Apa 16:19 - The Keyagana NT and 25 OT books

¹⁹ Ani aʼmafaʼneleʼmo neʼyagaiya vayaʼmogimo ani kavaʼmo ageteʼapaeʼmo, Vaehae, huʼa, lagaemo magoʼe huta monimo oʼalisuna kava hiye, huʼa huteʼa Poloʼe Sailasiʼeʼmo anatafauʼana heʼa anavayu huliʼana uʼa haiʼa taoni folagapiʼmo aliʼa anupa huʼa neʼmaiya yateʼmo gamani vayaʼai apaulagaleʼmo anateʼnaʼae.

Apa 16:19 ပူးပေါင်းရင်းမြစ်များ

Neniyo 6:12

Apakaemo kini vekalegamo uʼa kini vekamoʼmo hu maleʼniya keʼaepa gelefeʼmo huʼapaeʼmo, kagaemo hukaeʼmo, Tetiʼa afinaʼmo maiʼnetapaeʼmo nagaefeʼmo ge hutapa nafi geyo. Mago vekamoʼmo mago gotifeʼmofi mago vekaeʼmofi huno afi gesigeʼapaeʼmo asagauʼa laiyonimogi kelifiʼmo yaga auʼa atalegae, huka osuʼnapiye, huʼa ge huʼa afi geʼnageno kini vekamoʼmo hapa painoʼaeʼmo, He, ani gemo lama gemo huʼnae. Nagaemo hu maleʼnova keʼaepa gelefeʼmo Mitiya vayaʼmogitaʼe Pesiya vayaʼmogitaʼeʼmo keʼaepa getimo hanesigeno mago vekamoʼmo alu gemo afaʼa osugiye. Lagae keʼaepa gemo muki vayaʼaifeʼmo hapa paiʼnove.

Matiyu 24:9

Ani agufa kavaʼmo afole aisigeʼapaeʼmo kalavusi huʼa lapateteʼa lapavaleli uʼa vayaʼai apayapiʼmo lapatesageʼa kayoʼmo lapamiteʼa kamitimo lapamagigae. Apakaemo muki nofi vayaʼmogi nagiʼnilefeʼmo apaini huʼa lapategae.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Apa 14:19

Inagi mago Yu vayaʼmo Atiyoki taonimo Pisitiya kotegatiʼe Aikoniyamu taonifatiʼeʼmo eʼa ani vayaʼmo apakesa faiʼa hapa paiʼnageʼa geʼapimo afiteʼapaeʼmo yafa kayotetiʼmo Poloʼmo amagiteʼapaeʼmo, ago faliʼniye, huʼa huteʼa heʼa halauli uʼa lamiʼa taoni kegiʼya malagamo ataleʼnae.

Apa 14:5

Ani afinaʼmo Yu vayanagi alu nofi vayanagi apakaeteʼmo yagaiʼa neʼapataya vayaʼapigi huʼa ge huge afige huteʼapaeʼmo, Anatafauta yafa kayotetiʼmo anamagigune, huʼa huʼnae.

Apa 15:22

Apa vayanagi yagaiʼa neʼapataya vayatama vayanagi muki siosi vayanagi huʼa ani gemo afiteʼapaeʼmo, Mago vayaʼmo lekana paita apateteta Poloʼe Manamasiʼeʼmo alita apatesunageʼa Atiyoki taonifiʼmo lokaeʼa ugae, huʼa huteʼa Yutasiʼa alu agiʼamo Masamasiʼe Sailasiʼeʼmo lekana paiʼa anateʼnae. Ani vekalaʼmo muki konaga vayapatiʼmo hogote vekalane.

Apa 15:40

Poloʼa Sailasiʼmo lekana paino ateʼniye. Konagaʼanimogi Gotiʼa fikumo hana maeteno alagepa huno yagaino anatesiyafeʼmo aliʼa ayapiʼmo anateʼnageʼana uʼnaʼae.

Apa 16:16

Lagaemo nunumuʼmo nehaya yategamo neʼunagenoʼaeʼmo hosu aune aʼmafaʼnemo kalavusi aliʼyaʼmo aligekana huno aliʼyaʼmo neʼaliya aʼmafaʼnemo kateʼmo neʼegeta uta fotu huʼnone. Agaeteʼmo yagaiʼneʼa hogoteno afole aisiya kavaʼmo ageteno hapa paiʼnigeʼapaeʼmo alopa monimo alige alige huʼa neʼmaiya aʼmafaʼneʼeʼmo uta fotu huʼnone.

Apa 16:20

Anateʼneʼanaeʼmo Lomu gamani vayaʼaifeʼmo, Ani vekalaʼmo Yu vekalaʼmo maiʼnaʼana lagae taonifiʼmo eʼana lusi hanageke kavaʼmo nehaʼae.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

Apa 16:29

Kalavusi vayaʼaiteʼmo yagaino neʼapateya vekamoʼmo hunoʼaeʼmo, kani aeka namiyo, huno huteno alinino nagu nagu huno nopiʼmo uno haino Poloʼe Sailasiʼeʼmo anaiyafiʼmo asagauno aino agoʼya faiteno atete huʼniye.

Apa 17:6

nopiʼmo oʼmaiʼnaʼageʼapaeʼmo Yesoniʼe mago konagaʼaʼeʼmo eʼa apayate heʼa apavayu huliʼa yagaiʼa neʼapataya vayaʼaitegamo eʼapaeʼmo, muki haopalega hanageke kavaʼmo nehaʼa vekalaʼmo manileʼmo eʼana maiʼnaʼageno

Apa 21:30

Muki Yulusalemu taonifiʼmo maiʼnaya vayaʼmogimo lusi kava huʼa apano aeteʼapaeʼmo nagu nagu huʼa uʼa aliʼa anupa huteʼa alopa mono nopiʼmo uʼa haiʼa Poloʼa atafauʼa heʼa avayu huliʼa kumatega uʼa lamiʼnae. Kumatega heʼa avayu huliʼa nelamigeʼapaeʼmo malage huʼa alopa mono nopi kitamo kiʼnae.

Apa 8:3

Inagi Soloʼa siosi vayaʼmo apamagino hano hisiyafeʼmo ina kavaʼmo huno uno haino noʼapifati noʼapifatiʼmo ve aʼnemo heno apavayu hulinuno kalavusi huno apatete apatete huʼniye.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

2 Kolitiyani 6:5

Vayaʼmogi lamagige kalavusi huʼa latege apano aeteʼa apavamusa gemoʼmo huge huʼnae. Lokiya aliʼyaʼmo aliʼnonageno alagaʼmo lahaege lau okalege neʼyaʼmo oʼnege huʼnone.

Filipai 1:30

Kame huʼnogetapa ago nageʼnae. Hemeniʼeʼmo kamemo nehugetapa nava gemo neʼafiye. Ani agufa kavaʼmo hutapa kamemo nehae.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

1 Timoti 6:10

Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.

Yemisi 2:6

Lekana paimo apateʼniyaʼmonanafa lapakaemo kagemi yaʼapimo ohaneʼniya vayaʼmo alita afepi apateʼnae. Kagemi yaʼapiʼe vayaʼmogi kana yaʼmo aliʼa lapamige agoti huʼa lapatege nosafiye. Haʼao, agoti huʼa nelapatae.