Apa 18:6 - The Keyagana NT and 25 OT books

⁶ Yu vayaʼmogimo geʼamo amagiʼa ataleteʼa huʼa faipa huʼa ateʼnagenoʼaeʼmo kukenaʼaletiʼmo mumusopamo alino kalo paeno ataletenoʼaeʼmo, Oʼafiʼnayaʼmofeʼmo lapakaemo afela hesayaʼmoʼmo nagaemo vaiʼmo oʼaligufa lapakaitapigeʼmo vaiʼmo aligae. Lapataleʼna alu nofi vayaʼaitegamo uguve, huno hapa paiteno apataleno uʼniye.

Apa 18:6 ပူးပေါင်းရင်းမြစ်များ

Matiyu 10:14

Mago vayaʼmogi aliʼa falu fala huʼa olapatege getapimo oʼafige hisayaʼmoʼmo ani vayaʼai noʼapifatiʼmofi taoniʼapifatiʼmofi hutapa ataleta ugefe nehutapaeʼmo lapaigopalegatiʼmo mumusopamo aita fopo hutaletapa apataleta viyo.

Matiyu 21:41

agaemo alagi alino hosu huno apateteno ani vayaʼmo apamagigiye. Agaemo alu vayaʼmo apavaleno apatesigeʼa hoyaʼaleʼmo yagaiʼneʼa nofi alagamo afu lesigeʼapaeʼmo lagiʼa maleʼneʼa amigae, huʼa huʼnae.

Matiyu 21:43

Inagi ani kavafeʼmo lapa nepauve, huno, Lapakaemo Gotiʼa yagaino neʼapateya kopiʼmo magoʼe hutapa aliʼyaʼmo oʼaligae. Lapayapatiʼmo lapa faleno hoyaʼaleʼmo alagepa huʼa yagaiʼa ateʼneʼa nofi alagamo lagiʼa amisaya vayaʼmo apamigiye.

Matiyu 22:10

Ani kava huʼa aliʼyaʼamo neʼaliya vayaʼmogimo uʼa hosu vayaʼe alagepa vayaʼeʼmo apavaleli eʼa noʼafiʼmo apateʼnageʼa maiʼa kili paeʼnae.

Matiyu 27:25

muki vayaʼmogimo huʼapaeʼmo, falisiya vaiʼmo afaʼa alisunageʼa mafaʼnetimogiʼeʼmo afaʼa aligae, huʼa ha paiʼnae.

Matiyu 8:11

Lapa nepauve, huno, asole vayaʼmo Yu nofi vayapatiʼmo oʼmaiʼnaya vayaʼmo yegemo haine neʼeya kotegatiʼmo ege yegemo uno lamino nefaleya kotegatiʼmo ege huʼa Gotiʼa yagaino neʼapateya kopiʼmo uʼa haiʼa Emalehamuʼagi Aisikiʼagi Yekopuʼagi huʼa magokepi lokaeʼa maiʼneʼa neʼyaʼmo neʼa maigayaʼmonanafa

Luki 22:65

Magoʼe magoʼe gemo huteʼa huʼa faipa huʼa ateʼnae.

Luki 9:5

Inagi aliʼa falu fala huʼa olapatesaya taonifiʼmo apakaefeʼmo faigoko gemo hisiyafeʼmo alagena kavaʼmo hutapa lapaiyalegatiʼmo mumusopamo alita kalo paetaletapa viyo, huno hapa paiteno alino apateʼnigeʼa uʼnae.

Apa 13:51

Apa vekalaʼmoganimo apakaetegamo aune kavaʼmo huʼanaeʼmo mumusopamo anaiya agusalegatiʼmo aliʼana kalo paetaleʼana ataleʼana Aikoniyamu taonifiʼmo uʼnaʼae.

Apa 26:11

Umenitata huʼna muki Yu vayaʼai mono nopiʼmo kayoʼmo apamiteʼna Yesufeʼmo huʼa faipa huʼa atesayafeʼmo apamagiʼnove. Lusi kava huno naipamo leʼnigeʼnaeʼmo alu nofi vayaʼai taoniʼapifiʼe taoniʼapifiʼeʼmo umenitata huʼna kayoʼmo apamiʼnove.

Apa 28:28

Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.

Lomu 3:29

Yu vayaʼmogitageʼmo Gotitimoʼmo maiʼniye, huta hisupi Yu nofi vayapatiʼmo oʼmaiʼnaya vayaʼmogiʼeʼmo, Gotitimoʼmo maiʼniye, huʼa hugae. He, Yu nofi vayapatiʼmo oʼmaiʼnaya vayaʼmogiʼeʼmo Gotitimoʼmo maiʼniye, huʼa hugae.

1 Timoti 5:22

Siosi vayaʼaiteʼmo yagaiʼa apatesaya vayaʼmo lekana paika apateteka apakaeteʼmo malage huka kayaʼmo maleka oʼapato. Fiku yanageno lekana paika ateʼnisana vekamo hosu kavaʼamoʼmo kagaeteʼmo aino kamaesigeka kagaemo vaiʼmo aligane. Kaotekeʼmo maiteka alagepa huka maiyo.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

1 Pita 4:14

Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.

1 Pita 4:4

Hemenimo lapakaemo Satani vayaʼeʼmo ani agufa hosu kavaʼmo afela vayaʼai kavaʼmo nosayaʼmofeʼmo Satani vayaʼmogi hapau aiteʼa huʼa faipa huʼa nelapatae.