Apa 18:12 - The Keyagana NT and 25 OT books

¹² Ani afinaʼmo Akaiya kotega Lomu gamani vekamo agiʼamo Galiyoʼa maiʼnigeʼapaeʼmo Yu vayaʼmogimo magokepi he tiʼa Polofeʼmo kame huʼa ateteʼa agotileʼmo avaleliʼuʼnae.

Apa 18:12 ပူးပေါင်းရင်းမြစ်များ

Matiyu 27:19

Pailatiʼa uno haino agoti huno neʼapateya siyateʼmo fai maiʼnigenoʼaeʼmo aʼamoʼmo mago gemo huno atalegeno agaetegamo eʼniye. Ani gemo hunoʼaeʼmo, hemeni haniʼilagamo alagamuna ageteʼnaeʼmo ani vekaeʼmo naipamoʼmo lusi kava huno kana huʼniyaʼmofeʼmo ani alagepa vekalegamo mago agufa kavaʼmo afaʼa osuka ato, huno ha paiʼniye.

Yoni 19:13

Pailatiʼa ani gemo afitenoʼaeʼmo Yesuʼmo kumatega avalelino uno lamino fai maiʼneno agoti huno neʼapateya siyateʼmo fai maiʼniye. Asole latapa yafaʼmo mopafi maleʼnaya yafateʼmo siyamo maleteno fai maiʼniya yatefeʼmo Himulu gefatiʼmo agiʼamo Gamatagayagae, huʼa agi aeʼnae.

Apa 13:12

Yagaino neʼapateya vekamoʼmo ani kavaʼmo agetenoʼaeʼmo agesamo afino fatago huʼniye. Agaemo Ala kava neʼmo geʼamo afitenoʼaeʼmo hau aiʼniye.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 13:7

Ani vekamo ani agoʼnanenafiʼmo haneʼniya koteʼmo yagaino neʼapateya vekamo agiʼamo Sesiʼasi Polasiʼa ao vekamo maiʼniye. Sesiʼasi Polasiʼa alagepa huno agesa afiʼniya vekamae. Agaemo Goti geʼamo afisiyafeʼmo Manamasiʼe Soloʼefeʼmo ge huʼnigeʼana eʼnaʼae.

Apa 13:8

Eʼana maiʼnaʼagenoʼaeʼmo hosu apaune vayaʼai himamuʼapiletiʼmo noʼagaya aeto agufa aune kavaʼmo nehiya vekamo agiʼamo Galiki gefatiʼmo Elimasiʼa yagaino neʼapateya vekamoʼmo agesa afino fatago osisiyafeʼmo alino afepi anateʼniye.

Apa 14:19

Inagi mago Yu vayaʼmo Atiyoki taonimo Pisitiya kotegatiʼe Aikoniyamu taonifatiʼeʼmo eʼa ani vayaʼmo apakesa faiʼa hapa paiʼnageʼa geʼapimo afiteʼapaeʼmo yafa kayotetiʼmo Poloʼmo amagiteʼapaeʼmo, ago faliʼniye, huʼa huteʼa heʼa halauli uʼa lamiʼa taoni kegiʼya malagamo ataleʼnae.

Apa 14:2

Huʼnayaʼmonanafa mago apakesa afiʼa fatago osuʼnaya Yu vayaʼmogimo apa vekalaʼanifeʼmo alu nofi vayaʼai apakesamo faiteʼa aliʼa he tiʼa apateʼnae.

Apa 17:13

Ani kavaʼmo huʼnayaʼmonanafa Tesalonaika Yu vayaʼmogimo afiʼnayana Poloʼa Meliya taonifiʼmo uno maiʼneno Goti geʼamo aeno hakalo huno hapa nepaiye, huʼa huʼnageʼa afiteʼapaeʼmo eʼa alu ge alu gemo huʼa muki vayaʼai apakesamo faiʼnae.

Apa 17:5

Afiʼnayaʼmonanafa apakesa afiʼa fatago osuʼnaya Yu vayaʼmogimo apaipa kafa hanaeteʼa hosu vayaʼmo aliʼyaʼmo oʼaliʼa afaʼa maiʼneʼa maketilegamo umenitata huʼa neʼmaiya vayaʼmo apavaleʼa aliʼa anupa huteʼa apavaleliʼa uʼnageʼapaeʼmo muki taonifiʼmo maiʼnaya vayaʼmogiʼeʼmo apano aeteʼa apavamusa valeʼa Yesoni notegamo uʼnae. Apakaemo huʼapaeʼmo, lole vekalaʼmo nopatiʼmo anayate heta anavayu hulita egaune, huʼa huteʼa eʼnayana

Apa 18:11

Ha paiʼniyaʼmofeʼmo Poloʼa magoke kafugagi sigisiʼa kaigi huno Goti geʼamo alino apaya maleno maiʼniye.

Apa 18:27

Apolosiʼa hunoʼaeʼmo, Akaiya kotega ugesuve, huno hapa paiʼnigeʼapaeʼmo konagaʼamogimo huʼapaeʼmo, He, kanalene, huʼa huteʼa, Galiki konagaʼapimogi Goti geʼamo neʼafiya vayaʼaifeʼmo mago avoʼmo kaeʼapaeʼmo, Alita falu fala hutapa ateyo, huʼa kaeʼa amiʼnae. Uno avaʼyi hutenoʼaeʼmo Gotiʼa fiku hapa maeno apamiʼnigeʼa apakesamo afiʼa fatago nehaya vayaʼmo alagepa huno hapa maeʼniye.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 25:10

Lomu vayaʼai ala kava vekaʼapimo agoti nopiʼmo maiʼnove. Manilekeʼmo afaʼa agoti huʼa nategae. Ago afiʼnanana Yu vayaʼaitegamo mago hosu kavaʼmo osuʼnove.

Lomu 15:26

Masetoniya kotega siosi vayanagi Akaiya kotega siosi vayanagi huʼa Yulusalemu taonifiʼmo maiʼnaya apaote vayaʼmo kagemi yaʼapimo ohaneʼniya vayaʼmo hapa maeʼa apamisayafeʼmo hapauʼnigeʼapaeʼmo mago ofalini monimo namiʼnae.

Lomu 16:5

Ani kavaʼmo hutapa noʼanifiʼmo aliʼa anupa huʼa neʼmaiya siosi vayaʼaifeʼmo, Poloʼa ge lapamamaeʼniye, hutapa hapa paitapa nateyo. Nahau nayamopafiʼmo nahauʼniya vekamo Epinitasiʼa hogoteno Akaiya kotega Kalisitini vekamo hamaleʼniya vekaeʼmo, Poloʼa ge kamamaeʼniye, hutapa ha paitapa nateyo.

1 Kolitiyani 16:15

Lapakaemo Setefanasi afamo anagaʼamo ago apakeʼnae. Galiki kotegamo hogoteʼa Goti mafaʼnemo hamaleteʼapaeʼmo apakaiʼapiekeʼmo apakesamo oʼafiʼa apaote vayaʼmo hapa maesayafeʼmo lusi aliʼyaʼmo neʼaliye.

2 Kolitiyani 1:1

Nagaemo Poloʼnaeʼmo Gotiʼa hunoʼaeʼmo, apa vekaʼnimo maiʼneno aliʼyaʼnimo aligiye, huteno navaleno nateʼnigeʼna Kalaisi Yesu apa vekaʼamo maiʼnove. Nagaeʼe konagatimoʼmo Timotiʼeʼmo Kolitiyani taonifiʼmo maiʼnaya siosi vayaʼmogitapaʼe muki Goti vayaʼamo lapaote vayaʼmo Akaiya kotegamo maiʼnaya vayaʼmogitapaʼefeʼmo mani avoʼmo nekaoʼae.

2 Kolitiyani 11:10

Kalaisi lama geʼamo naipafiʼmo haneʼnigeʼna alagi lama gemo huʼnaeʼmo, lapakaetegatiʼmo mago yaʼmo oʼaliʼnova kavatefeʼmo namogaga neʼauva gemo navayaletiʼmo hisuvafeʼmo muki Akaiya kotega maiʼnaya vayapatiʼmo mago vekamoʼmo navayaleʼmo huno natafauno oʼnategaiye.

2 Kolitiyani 11:26

Asole afinaʼmo nata neʼna umenitata huʼnove. Aniʼmo heʼniya yapatiʼmo lakaeʼna uge apatafauʼa apamagiteʼa kumaya neʼaliya vayaʼmogi folagapiʼmo uʼna maige Yu konagaʼnimogi namagisayafeʼmo huʼnaya folagapiʼmo uʼna maige alu nofi vayaʼmogi namagisayafeʼmo huʼnaya folagapiʼmo uʼna maige huʼna falisuva kavategamo uʼneʼna huʼna maiʼnove. Alopa taonifiʼmo uʼna maige kaʼme kotegamo uʼna maige solovala aniʼmo agotofuleʼmo uʼna maige aigofe konaga vayatimogi folagapiʼmo uʼna maige huʼna falisuva kavategamo uʼneʼna huʼna maiʼnove.

2 Kolitiyani 9:2

Nagaemo afiʼnovana afaʼa apamigune, hutapa huʼnaya gemo Masetoniya kotega siosiʼale siosiʼaleʼmo maiʼnaya vayaʼai apaulagaleʼmo lapakitapileʼmo aliʼna asaga huʼna lapateteʼnaeʼmo, Akaiya kotega siosiʼale siosiʼaleʼmo maiʼnaya vayaʼmogimo afe kafugafiʼmo alo huʼa maiʼnae, huʼna hapa paiʼnove. Asole vayaʼmogimo lapayamukiki nehaya kavafeʼmo lapava gemo afiteʼapaeʼmo he tiʼa ani kavaʼmo huʼa aliʼyaʼmo aliʼnae.

1 Tesaloniyani 2:14

Yutiya kotega vayaʼmo Kalaisi Yesupiʼmo maiʼnaya siosi vayaʼmogimo kana yaʼmo aliʼnae. Yu vayaʼmo vayaʼapimogimo kana yaʼmo aliʼa apamiʼnaya kava huʼa vayatapimogimo kana yaʼmo aliʼa lapamiʼnae. Konagatimogitapae, huta, ani kavaʼmo hutapa maiʼnetapaeʼmo Goti siosi vayaʼamo apakame hutapa maiʼnae.

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.

Yemisi 2:6

Lekana paimo apateʼniyaʼmonanafa lapakaemo kagemi yaʼapimo ohaneʼniya vayaʼmo alita afepi apateʼnae. Kagemi yaʼapiʼe vayaʼmogi kana yaʼmo aliʼa lapamige agoti huʼa lapatege nosafiye. Haʼao, agoti huʼa nelapatae.