Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 19:21 - The Keyagana NT and 25 OT books

21 Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

အခန်းကိုကြည့်ပါ။ ကော်ပီ




Apa 19:21
31 ပူးပေါင်းရင်းမြစ်များ  

Ani taonifatiʼmo ataleta Filipai taonifiʼmo uta avaʼyi huteta maiʼnone. Filipai taonimo Masetoniya kotega hogote taonimo Lomu vayaʼmogimo ki maleʼnaya taonifiʼmo mago afinaʼmo maiʼnone.


Ani afinaʼmo Akaiya kotega Lomu gamani vekamo agiʼamo Galiyoʼa maiʼnigeʼapaeʼmo Yu vayaʼmogimo magokepi he tiʼa Polofeʼmo kame huʼa ateteʼa agotileʼmo avaleliʼuʼnae.


Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.


Agaemo Timotiʼe Ilasatasiʼeʼmo ha neʼmaʼa vekalaʼmo alino anateʼnigeʼana Masetoniya kotegamo utaʼageno Esiya kotegamo maiʼniye.


Huʼnageʼapaeʼmo muki taonifiʼmo maiʼnaya vayaʼmogi apano aeʼa apavamusa gemo huʼnigeʼa eʼa Gaiyasiʼe Alitakasiʼeʼmo Masetoniya vekalaʼmo Poloʼeʼmo umenitata nehaʼa vekalaʼmo anatafauʼana apayamukiki huʼa anavaleliʼa aliʼa anupa huʼa neʼmaiya yategamo uʼnae.


Poloʼa hunoʼaeʼmo, Efasasi taonimo aeta agaseta Yulusalemu taonifi Petikosi afinaʼmo uta avaʼyi hisunafeʼmo malage huta ugune, huno agesamo afiʼniye. Yu vayaʼai hopa afinaʼmo agiʼamo Petikosi afinane.


Hemenimo Goti Aunemeʼamoʼmo Yulusalemu taonifiʼmo visuva kavaʼmoʼa kalavusi huno nateʼniyanageno nagufaleʼmo na agufa kavaʼmo afole aisifi huʼna oʼageʼnovanageʼna afaʼa uguve.


Lagaemo Yulusalemu taonifiʼmo uta avaʼyi huʼnonageʼapaeʼmo konagatimogimo apamogaga aiteʼa aliʼa falu fala huʼa lateʼnae.


Lamiteta Ala kava neʼmo geʼamo neʼafiya vayaʼaifeʼmo kahauya huta apaketetaeʼmo apakaeʼeʼmo magoke salemo lokaeta maiʼnone. Goti Aunemeʼamoʼmo hapa paiʼnigeʼa Polofeʼmo huʼapaeʼmo, Yulusalemu taonifiʼmo uka ohaiyo, huʼa ha paiʼnae.


Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.


Itali kotegamo sipifiʼmo apavaleliʼa ugae, huʼa huteʼa Poloʼe mago kalavusi huʼa apateʼnaya vayaʼeʼmo apavaleliʼuʼa mago ati vayaʼaiteʼmo yagaino neʼapateya vekamo agiʼamo Yuliyasifeʼmo, yagaika apato, huʼa ha paiʼnae. Yuliyasiʼa hogote vekamo Sisa ati vayapati vekamo maiʼniye.


Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo


Lagaemo Lomu taonifiʼmo uta avaʼyi huteta ati vayaʼaiteʼmo yagaino neʼapateya vekamoʼmo kalavusifiʼmo maiʼnaya vayaʼmo alu vekamo ati vayaʼaiteʼmo yagaino neʼapateya vekamoʼmo yagaino apatesiyafeʼmo apavalelinuno amiʼniye. Amiʼniyaʼmonanafa Poloʼa agaiʼageʼmo mago nopiʼmo afaʼa maigiye, huʼa ha paiʼnageno mago ati vekamoʼmo yagaino ateʼniye.


Nagaemo Goti Aunemeʼaletiʼmo fikumo alisaya yaʼmo lapamisugeno lokiya vaino lapatesigetapa atafauta alagi hutapa maisayafeʼmo uʼna lapakesuva naipamo nekaliye.


Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.


Visuvafeʼmo Gotiʼa agaiʼa yaʼmo haneʼniyaʼmonanafa Lomu taonifiʼmo maiʼnaya vayaʼmogitapaeʼmo uʼna alagepa faigoko geʼamo aeʼna hakalo huʼna lapa paisuvafeʼmo nahauʼnigeʼna ago alo huʼna maiʼnove.


Nagaemo Masetoniya kotegamo uʼna aeʼna agaseʼna lapakaetegamo uguve. He, hogoteʼna Masetoniya kotegamo uʼna aeʼna agaseʼna uguve, huʼna nagesamo neʼafuve.


Ala kava neʼmoʼa hauʼnisiyaʼmoʼmo aise afinaʼmo utesigeʼna lapakaetegamo afaʼa uguve. Uʼna avaʼyi huteʼnaeʼmo himuʼnamu gemo nehaya geʼageʼmo oʼafiguvaʼmonanafa Goti lokiyaʼamo apaipafiʼmo afole aiʼnifi, huʼna agegauve.


Lagaemo alu vayaʼaina apamiʼniya aliʼyaʼapilefeʼmo, alagepa aliʼyaʼmo aliʼnone, huta osuta lapakamelega vayaʼaitegamo uta alagepa faigoko geʼamo hapa paigesune.


Inagi fotiniʼa kafugamo maiteʼnaeʼmo halate Yulusalemu taonifiʼmo Manamasiʼeʼmo Taitasiʼmo avalelitaʼa uʼnoʼae.


Lapakaemo ani kavaʼmo nehutapaeʼmo lapakame hisaya agufa kavaʼmo apakesamo afiʼa fatago huʼnaya vayaʼmo Masetoniya kotega vayaʼe Akaiya kotega vayaʼeʼmo alitapa apave liʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ