Apa 17:5 - The Keyagana NT and 25 OT books

⁵ Afiʼnayaʼmonanafa apakesa afiʼa fatago osuʼnaya Yu vayaʼmogimo apaipa kafa hanaeteʼa hosu vayaʼmo aliʼyaʼmo oʼaliʼa afaʼa maiʼneʼa maketilegamo umenitata huʼa neʼmaiya vayaʼmo apavaleʼa aliʼa anupa huteʼa apavaleliʼa uʼnageʼapaeʼmo muki taonifiʼmo maiʼnaya vayaʼmogiʼeʼmo apano aeteʼa apavamusa valeʼa Yesoni notegamo uʼnae. Apakaemo huʼapaeʼmo, lole vekalaʼmo nopatiʼmo anayate heta anavayu hulita egaune, huʼa huteʼa eʼnayana

Apa 17:5 ပူးပေါင်းရင်းမြစ်များ

Samu 69:12

Kateʼmo aliʼa anupa huʼa maiʼnaya vayaʼmogi huʼa faipa huʼa nateʼnae. Alopa aniʼmo neteʼa negi nagi gemo nehaya vayaʼmogimo nagaefeʼmo yokemo nehae.

Mai'naya kavane 14:30

Kaita ohauʼnigeno alagepa huno afaʼa haneʼniya aipamoʼmo agufamo alino lokiya vaino ategaiyaʼmonanafa aipa kafa nehaeya aipamoʼmo mago kaita haugekana huno haneʼniyanageno agufamo alino hosu huno ategaiye.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Matiyu 27:18

Apaipa kafamo haeʼnagenoʼaeʼmo avaleli eʼa nayapiʼmo ateʼnae, huno ago ageʼniyaʼmofeʼmo ani ge huno ge huno apafi geʼniye.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 14:19

Inagi mago Yu vayaʼmo Atiyoki taonimo Pisitiya kotegatiʼe Aikoniyamu taonifatiʼeʼmo eʼa ani vayaʼmo apakesa faiʼa hapa paiʼnageʼa geʼapimo afiteʼapaeʼmo yafa kayotetiʼmo Poloʼmo amagiteʼapaeʼmo, ago faliʼniye, huʼa huteʼa heʼa halauli uʼa lamiʼa taoni kegiʼya malagamo ataleʼnae.

Apa 14:2

Huʼnayaʼmonanafa mago apakesa afiʼa fatago osuʼnaya Yu vayaʼmogimo apa vekalaʼanifeʼmo alu nofi vayaʼai apakesamo faiteʼa aliʼa he tiʼa apateʼnae.

Apa 17:13

Ani kavaʼmo huʼnayaʼmonanafa Tesalonaika Yu vayaʼmogimo afiʼnayana Poloʼa Meliya taonifiʼmo uno maiʼneno Goti geʼamo aeno hakalo huno hapa nepaiye, huʼa huʼnageʼa afiteʼapaeʼmo eʼa alu ge alu gemo huʼa muki vayaʼai apakesamo faiʼnae.

Apa 17:6

nopiʼmo oʼmaiʼnaʼageʼapaeʼmo Yesoniʼe mago konagaʼaʼeʼmo eʼa apayate heʼa apavayu huliʼa yagaiʼa neʼapataya vayaʼaitegamo eʼapaeʼmo, muki haopalega hanageke kavaʼmo nehaʼa vekalaʼmo manileʼmo eʼana maiʼnaʼageno

Apa 17:7

Yesoniʼa alino falu fala huno anateteno noʼafiʼmo anavalelinuno yagaino anateʼniye. Muki vayaʼmogimo huʼapaeʼmo, alatimo yagaino nelateya vekamo Sisa keʼaepa gemo ago amagiʼa ataleteʼapaeʼmo, alu vekamo Yesuʼa alaʼapimo yagaino neʼapateya vekae, huʼa nehae, huʼa hapa paiʼnae.

Apa 17:9

Yesoniʼe alu vayaʼefeʼmo huʼapaeʼmo, agotimo miya faitetapa viyo, huʼa hapa paiʼnageʼa miya faitageʼa aliʼa apatalageʼa uʼnae.

Apa 18:12

Ani afinaʼmo Akaiya kotega Lomu gamani vekamo agiʼamo Galiyoʼa maiʼnigeʼapaeʼmo Yu vayaʼmogimo magokepi he tiʼa Polofeʼmo kame huʼa ateteʼa agotileʼmo avaleliʼuʼnae.

Apa 19:40

Lano aeʼnonaʼmofeʼmo mago hosu yaʼmo afaʼa aligune. Lapano aeʼnaya kavaʼmo aepaʼamo ohaneʼniyanageʼa loka huʼa lafi gesagetaeʼmo getimo afaʼa ohanegaiye, huno hapa paitenoʼaeʼmo ina gemo huno hapa painoʼaeʼmo, Afaʼa ataletapa viyo, huno hapa paiʼniye.

Apa 7:9

Henagaʼamo ani nofi vayaʼai aepa vayaʼmogimo Yosefefeʼmo apaipa kafamo haeteʼapaeʼmo avaleʼa maketi huʼa alu kotega vayaʼmo apamiʼnageʼa miya faiʼa avaleliʼuʼa Isipi kotegamo ateʼnageno afa aliʼyaʼmo alino maiʼniye.

Lomu 16:21

Timotiʼa nagaeʼeʼmo lokaetaʼa aliʼyaʼmo neʼaluʼa vekaʼe nagae nofi vayaʼmo Lusiyasiʼagi Yesoniʼagi Sosipataʼagi huʼa ge lapamamaeʼnae.

1 Kolitiyani 3:3

Lapakufamoʼmo hauʼniya kavaʼmo akame huʼnayanagetapa hemeniʼeʼmo afaʼageʼmo akame nehae. Lapakaitapifiʼmo lapaipa kafa hapaege ge vaige alita fako hutapa alu vaya alu vayaʼmo maige hutapa maiʼnetapaeʼmo lapakufamoʼmo hauʼniya kavaʼmo akame nehutapa ma mopafi vayakana hutapa maiʼnae.

2 Kolitiyani 11:26

Asole afinaʼmo nata neʼna umenitata huʼnove. Aniʼmo heʼniya yapatiʼmo lakaeʼna uge apatafauʼa apamagiteʼa kumaya neʼaliya vayaʼmogi folagapiʼmo uʼna maige Yu konagaʼnimogi namagisayafeʼmo huʼnaya folagapiʼmo uʼna maige alu nofi vayaʼmogi namagisayafeʼmo huʼnaya folagapiʼmo uʼna maige huʼna falisuva kavategamo uʼneʼna huʼna maiʼnove. Alopa taonifiʼmo uʼna maige kaʼme kotegamo uʼna maige solovala aniʼmo agotofuleʼmo uʼna maige aigofe konaga vayatimogi folagapiʼmo uʼna maige huʼna falisuva kavategamo uʼneʼna huʼna maiʼnove.

Galesiya 5:21

Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.

Galesiya 5:26

Vayaʼmogi lagitileʼmo aliʼa asaga huʼa latesayafeʼmo lagesamo oʼafita konagatimogimo hosu apaipamo kalisiya agufa himuʼnamu kavaʼmo huta laipa kafamo ohapaegetao.

1 Tesaloniyani 1:6

Goti geʼamo alagepa hutapa afitetapa lusi kava hutapa kana yaʼmo aliʼnageno Goti Aunemeʼamoʼmo lapa maeʼnigetapa lapamogaga neʼaitapaeʼmo lakame huge Ala kava neʼmo akame huge huʼnae.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.