Apa 17:17 - The Keyagana NT and 25 OT books

¹⁷ Agaemo muki afinaʼae afinaʼaeʼmo Yu vayaʼai mono nopiʼmo uno haino hapa paiʼnigeʼapaeʼmo Yu vayaʼe alu nofi vayaʼmogimo mono nehaya vayaʼeʼmo magokepi ge huge afige huʼa maiʼnae. Ani kavaʼmo huno muki afinaʼae afinaʼaeʼmo uno maketileʼmo eʼa maiʼnaya vayaʼaifeʼmo hapa paiʼnigeʼa agaeʼeʼmo magokepi ge huge afige huʼa maiʼnae.

Apa 17:17 ပူးပေါင်းရင်းမြစ်များ

Mai'naya kavane 8:34

Nagaetegamo eʼa no kipateʼmo he tiʼa nagava maiʼneʼa geʼnimo neʼafiya vayaʼmo aulena vayaʼmo maiʼnae.

Maki 16:15

Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Luki 12:3

Lapakaemo hanipiʼmo nehaya gemo ha leyategamo afole aisigeʼa afigae. Lapakaemo kitamo ki maleʼnetapaeʼmo sumi gefatiʼmo nehaya gemo aliʼa anupa huʼa maiʼnisayateʼmo aeʼa hakalo huʼa hapa paisageʼa afigae.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 13:16

Poloʼa he tino ayaʼmo ataleteno aepa faino hapa painoʼaeʼmo, Isaleli vayaʼnimogitapaʼe alu nofi vayaʼmo Gotifeʼmo mono nehaya vayaʼmogitapaʼeʼmo geʼnimo afiyo.

Apa 13:43

Aliʼa anupa huʼa maiʼnaya vayaʼmogimo afiʼnayana ani gemo aino atagu faeʼnigeʼa afiteʼa asole Yu vayaʼe alu nofi vayaʼmogi Yu mono gemo neʼafiya vayaʼmogiʼeʼmo Poloʼe Manamasiʼeʼmo anakame huʼnageʼanaeʼmo, Gotiʼa fikumo hapa maeno neʼapamiya kavafeʼmo ava gemo oʼataletapa atafauta alagi hutapa maime maime viyo, huʼana hapa paiʼnaʼageʼapaeʼmo, ani kavaʼmo hugune, huʼa apakesamo afiʼnae.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 8:2

Mago mono neʼafiya vayaʼmogi Sitiveniʼmo aliniʼuʼa kiʼa ateteʼapaeʼmo lusi kava huʼa yulagefa aiʼnae.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

2 Timoti 3:2

Vayaʼmogimo apakaiʼapiyekeʼmo hapauge monieʼmo hapaʼye huge apakaiʼapiyekeʼmo ge huʼa apakiʼapileʼmo aliʼa asaga huge ala vayaʼmo maiʼnone, huʼa apakesamo afige huʼa faipa huʼa apatege itaʼapi afoʼapimogi geʼapimo oʼafige hapao ke osege apaote kavaʼmo osuge hugae.

2 Timoti 3:5

Apakaemo Gotifeʼmo amega apakufaletiʼmo mono nehayaʼmofeʼmo nehaya kavaʼapiletiʼmo huʼapaeʼmo, Goti himamuʼaletiʼmo apaipafiʼmo aliʼyaʼmo noʼaliye, huʼa aliʼa apave neliye. Ani agufa vayaʼmo apataleka kaote maiyo.