Apa 16:9 - The Keyagana NT and 25 OT books

⁹ Maiʼneʼapaeʼmo Poloʼa alagamuna agegekana huno ageʼniyana mago Masetoniya kotega vekamoʼmo he tino Polofeʼmo aukaya huno ge hunoʼaeʼmo, kahao ke hovanagi aniʼmo lakaeka Masetoniya kotegamo eka laha mao, huno ha paiʼnigeno ageʼniye.

Apa 16:9 ပူးပေါင်းရင်းမြစ်များ

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 16:10

Ageteno laha paiʼnigetaeʼmo, Gotiʼa hunoʼaeʼmo, Masetoniya vayaʼaitegamo utapa alagepa faigoko geʼnimo aetapa hakalo hutapa hapa paiyo, huno laha paiʼniye, huta magoke laipa lagesamo aliteta Masetoniya kotegamo ugune, huta huʼnone.

Apa 16:12

Ani taonifatiʼmo ataleta Filipai taonifiʼmo uta avaʼyi huteta maiʼnone. Filipai taonimo Masetoniya kotega hogote taonimo Lomu vayaʼmogimo ki maleʼnaya taonifiʼmo mago afinaʼmo maiʼnone.

Apa 18:5

Sailasiʼe Timotiʼeʼmo Masetoniya kotegatiʼmo Polotegamo eʼana avaʼyi huʼnaʼagenoʼaeʼmo Poloʼa aipamoʼmo kana huʼnigenoʼaeʼmo aipafatiʼmo Yu vayaʼaifeʼmo aeno hakalo huno hapa painoʼaeʼmo, Yesuʼa Kalaisi vekamo maiʼniye, huno hapa paiʼniye.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 19:22

Agaemo Timotiʼe Ilasatasiʼeʼmo ha neʼmaʼa vekalaʼmo alino anateʼnigeʼana Masetoniya kotegamo utaʼageno Esiya kotegamo maiʼniye.

Apa 19:29

Huʼnageʼapaeʼmo muki taonifiʼmo maiʼnaya vayaʼmogi apano aeʼa apavamusa gemo huʼnigeʼa eʼa Gaiyasiʼe Alitakasiʼeʼmo Masetoniya vekalaʼmo Poloʼeʼmo umenitata nehaʼa vekalaʼmo anatafauʼana apayamukiki huʼa anavaleliʼa aliʼa anupa huʼa neʼmaiya yategamo uʼnae.

Apa 20:1

Apano aeʼa hano hutageno Poloʼa Ala kava neʼmo geʼamo neʼafiya vayaʼaifeʼmo ge huʼnigeʼa eʼnageno apanu kino alino falu fala huno apatetenoʼaeʼmo, maitaleyo, huno hapa paiteno apataleno Masetoniya kotegamo uʼniye.

Apa 20:3

loleʼe magoʼe kaimo maiʼniye. Agaemo Siliya kotegamo sipifiʼmo ugefeʼmo alo huno maiʼnigeʼapaeʼmo Yu vayaʼmogimo amagigune, huʼa vegemo huʼnayaʼmofeʼmo Masetoniya kotegamo uʼna aeʼna agaseʼna aiʼna atagineʼna egauve, huno agesa afiʼniye.

Apa 27:2

Atalamitiya kotega sipimo eno haneʼnigeʼa Esiya kotegamo muki sipiʼamo uʼa avaʼyi nehaya taonifiʼmo ugefeʼmo nehagetaeʼmo ani sipifiʼmo uta haita maiteta mopamo ataleta anipiʼmo uʼnone. Alitakasiʼmo Tesalonaika taonifiʼmo Masetoniya kotega vekamo lagaeʼeʼmo magokepi lokaeno maiʼnigeta uʼnone.

Apa 9:38

Yopa taonimo Lita taonimo haopaleʼmo haneʼniyaʼmofeʼmo Pitaʼa Lita taonifiʼmo maiʼniye, huʼa huʼnaya gemo Yopa taonifiʼmo mago vayaʼmo geʼamo neʼafiya vayaʼmogi ani gemo afiteʼapaeʼmo lole vekalaʼmo aliʼa anateʼnageʼana uʼana Pitafeʼmo huʼanaeʼmo, Malage huka lagaetegamo eno, huʼana ha paiʼnaʼae.

Lomu 15:26

Masetoniya kotega siosi vayanagi Akaiya kotega siosi vayanagi huʼa Yulusalemu taonifiʼmo maiʼnaya apaote vayaʼmo kagemi yaʼapimo ohaneʼniya vayaʼmo hapa maeʼa apamisayafeʼmo hapauʼnigeʼapaeʼmo mago ofalini monimo namiʼnae.

2 Kolitiyani 11:9

Lapakaeʼeʼmo maiʼneʼnaeʼmo mago yafeʼmo kafu huʼnaeʼmo naha maetapa namisayafeʼmo kana yaʼmo aliʼna olapamiʼnove. Masetoniya kotega konagaʼnimogi ohaneʼniya yaʼmo alini eʼa namiʼnae. Muki yaʼaleʼmo naha maetapa yagaita natesayafeʼmo kana yaʼmo aliʼna olapamiʼnovanageʼna kana yaʼmo aliʼna olapamiguve.

2 Kolitiyani 12:7

Gotiʼa magoʼe yaʼmo alino nave liʼniyaʼmonanafa ani yatefeʼmo nagiʼnileʼmo aliʼna asaga huʼna oʼnatesuvafeʼmo mago aufeʼe yakana yatetiʼmo nagufaleʼmo namagiʼniye. Ani yatefeʼmo nagiʼnileʼmo aliʼna asaga huʼna oʼnatesuvafeʼmo Satani apa vekaʼamoʼmo eno namagiʼniye.

2 Kolitiyani 7:5

Lagaemo Masetoniya kotegamo eta maiʼnetaeʼmo maita haga oleʼnone. Hanageke yaʼmoʼa faino ku aino lateʼnigeʼapaeʼmo amega lagufaleʼmo kame huʼa nelatagetaeʼmo yuʼilaga laipafiʼmo koli huʼnone.

2 Kolitiyani 8:1

Konagatimogitapae, huta, Gotiʼa Masetoniya kotega siosiʼale siosiʼaleʼmo maiʼnaya vayaʼaina fikumo hapa maeno apamiʼniya kavafeʼmo ava gemo afisayafeʼmo lahauʼniye.

2 Kolitiyani 9:2

Nagaemo afiʼnovana afaʼa apamigune, hutapa huʼnaya gemo Masetoniya kotega siosiʼale siosiʼaleʼmo maiʼnaya vayaʼai apaulagaleʼmo lapakitapileʼmo aliʼna asaga huʼna lapateteʼnaeʼmo, Akaiya kotega siosiʼale siosiʼaleʼmo maiʼnaya vayaʼmogimo afe kafugafiʼmo alo huʼa maiʼnae, huʼna hapa paiʼnove. Asole vayaʼmogimo lapayamukiki nehaya kavafeʼmo lapava gemo afiteʼapaeʼmo he tiʼa ani kavaʼmo huʼa aliʼyaʼmo aliʼnae.

1 Tesaloniyani 4:10

He, lapakaemo muki Masetoniya kotega maiʼnaya konagatapieʼmo lapau lapayamopafiʼmo lapauʼniyaʼmonanafa konagatimogitapae, huta, lapao ke hetaeʼmo, magoʼe magoʼe huno lapaino, huta nehune.