Apa 19:11 - The Keyagana NT and 25 OT books

¹¹ Gotiʼa Poloʼmo lokiya vaino ateʼnigeno noʼagaya aeto agufa aune kavaʼmo huʼniye.

Apa 19:11 ပူးပေါင်းရင်းမြစ်များ

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 5:12

Ani afinaʼmo apa vayaʼmogimo muki noʼagaya agufa lokiya aune kavaʼmo huʼnae. Muki siosi vayaʼmogi magoke agufa apaipa apakesamo aliteʼa Salomoni hiyato nopiʼmo uʼa aliʼa anupa huʼa maiʼnae.

Apa 8:13

Saimoniʼeʼmo agesamo afino fatago huʼnigeno aniʼmo faleno ateʼnigenoʼaeʼmo Filipiʼeʼmo lokaeno maiʼneno ageyana Filipiʼa noʼagaya agufa himamu kavaʼmo huʼnigeno agetenoʼaeʼmo lusi kava huno hau aiʼniye.

Galesiya 3:5

Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.