Apa 18:18 - The Keyagana NT and 25 OT books

¹⁸ Inagi Poloʼa konagaʼamogiʼeʼmo Kolitiyani taonifiʼmo yatala afinaʼmo apakaeʼeʼmo lokaeno maiteno apataleno ugefeʼmo huʼnigenoʼaeʼmo mago yalavelaʼmo Pilisilaʼe Akuvilaʼeʼmo sipifiʼmo magokepi Siliya kotegamo uʼa avaʼyi hisayafeʼmo uʼnae. Ugefeʼmo nehunoʼaeʼmo Senekiliya taonifiʼmo maiʼnenoʼaeʼmo hogoteno Gotifeʼmo huguve, huno ha paiʼniya kavaʼmo akame huno ayokaʼmo lagauʼniye.

Apa 18:18 ပူးပေါင်းရင်းမြစ်များ

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Maki 6:46

Utageno Yesuʼa nunumuʼmo hugefeʼmo avefiʼmo uno haiʼniye.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 15:23

Ani gemo avoʼmo kaeʼapaeʼmo, Konagatimogitapae, huta, Alu nofi vayane. Atiyoki taonifiʼmo maiʼnaya vayaʼe Silisiya kotegamo maiʼnaya vayaʼmogitapaʼeʼmo ge lapamamaeʼnone. Lagaemo konagatapimogitamo apa vayaʼmogitaʼe yagaita neʼapatona vayatama vayaʼmogitaʼeʼmo avoʼmo kaeʼnone.

Apa 15:41

Poloʼe Sailasiʼeʼmo muki Siliya kotegaʼe Silisiya kotegaʼeʼmo u eʼana huʼana siosi vayaʼmo aliʼana lokiya vaiʼana apatemale apatemale huliʼana uʼnaʼae.

Apa 18:2

Poloʼa uno ageyana mago Yu vekamo itaʼamoʼmo Ponitasi kotegamo alino ateʼniya vekamo agiʼamo Akuvilaʼa ani taonifiʼmo aiseʼamo akeyaʼvilagamo eno maiʼniya vekamo ageʼniye. Mago muki vayaʼaiteʼmo yagaino neʼapateya vekamo agiʼamo Kilotiyasiʼa Yu vayaʼaifeʼmo hunoʼaeʼmo, Lomu taonifatiʼmo ataletapa viyo, huno hapa paiʼnigeʼanaeʼmo Akuvilaʼe aʼamo agiʼamo Pilisilaʼeʼmo geʼamo afiteʼana ataleʼeʼana Kolitiyani taonifiʼmo maiʼnaʼageno Poloʼa uno anakaeʼeʼmo magokepi lokaeno maiʼniye.

Apa 18:26

Agaemo Yu vayaʼai mono nopiʼmo aepa faino koli osuno lokiya gemo huno hapa nepaigeʼanaeʼmo Pilisilaʼe Akuvilaʼeʼmo afiteʼanaeʼmo avaleliʼeʼana noʼanifiʼmo oʼafiʼniya agufa gemo magoʼe huʼana Goti kafeʼmo ava gemo alagepa huʼana aliʼana aya maleʼnaʼae.

Apa 18:27

Apolosiʼa hunoʼaeʼmo, Akaiya kotega ugesuve, huno hapa paiʼnigeʼapaeʼmo konagaʼamogimo huʼapaeʼmo, He, kanalene, huʼa huteʼa, Galiki konagaʼapimogi Goti geʼamo neʼafiya vayaʼaifeʼmo mago avoʼmo kaeʼapaeʼmo, Alita falu fala hutapa ateyo, huʼa kaeʼa amiʼnae. Uno avaʼyi hutenoʼaeʼmo Gotiʼa fiku hapa maeno apamiʼnigeʼa apakesamo afiʼa fatago nehaya vayaʼmo alagepa huno hapa maeʼniye.

Apa 21:23

Kaha paisuna gemo akame huvo. Loleʼe loleʼe vayaʼmogimo Gotifeʼmo, ani kavaʼmo hugune, huʼa lokiya gemo ago hu maleʼnaya vayaʼmo manileʼmo maiʼnae.

Apa 21:24

Kagaemo apakaeʼeʼmo magokepi lokaeka uka haika kagae kagufaʼe apakae apakufaʼeʼmo Goti aulagaleʼmo alita alagepa huta lapatesayafeʼmo mono nopiʼmo uka haiyo. Hapa maeka miya faika apato. Kavaʼapimo hano hisigeʼapaeʼmo apayokaʼmo lagauʼa apategae. Ani kavaʼmo hisanageʼa ageteʼapaeʼmo, Polofeʼmo aigofe ava gemo huʼnae. Poloʼa alagepa kavaʼmo huno Mosese keʼaepa gemo akame nehiye, huʼa hugae.

Apa 21:3

mago ani agoʼnanenamo agiʼamo Saipalasi koʼmo hoga haopalega haneʼnigeta ageteta aeta agaseta Siliya kotegamo Taiya taonifiʼmo sipifi haneʼniya kagemi yaʼmo aliʼa malegefe huʼnaya taonifiʼmo uta avaʼyi huteta uta lamiʼnone.

Lomu 16:1

Nagaemo lasatimoʼa Fipiʼmo Senikali kotega siosi aliʼyaʼmo neʼaliya a kanomo lapakaemo ha maesayafeʼmo agiʼaleʼmo aliʼna asaga huʼna ategesuve.

1 Kolitiyani 9:20

Yu vayaʼmo apavaleliʼna esuvafeʼmo Yu vayaʼmogimo nehaya kavaʼmo nehuʼna Yu vekagana huʼna maiʼnove. Nagaemo keʼaepa gemo afeʼalumelagamo neʼmaiya vayaʼmo apavaleliʼna esuvafeʼmo keʼaepa gemo afeʼalumelagamo neʼmaiya vayaʼaitegamo uʼna aliʼyaʼmo neʼaliʼnaeʼmo keʼaepa gemo afeʼalumelagamo oʼmaiʼnovaʼmonanafa keʼaepa gemo afeʼalumelaga vekagana huʼna maiʼnove.

Galesiya 1:21

Henagaʼamo Siliya kotegaʼe Silisiya kotegaʼeʼmo uʼna maiʼnogeʼapaeʼmo