Apa 17:8 - The Keyagana NT and 25 OT books

⁸ Hapa paiʼnageʼapaeʼmo muki apano aeʼnaya vayaʼe taonifiʼmo yagaiʼa neʼapataya vayaʼmogiʼeʼmo hapau aiteʼa lusi kava huʼa apakesa alaʼamo afiteʼa

Apa 17:8 ပူးပေါင်းရင်းမြစ်များ

Matiyu 2:3

Helotiʼa yagaino neʼapateya kini vekamoʼmo ani gemo afitenoʼaeʼmo hausoli huʼnigeʼapaeʼmo muki Yulusalemu taonifiʼmo maiʼnaya vayaʼmogiʼeʼmo ani kava huʼa hapausoli huʼnae.

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Yoni 11:48

Oʼatafauta afaʼa ageta ataleʼnisunageno ani agufa kavakeʼmo hulino neʼvisigeʼapaeʼmo muki asole vayaʼmogimo agaefekeʼmo lama gemo nehiye, huʼa huteʼa akame hugae. Lomu gamani vayaʼmogimo eʼa alopa mono notimo heʼa halagape vaiʼa ataleteʼa kame huʼa latesageta ataleta atagu faetuteta hugune, huʼa huʼnae.

Apa 17:7

Yesoniʼa alino falu fala huno anateteno noʼafiʼmo anavalelinuno yagaino anateʼniye. Muki vayaʼmogimo huʼapaeʼmo, alatimo yagaino nelateya vekamo Sisa keʼaepa gemo ago amagiʼa ataleteʼapaeʼmo, alu vekamo Yesuʼa alaʼapimo yagaino neʼapateya vekae, huʼa nehae, huʼa hapa paiʼnae.

Apa 17:9

Yesoniʼe alu vayaʼefeʼmo huʼapaeʼmo, agotimo miya faitetapa viyo, huʼa hapa paiʼnageʼa miya faitageʼa aliʼa apatalageʼa uʼnae.