Apa 17:26 - The Keyagana NT and 25 OT books

²⁶ Agaemo magoke vekamo alo huʼniya vekafatiʼmo alu nofi vaya alu nofi vayaʼmo alino afole aino apateʼniye. Hogoteno hunoʼaeʼmo, hainu afinaʼmo maisafi haiyategamo maisafi, huno lekana pai maleʼniye.

Apa 17:26 ပူးပေါင်းရင်းမြစ်များ

Aepa Gemae 3:20

Inagi Atamuʼa aʼaeʼmo agiʼamo, Iviʼae, huno ateʼniye. Muki afaʼa maisaya ve aʼnemogi itaʼapimoʼmo maiʼniyaʼmofeʼmae.

Aepa Gemae 9:19

Mani loleʼe magoʼe mafaʼne anagaʼmo Noa mafaʼnemo maiʼnageʼa apakaepatiʼmo muki ma mopafi vayaʼmo aiʼa atagu faeʼnae.

Samu 31:15

Muki afinaʼmo nagaeteʼmo afole neʼaiya kavaʼmo kaiyafiʼmo haneʼniye. Kame vayaʼnimogi apayapatiʼmo navalelika uvo. Nagaefeʼmo apaini huʼa neʼnataya vayaʼai apayapatiʼmo nagufamo alika katika nato.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Neniyo 11:27

Ani lole kini vekalaʼmoganimo ge vaisaʼafeʼmo anaipafiʼmo afaʼa haneʼnigeʼana magokepi maiʼneʼana hiʼyalamuteʼmo neʼyaʼmo neʼneʼanaeʼmo anavayaʼaletikeʼmo gege huʼana maigaʼaʼmonanafa hosu kavaʼanimo ani folagapiʼmo afole oʼaigiye. Gotiʼa hano hisiya afinaʼmo lekana pai maleʼniyaʼmofeʼmo anaipafiʼmo haneʼnisiya kavaʼmo afaʼa afole oʼaigiye.

Neniyo 11:35

Alagi alino alagepa huno apatege hosu kavaʼapimo aeno kalo paeno atalege yaveyave vayaʼmo alino hamaleno apatege huteno hapa maesiyafeʼmo mago afiteʼa ageʼnaya vayaʼmo faligae. Hapa maelino neʼvisigenoʼaeʼmo atupa afinaʼmo Gotiʼa lekana pai maleʼniya afinaʼmo afole aigiye.

Malakai 2:10

Muki vayaʼmogitamo magoke afotimoʼmo maiʼnifiye. Magoke Gotiʼa afa yatetiʼmo alo huno lateʼnifiye. Na kava higetapaeʼmo Gotiʼa afotimoʼmo apakinago vayaʼeʼmo magokepi hu maleʼniya kotalakemo amagita ataleteta konagatiyeʼmo aigofe kavaʼmo huʼnonageʼapaeʼmo ani kava huʼa konagaʼapiyeʼmo aigofe kavaʼmo nehae.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

Apa 15:18

Gotiʼa akeyaʼvilaga aliguve, huno hu maleʼniya aliʼyaʼamo ago ageʼniyaʼmofeʼmae, huno huteno,

1 Kolitiyani 15:22

Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.

1 Kolitiyani 15:47

Hogote vekamo mopaletiʼmo alo huno ateʼnigeno ma mopafatiʼmo afole aiʼniye. Napa tu vekamo Ala kava neʼmo kokuʼnapatiʼmo emineʼniye.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.