Apa 18:21 - The Keyagana NT and 25 OT books

²¹ Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.

Apa 18:21 ပူးပေါင်းရင်းမြစ်များ

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Maki 6:46

Utageno Yesuʼa nunumuʼmo hugefeʼmo avefiʼmo uno haiʼniye.

Luki 9:61

Alu vekamoʼmo hunoʼaeʼmo, Ala kava nene, huno, kakame huʼna umenitata hisuvafeʼmo hogoteʼna uʼna noʼnifiʼmo maiʼnaya vayaʼmo nayaʼmo apamiʼna aliʼna falu fala huʼna apateteʼna apataleʼna visuvafeʼmo he kanalene huka hugeʼnao, huno ha paiʼnigeno

Apa 15:29

Nehutaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo. Kumai kavaʼmo osiyo, huta nehune. Ani kavaʼmo osisayana kanale hugiye. Maitalafiye, huʼa avoʼmo kaeʼnae.

Apa 18:19

Lagautegeʼapaeʼmo uʼa Efasasi taonifiʼmo avaʼyi huteʼa Poloʼa Pilisilaʼe Akuvilaʼeʼmo anatalenuno Yu vayaʼai mono nopiʼmo uno haino hapa paiʼnigeʼapaeʼmo Yu vayaʼeʼmo ani gemo huge afige huʼa maiʼnae.

Apa 18:20

Yu vayaʼmogi huʼapaeʼmo, Lagaeʼeʼmo yatala afinaʼmo maiyo, huʼa ha paiʼnayana, haʼao, huno huteno,

Apa 18:24

Mago Yu vekamo agiʼamo Apolosiʼa itaʼamoʼmo Alekesani taonifiʼmo alino ateʼniya vekamo eno Efasasi taonifiʼmo maiʼniye. Agaemo Goti mukufiʼmo avoʼmo kae maleʼnaya gemo aepaʼamo alagepa huno afiʼneno alagepa huno aeno hakalo huno hapa paiʼniye.

Apa 19:1

Apolosiʼa Kolitiyani taonifiʼmo maiʼnigenoʼaeʼmo Poloʼa folagapiʼmo haneʼniya aveleʼmo uteno uno Efasasi taonifiʼmo avaʼyi huteno Goti geʼamo neʼafiya vayaʼmo maiʼnageno apaketenoʼaeʼmo,

Apa 19:17

Muki vayaʼmo Efasasi taonifiʼmo maiʼnaya Yu vayanagi alu nofi vayanagi huʼa ani kavafeʼmo ava gemo afiteʼapaeʼmo lusi kava huʼa koli huteʼa Ala kava neʼmo Yesu agiʼaleʼmo aliʼa asaga huʼa ateʼnae.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 20:16

Poloʼa hunoʼaeʼmo, Efasasi taonimo aeta agaseta Yulusalemu taonifi Petikosi afinaʼmo uta avaʼyi hisunafeʼmo malage huta ugune, huno agesamo afiʼniye. Yu vayaʼai hopa afinaʼmo agiʼamo Petikosi afinane.

Apa 21:14

Lagaemo Polo aipa agesamo oʼaliʼnonaʼmofeʼmo hutaeʼmo, Ala kava neʼmoʼa hu maleʼniya kavaʼmo afaʼa afole aino, huta huʼnone.

Apa 21:29

Ani vayaʼmogimo Efasasi taonifi vekamo Tilofimasiʼe Poloʼeʼmo taonifiʼmo maiʼnaʼageʼana anaketeʼanaeʼmo alopa mono nopiʼmo avalelino eʼniye, huʼa apakesa afiʼnayaʼmofeʼmo ani gemo huʼnae.

Lomu 1:10

Nagaemo yatala afinaʼmo lapakaetegamo ugefeʼmo nehuʼnaeʼmo, hemenimo kahauʼnisiyaʼmoʼmo visuva kaʼmo valika nato, huʼna nunumuʼmo nehuve.

Lomu 15:32

Lapakaemo nunumuʼmo hisagenoʼaeʼmo Gotiʼa hauʼnisiyana lapakaetegamo uʼna avaʼyi huteʼna lusi kava huʼna namogaga aiteʼna lapakaeʼeʼmo magokepi lokaeʼna maiʼneʼnaeʼmo naipamoʼmo falu hugiye.

1 Kolitiyani 15:32

Nagaemo Efasasi taonifiʼmo maiʼneʼnaeʼmo ma mopafi vayakana huʼna afela afu anagaʼaitegamo kamemo huʼnovaʼmonanafa faliʼnaya vayaʼmo he otigaesinana naha oʼmaeʼniyesine. Faliʼnaya vayaʼmo he otigaesinana lagaemo, egamo afaʼa faligunaʼmofeʼmo neʼyaʼmo nege aniʼmo nege huta higetao, huta afaʼa nehunesine.

1 Kolitiyani 16:7

Hemenimo uʼna lapakaeʼeʼmo aise afinaʼmo maisuvafeʼmo oʼnahauʼniye. Gotiʼa henagaʼamo he, huno hisigeʼnaeʼmo uʼna lapakaeʼeʼmo yatala afinaʼmo maiguve.

1 Kolitiyani 16:8

Mani Efasasi taonifiʼmo maite maite huliʼna neʼvisugenoʼaeʼmo Petikosi afinaʼmo afole aitesigeʼnaeʼmo ataleʼna uguve.

1 Kolitiyani 4:19

Ala kava neʼmoʼa hauʼnisiyaʼmoʼmo aise afinaʼmo utesigeʼna lapakaetegamo afaʼa uguve. Uʼna avaʼyi huteʼnaeʼmo himuʼnamu gemo nehaya geʼageʼmo oʼafiguvaʼmonanafa Goti lokiyaʼamo apaipafiʼmo afole aiʼnifi, huʼna agegauve.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

Efasasi 1:1

Nagaemo Poloʼnaeʼmo Gotiʼa hauʼnigeno lekana paino nateʼnigeʼna Yesu Kalaisi apa vekaʼamo maiʼnove. Efasasi taonifiʼmo maiʼnaya vayaʼmogitapamo Kalaisi Yesupiʼmo maiʼnageʼna aliʼna amufa nelapamugenoʼaeʼmo Gotiʼa lapavaleno alino lapaote lapateʼniya vayaʼamogitaeʼmo mani avoʼmo nekaove.

Himulu 6:3

Gotiʼa he, kanalene, huno hisigetaeʼmo ataleta uta hano hugune.

Yemisi 4:15

Lapakaemo hutapaeʼmo, afaʼa hugune, hutapa hosu gemo nehayaʼmonanafa Gotiʼa hauʼnisiyaʼmoʼmo mani kavaʼmofi ina kavaʼmofi huta afaʼa hugune, hutapa hugae.

1 Pita 3:17

Gotiʼa hauʼninagenoʼaeʼmo, kana yaʼmo aligae, huno hisigenoʼaeʼmo alagepa kavaʼmo huʼnayaʼmofeʼmo kana yaʼmo alisayana kanale hugiyaʼmonanafa hosu kavatapiletiʼmo alisayana hosugiye.

Leveleseni 1:11

Ani gemoʼmo hunoʼaeʼmo, Nagaemo aliʼna aepa faiʼna ateteʼna aliʼna hano huʼna atalesuva vekamo maiʼnove. Agesana kavafeʼmo avoʼmo kaetekaeʼmo seveniʼa siosimo Efasasi siosifinagi Simena siosifinagi Pegamamu siosifinagi Taiyataila siosifinagi Satisi siosifinagi Filatefiya siosifinagi Leyotisiya siosifiʼmogi huʼa maiʼnaya vayaʼaitegamo ani avoʼmo atalesanageno ugiye, huno naha paiʼniye.

Leveleseni 2:1

Kagaemo Efasasi taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo seveniʼa kanefiʼmo lamaga nayapiʼmo aliʼneʼna seveniʼa goli yafatetiʼmo alo huʼnaya hiʼyalamuteʼmo lamumo maleʼnaya hiʼyalamuʼmo folagapiʼmo umenitata nehuva vekamoʼnamo lapa nepauve.