Apa 18:26 - The Keyagana NT and 25 OT books

²⁶ Agaemo Yu vayaʼai mono nopiʼmo aepa faino koli osuno lokiya gemo huno hapa nepaigeʼanaeʼmo Pilisilaʼe Akuvilaʼeʼmo afiteʼanaeʼmo avaleliʼeʼana noʼanifiʼmo oʼafiʼniya agufa gemo magoʼe huʼana Goti kafeʼmo ava gemo alagepa huʼana aliʼana aya maleʼnaʼae.

Apa 18:26 ပူးပေါင်းရင်းမြစ်များ

Mai'naya kavane 1:5

Alagepa huno afiʼnisiya vekamo kaʼmo alino ho huno ategaiye.

Mai'naya kavane 25:12

Mago afiteno ageʼniya vekamoʼmo hunoʼaeʼmo, hosu kavaʼmo huʼnane, huno huʼnigeno ani gemo alagepa huno afiʼniya vekamo aulagaleʼmo alagepa goli konali yakana huno haneʼniye.

Mai'naya kavane 9:9

Kagaemo afiteno neʼageya vekamo alika aya malesanageno magoʼe huno afiteno agegaiye. Kagaemo fatago vekamo alika aya malesanageno afiʼniya kavaʼaleʼmo magoʼe huno afigiye.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Maki 10:15

Lama gemo lapa nepauve, huno, mago vekamoʼmo hunoʼaeʼmo Gotiʼa yagaino nategaiye, huno huteno aise mafaʼnegana huno oʼmaiʼnisiyaʼmoʼmo Gotiʼa yagaino apateʼniya kegiʼyafiʼmo afaʼa uno ohaigiye, huno hapa paiʼniye.

Luki 19:26

lapa nepauve, huno, aliʼnisaya vayaʼmo magoʼe huʼna apamiguve. Oʼaliʼnisaya vayaʼmogi apayapatiʼmo hapa falegauve, huno hapa paitenoʼaeʼmo,

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 18:18

Inagi Poloʼa konagaʼamogiʼeʼmo Kolitiyani taonifiʼmo yatala afinaʼmo apakaeʼeʼmo lokaeno maiteno apataleno ugefeʼmo huʼnigenoʼaeʼmo mago yalavelaʼmo Pilisilaʼe Akuvilaʼeʼmo sipifiʼmo magokepi Siliya kotegamo uʼa avaʼyi hisayafeʼmo uʼnae. Ugefeʼmo nehunoʼaeʼmo Senekiliya taonifiʼmo maiʼnenoʼaeʼmo hogoteno Gotifeʼmo huguve, huno ha paiʼniya kavaʼmo akame huno ayokaʼmo lagauʼniye.

Apa 18:25

Ala kava neʼmo kafeʼmo ava gemo aliʼa aya maleʼnaya vekamo maiʼneno ayamukiki huno alagepa huno Efasasi vayaʼmo alino apaya maleʼniye. Agaemo Yoniʼa aniʼmo faleno neʼapateya vekamo ava geʼageʼmo afiʼniye.

Apa 19:8

Poloʼa loleʼe magoʼe kaimo maiʼneno Yu vayaʼai mono nopiʼmo uno haino lokiya gemo huno apakesamo alino hapa paisiyafeʼmo alu ge alu geletiʼmo Gotiʼa neʼyagaiya kavafeʼmo ava gemo huno hapa paiʼniye.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

Apa 8:31

Mago vekamoʼmo ani gemo aepaʼamo naha opaisiyana haiya kava huʼna afiguve. Eka haikeno, huno ha paiʼniye.

1 Kolitiyani 12:21

Aulagamoʼa ayafeʼmo hunoʼaeʼmo, Aliʼyakamo ohaneʼniyanageka oʼmaisanageʼna nagaiʼnigeʼmo maisuvana kanale huʼna maiguve, huno afaʼa ha opaigiye. Agenopamoʼa aiyaeʼmo hunoʼaeʼmo, Aliʼyakamo ohaneʼniyanageka oʼmaisanageʼna nagaiʼnigeʼmo maisuvana kanale huʼna maiguve, huno afaʼa ha opaigiye.

1 Kolitiyani 3:18

Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.

1 Kolitiyani 8:2

Afiʼnone, huʼa nehaya vayaʼmogimo magoke alagepa gemo alagi oʼafiʼnae.

Himulu 6:1

Lagaemo agava maiʼnona vekamo Kalaisi vekaeʼmo ava gemo aepa faita afiʼnona gemo afiʼnone. Aepa faita afiʼnona gemo haneʼniyana lokiya ovaiʼniya kavatefeʼmo lapaipamo alita afe leyo, huʼa huʼnageta afige Gotifeʼmo lapakesamo afita fatago hiyo, huʼa huʼnageta afige sese nehaya kavafeʼmo aliʼa laya maleʼnageta afige aliʼa apaya neʼmalaya gemo afige faliʼnaya vayaʼmo he tisaya kavafeʼmo ava gemo afige agoti huno apatesiya kavafeʼmo ava gemo afige huʼnone. Ani aepa faita afiʼnona gemoʼmo noʼmo faiʼa neʼataya yakana huno haneʼniye. Fiku yanageta halate alita faita ategaunanagi ataleta uta haita hapaigetao.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.