼyaʼmo amiyo, huʼna lapa paiʼnove.

3 Yoni 1:1

Nagaemo Goti vayaʼaleʼmo yagaiʼna neʼapatova vayatama vekamo Yoniʼnamo lama gelefeʼmo nahau nayamopafiʼmo nahauʼniya Gaiyasigaeʼmo mani gemo avoʼmo nekaove.