Apa 16:36 - The Keyagana NT and 25 OT books

³⁶ Kalavusi vayaʼaiteʼmo yagaino neʼapateya vekamoʼmo ani gemo afitenoʼaeʼmo Polofeʼmo hunoʼaeʼmo, Yagaiʼa neʼapataya vayaʼmogi huʼapaeʼmo, hatu maeka anato, huʼa naha paiʼnayaʼmofeʼmo afaʼa viʼao, huno hana paiʼniye.

Apa 16:36 ပူးပေါင်းရင်းမြစ်များ

2 Kini 5:19

Ilaisaʼmo ha painoʼaeʼmo, Kagaemo kaipamoʼmo falu huʼninageka afaʼa uvo, huno ha paiʼnigeno Nemaniʼmo Ilaisaʼmo ataleno uʼniye.

Hatu maeno apate'niya gemae 4:18

Inagi Moseseʼa ayemoʼamoʼmo Yetalotegamo atagineno uno ha painoʼaeʼmo, kahaoke hovanagi, afaʼa nategeʼna Isipi kotegamo halate uʼna konagaʼnimogimo ago faliʼnisafi afaʼa maiʼnisafigeʼna apakegesuve, huno huʼnigenoʼaeʼmo Yetaloʼa, he, kanalenagi kaipamoʼmo falu huʼninageka afa uvo, huno ha paiʼniye.

Maki 5:34

Ani gemo ha paiʼnigenoʼaeʼmo, aʼmafaʼneo, huno, kagesamo afika fatago huʼnana kavakamoʼmo alino kahageno kateʼniyanagi uka alagepa huka maigenoʼao kaipamoʼmo falu hino, huno ha paiʼniye.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Apa 15:33

Magoʼe afinaʼmo maiʼnaʼageʼapaeʼmo konagaʼanimogi hana paiʼanaeʼmo, apa vayaʼaifeʼmo ge apamamaeʼnona gemo utana hapa paiʼao, huʼa hana paiteʼana aliʼa anateʼnageʼana uʼnaʼae.

Apa 16:23

lusi kava huʼa anamagiteʼa kalavusi huʼana anateteʼanaeʼmo kalavusi vayaʼaiteʼmo yagaino neʼapateya vekaeʼmo huʼapaeʼmo, kanale huka yagaika anato, huʼa ha paiʼnae.

Apa 16:27

Kalavusi vayaʼaiteʼmo yagaino neʼapateya vekamo aupatiʼmo he tino ageyana kitamo ago aino yakiʼnigeno agetenoʼaeʼmo, muki kalavusi vayaʼamo ago kumatega uʼa lamiteʼa apaune heʼa uʼnae, huno agesamo afitenoʼaeʼmo naipeʼamo asagino agaiʼa agufafiʼmo aeteno falisiyafeʼmo huʼniye.

Apa 16:35

Ega netepiʼmo yagaiʼa neʼapataya gamani vayaʼmogimo ati vayaʼaifeʼmo huʼapaeʼmo, Lole vekalaʼmo kalavusifatiʼmo hatu maeka anato, hutapa uta ha paiyo, huteʼa aliʼa apateʼnageʼa uʼnae.

1 Samiyo 1:17

Inagi Ilaiʼmo ha painoʼaeʼmo, Kaipamoʼmo falu huʼninageka uvo. Isaleli vayaʼmogita Gotitimoʼmo ani ge huka afigeʼnana yaʼmo afaʼa kamino, huno ha paiʼnigeno

1 Samiyo 20:42

Inagi Yonataniʼmo Nevinifeʼmo ha painoʼaeʼmo, Laʼagaemo ago Ala kava neʼmo agiʼaletiʼmo polomasi gemo hu maleʼnoʼaʼmofeʼmo kaipamoʼmo falu huʼninageka afaʼa uvo. Laʼagaemo polomasi gemo ina ge hutaʼaeʼmo laʼagaemo alitaʼa laʼao ya hutaʼa maisuʼa kavaʼmoʼa kaginago vayaʼe naginago vayaʼeʼmo muki afinaʼae afinaʼaeʼmo laʼao vayaʼmo maigae. Ala kava neʼmoʼa ani laʼagaemo huʼnoʼa geleʼmo faigoko hisiya vekamo maiʼniye.

1 Samiyo 25:35

Ha paiteno Neviniʼmo Amigeʼmo alinino eʼniya yaʼamo alitenoʼaeʼmo agaefeʼmo hunoʼaeʼmo, Kagaemo halate nokalegamo uka kaipamoʼmo falu hino. Alagepa a kanomo maiʼnanageʼna gekamo afiʼnove, huno ha paiʼniye.

1 Samiyo 29:7

Amuse huʼa nokatayaʼmofeʼmo halate ataginekuka nokalegamo alagepa huka maiyo. Fiku yanageʼa Filisatini vayaʼaiteʼmo neʼyagaiya vayaʼmogi hosu apaipamo kaliʼa kategae, huno ha paiʼniye.