Apa 16:15 - The Keyagana NT and 25 OT books

¹⁵ Lagaemo agaeʼe noʼafiʼmo maiʼnaya vayaʼeʼmo aniʼmo faleta apateʼnonagenoʼaeʼmo, Agaemo hunoʼaeʼmo, Nagaefeʼmo hutapaeʼmo, Ala kava nefeʼmo aigofe osuʼniyanageta afaʼa alita amufa amigune, hutapa lapakesamo afiʼnisayaʼmoʼmo mani taonifiʼmo maiʼnetapaeʼmo nagae nopiʼmo etapa maiyo, huno laha paiʼniye.

Apa 16:15 ပူးပေါင်းရင်းမြစ်များ

Aepa Gemae 19:3

Lotiʼa lokiya gefatiʼmo magoʼe gemo hunoʼaeʼmo, ugune, huno huʼnigeʼana ataleʼana agae notegamo uʼa noʼafiʼmo uʼa haiʼnae. Lotiʼa yisimo oʼateʼniya peleti mayamo kaeteno alopa neʼyaʼmo kaeno anateʼnigeʼana neʼnaʼae.

Aepa Gemae 33:11

Gotiʼa fikumo naha maeno namiʼnigeʼna muki yaʼaʼnimo alagi haiʼmo haneʼniyaʼmofeʼmo kahaoke hovanagi, fikumo nekamuva yaʼmo afa aliyo, huno lokiya gefatiʼmo huʼnigeno Isoʼmo aliʼniye.

2 Kini 4:8

Mago afinaʼmo Ilaisaʼmo Sunemi taonifiʼmo uʼniye. Ani taonifiʼmo agi haneʼniya a kanomo maiʼnenoʼaeʼmo Ilaisafeʼmo hunoʼaeʼmo, eka noʼnifatiʼmo neʼyaʼmo negapiye, huno ge huno afi geʼniye. Huʼniyaʼmofeʼmo Ilaisaʼmo muki afinaʼmo Sunemi taonifiʼmo unoʼaeʼmo ani a kanomo nopatiʼmo uno neʼyaʼmo neʼniye.

Matiyu 10:41

Gotitegati gemo alinineno aeno hakalo huno hapa nepaiya vekamo neʼegenoʼaeʼmo mago vekamo Gotitegati gemo alinineno aeno hakalo huno hapa nepaiya vekamo maiʼniyaʼmofeʼmo alino falu fala huno neʼatesiyana Gotitegati gemo alini eʼa aeʼa hakalo huʼa hapa nepaiya vayaʼmogi alisaya agufa miyaʼamo apakaeʼeʼmo magokepiʼmo aligiye. Goti aulagaleʼmo fatago vekamo neʼegenoʼaeʼmo mago vekamo Goti aulagaleʼmo fatago vekamo maiʼniyaʼmofeʼmo alino falu fala huno neʼatesiyana fatago vayaʼmogi alisaya agufa miyaʼamo apakaeʼeʼmo magokepiʼmo aligiye.

Matiyu 3:6

Apakaemo eʼa hosu kavaʼapieʼmo aeʼa hakalo huʼa ha paiʼnageno Yoneni anipiʼmo aniʼmo faleno apateʼniye.

Luki 14:23

neʼyaʼmo yagita huʼniya vekamoʼmo aliʼyaʼamo neʼaliya vekaeʼmo hunoʼaeʼmo, kale kategatiʼe hoya kategatiʼeʼmo uka noʼnifiʼmo faiʼa kili paesayafeʼmo apayate alika apavalelika eno.

Luki 24:29

alopa gefatiʼmo huʼanaeʼmo, hemenimo ago unetiʼnigeno hani hugefeʼmo hiyanagi atalekeka laʼagaeʼeʼmo maiyo, huʼana ha paiʼnaʼageno eno nopiʼmo uno haino anakaeʼeʼmo maiʼniye.

Apa 11:14

Eno mago gemo lapa paisigetapa kagaeʼe muki konaga vayakaʼeʼmo ani gemo afisageno Gotiʼa geʼaletiʼmo lapakufamo alino katino lapategaiye, huno naha paiʼniye, huno naha paiʼniye.

Apa 16:31

Ala kava neʼmo Yesu Kalaisifekeʼmo kagesa afika fatago hugenoʼao Gotiʼa kagaeʼe afamo anagakaʼeʼmo lapakufamo alino katino lapategaiye, huʼana ha pailiʼana uʼnaʼae.

Apa 16:33

Ani afinaʼmo kalavusi vayaʼaiteʼmo yagaino neʼapateya vekamoʼmo anamagiʼnaya anamuteʼmo anitetiʼmo sese huno anateʼniye. Anakaemo agaeʼe muki afamo anagaʼaʼeʼmo aniʼmo faleʼana apateʼnaʼae.

Apa 16:34

Agaemo Poloʼe Sailasiʼeʼmo noʼafiʼmo anavalelino uno haino neʼyaʼmo anamiʼniye. Gotifeʼmo agaeʼe afamo anagaʼaʼeʼmo apakesamo afiʼa fatago huteʼa apamogaga aiʼnae.

Apa 18:8

Ani afinaʼmo Yu vayaʼai monoteʼmo neʼyagaiya vekamo agiʼamo Kilisipasiʼagi afamo anagaʼagi mago Kolitiyani vayanagi huʼa ani gemo afiteʼapaeʼmo apakesamo afiʼa fatago huteʼa aniʼmo faleʼnae.

Apa 8:12

Saimoni geʼamo afiʼnayaʼmonanafa Filipiʼa alagepa gemo Gotiʼa neʼyagaiya kavafeʼmo ava gemo huge Yesu Kalaisifeʼmo ava gemo huge huʼnigeʼa afiteʼapaeʼmo apakesamo afiʼa fatago huʼnaya ve aʼnemo aniʼmo faleno apateʼniye.

Apa 8:38

Gamani vekamoʼmo hosimo talalafiʼmo maiʼneno kaʼmo alino ho huno atelino uʼniya vekaeʼmo, Manile maigunanagi atafauka ategetao, huno ha paiʼnigeno atafauno ateʼnigeno meku vekaʼe Filipiʼeʼmo ani kotupiʼmo lamiʼana aniʼmo faleno ateʼniye.

Lomu 16:23

Gaiyasiʼa Poloʼnaleʼmo alagepa huno yagaino nateʼniya vekaʼe noʼafiʼmo aliʼa anupa huʼa maiʼnaya siosi vayaʼmogiʼeʼmo ge lapamamaeʼnae. Elasatasiʼa taonifi monileʼmo neʼyagaiya vekaʼe Kuvotasiʼa konagatimoʼeʼmo ge lapamamaeʼnaʼae.

2 Kolitiyani 12:11

Negi vekagana huʼna negi gemo huʼnovaʼmonanafa ani kavatefeʼmo alita he titapa nateʼnae. Naha maetapa nagiʼnileʼmo alita asaga hutapa nateʼnaesinana kanale kavaʼmo huʼnaesine. Afa vekamo maiʼnovaʼmonanafa hogoteʼa aeʼa apakaseʼnaya apa vayatapimogi aeʼa oʼnagaseʼnaya vekamo maiʼnove.

2 Kolitiyani 5:14

Kalaisiʼa lagaefeʼmo hau ayamopafiʼmo hauʼniya kavaʼamoʼa heno lavayu hulinuno nelate. Mani kavatefeʼmo alita fako huta lagesamo afiʼnonana magoke vekamoʼmo muki vayaʼaitefeʼmo falino apateʼniyaʼmofeʼmo mukiʼamogi agaeʼeʼmo faliʼnae.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Efasasi 1:1

Nagaemo Poloʼnaeʼmo Gotiʼa hauʼnigeno lekana paino nateʼnigeʼna Yesu Kalaisi apa vekaʼamo maiʼnove. Efasasi taonifiʼmo maiʼnaya vayaʼmogitapamo Kalaisi Yesupiʼmo maiʼnageʼna aliʼna amufa nelapamugenoʼaeʼmo Gotiʼa lapavaleno alino lapaote lapateʼniya vayaʼamogitaeʼmo mani avoʼmo nekaove.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

Failimoni 1:17

Nagaefeʼmo nafaluʼnimogae, huka kagesamo neʼafisanana alika falu fala huka neʼnatana kava huka alika falu fala huka ato.

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

2 Yoni 1:10

Mago vekamoʼmo lapakaetegamo enoʼaeʼmo mani agufa gemo alinino oʼmesiyana alita falu fala hutapa oʼatetapa notapifiʼmo avalelitapa oʼviyo.

3 Yoni 1:5

Nahauʼniya vekaʼnimogae, huʼna, kagaemo konagatimogimo alagepa huka hapa maege nata vayaʼmo alagepa huka hapa maege nehana kavaʼmo alagepa aliʼyaʼmo neʼaline.

3 Yoni 1:8

Lagaemo ani agufa vayaʼmo hapa maesunageno lama geʼamo afole aisiyafeʼmo apakaeʼeʼmo magokepi lokaeta aliʼyaʼmo aligetao.

1 Samiyo 28:23

Ani gemo huʼniyaʼmonanafa Soloʼmo hunoʼaeʼmo, Haʼao, neʼyaʼmo oʼnegauve, huno huʼnigeʼa aliʼyaʼamo neʼaliʼa vekalaʼe ani a kanoʼeʼmo Solofeʼmo haʼao, huʼa, neʼyaʼmo no, huʼa huʼnae. Agaemo huʼnaya gemo afiteno he tino hipaleʼmo fai maiʼniye.