Apa 19:19 - The Keyagana NT and 25 OT books

¹⁹ Ani vayaʼmogimo analisa hapaege lusa kavaʼmo huge nehaya mukuʼapimo asole vayaʼai apaulagaleʼmo aliniʼeʼa atafiʼmo kaeʼnae. Muki ani kaeʼnaya mukumo miya faiʼnaya monimo lusi moni fifiti tauseni agufa monimo haneʼniye.

Apa 19:19 ပူးပေါင်းရင်းမြစ်များ

Aepa Gemae 35:4

Inagi apakaemo alu nofi vayaʼmogi muki aigofe gotiʼapimogimo aliʼa Yekopuna amiʼnae. Amiteʼa apakesaleʼmo aeʼa aliʼnaya liniʼeʼmo asagiʼa amigeno Yekopuʼa alino Sekemi kotega alopa yosamo aepafiʼmo keli kafiteno aeno atikaeno ataleʼniye.

2 Sitoli 33:6

Agaemo Hinomi kagoʼmu kotegamo uno ve mafaʼne anagaʼamo apamagino atamoʼmo alagi leno asaga neliya agufa ofalinimo huge faliʼnaya vayaʼmogi apauneʼamogimo ha maesayafeʼmo keya aeno ge huge apaune vayaʼmogiʼe analisa vayaʼmogiʼeʼmo ha maesayafeʼmo ge huno apafige asole agufa aune kavaʼmo huge huʼniye. Agaemo Ala kava neʼmoʼa aipamo leno atesiyafeʼmo Ala kava neʼmo aulagaleʼmo asole hosu kavaʼmo huʼniye.

Hatu maeno apate'niya gemae 32:20

Moseseʼa pulumakamo auneʼamo alino atafiʼmo kaeteno aeno lata paiʼnigeno laʼnefamo alino hamaleʼniye. Ani laʼnefamo alino anipiʼmo aino atagu faeno ataletenoʼaeʼmo muki Isaleli vayaʼmo alino he tino apateʼnigeʼa ani anipatiʼmo neʼnae.

Hatu maeno apate'niya gemae 7:11

Kini vekamoʼmo ani kavaʼmo agetenoʼaeʼmo muki afiteʼa ageʼnaya vayaʼaifenagi hosu apaune vayaʼmogi himamuʼapiletiʼmo apaune kavaʼmo nehaya vayaʼaifenagi huno ge huʼnigeʼa eʼa himamuʼapiletiʼmo ani hunaʼa agufa apaune kavaʼmo huʼnae.

Hatu maeno apate'niya gemae 7:22

Isipi kote apaune vayaʼmogimo himamuʼapiletiʼmo ani agufa kavaʼmo huʼnagenoʼaeʼmo Feloʼa aipa agesamo alino akaniteno geʼanimo oʼafiʼniye. Hogoteno Ala kava neʼmoʼa ani kavafeʼmo ava gemo huʼniye.

Neniyo 2:2

Inagi agaemo apaune vayaʼaitegagi afole aisiya kavaʼmo agesayafeʼmo kanefi ageʼa aiyaka neʼaliya vayaʼaitegagi vayaʼai apaipafiʼmo neʼagaya vayaʼaitegagi huno ge huno atalegeno uʼniye. Apakaemo eʼa kini vekamo aulagaleʼmo he tiʼnae.

Luki 14:33

Ani kavaʼmo huno lapakaepatiʼmo ina laʼmo muki agaiʼa yafeʼmo afaʼa atalegauve, huno osisiyana geʼnimo neʼafiya vekamo oʼmaigiye, huno hapa paiʼniye.

Luki 15:8

Ani kavaʼmo huno mago a kanomoʼmo naya loleʼa vani kina laga monimo maleʼniya monifatiʼmo magoke monimo lageso hisigenoʼaeʼmo lamufiʼmo kani aeno kaeteno noʼafiʼmo muki yaʼafilagatiʼmo lusi kava huno vagi vagi huno ageno alagepa huno kahau ya hume hume uno ageno alitenoʼaekeʼmo afaʼa maigiye. Haiya a kanomoʼmo ani agufa kavaʼmo afaʼa osugiye.

Apa 13:6

Apakaemo magayaga faliga ani haigifiʼmo haneʼniya taonimo aliʼa ataleʼa mugagaya ani agoʼnanenamo ani haigifiʼmo haneʼniya taonifiʼmo Pefosi kotegamo uʼa maiʼnae. Mago vekamo agiʼamo Ma Yesuʼa ani taonifiʼmo maiʼnigeʼa ageʼnae. Agaemo hosu apaune vayaʼai himamuʼapiletiʼmo noʼagaya aeto agufa aune kavaʼmo nehiya vekamo Yu nofi vekamo maiʼnenoʼaeʼmo, Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huno hapa paiʼniyaʼmonanafa aigofe vekamo maiʼniye.

Apa 13:8

Eʼana maiʼnaʼagenoʼaeʼmo hosu apaune vayaʼai himamuʼapiletiʼmo noʼagaya aeto agufa aune kavaʼmo nehiya vekamo agiʼamo Galiki gefatiʼmo Elimasiʼa yagaino neʼapateya vekamoʼmo agesa afino fatago osisiyafeʼmo alino afepi anateʼniye.

Apa 19:18

Asole vayaʼmogi apakesamo afiʼa fatago huʼnayaʼmofeʼmo eʼa muki vayaʼai apaulagaleʼmo hosu kavaʼmo huʼnaya kavaʼapieʼmo aeʼa hakalo huʼa hapa paiʼnae.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.