Apa 16:14 - The Keyagana NT and 25 OT books

¹⁴ Mago a kanomoʼa getimo alagepa huno afiʼniya a kanomo agiʼamo Litiyaʼa Taiyataila taonifi a kanomo alopa moniletiʼmo miya nefaiya oko kenamo miya failineno maketi huʼnigeʼa miya nefaiya a kanomo maiʼniye. Ani a kanomoʼa Gotifeʼmo mono nehiya aʼmo maiʼnigeno Ala kava neʼmoʼa aipa agesamo alino halo aiʼnigeno Polo geʼamo alagepa huno afiʼniye.

Apa 16:14 ပူးပေါင်းရင်းမြစ်များ

Samu 110:3

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.

Salomoni Yokemae 5:4

Nahau nayamopafiʼmo neʼnahaiya vekaʼnimoʼa kitamo alita neʼyakuna yateʼmo ayaʼmo aliʼnigeʼna ageteʼnaeʼmo naipamoʼmo he tiʼniye.

Aiyeya 50:5

Ala kava neʼmo Gotiʼa geʼamo afisuvafeʼmo nagesamo alino halo aiʼnigeʼnaeʼmo geʼamo amagiʼna oʼataleʼna aliʼyaʼaletiʼmo ataleʼna aiʼna afe leʼna oʼuʼnove. Mago vayaʼmogimo neʼnamagigeʼnaeʼmo namagisayafeʼmo nakameʼyamo apamige navenanapa nayokaʼmo aliʼa faige apaviʼnamo heʼa natege huʼnageʼnaeʼmo navagage hisiyafeʼmo naugosamo aliʼna fala okiʼnove.

Luki 24:45

huno apakesamo huno halo aino hapa paiteno alino apaya maleʼniye.

Yoni 12:20

Hopa afinaʼmo Gotifeʼmo mono hisayafeʼmo Yulusalemu taonifiʼmo uʼa haiʼnaya vayapatiʼmo mago vayaʼamo Galiki nofi vayaʼmo maiʼnae.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 11:21

Gotiʼa lokiya vaino apateʼnigeʼapaeʼmo asole vayaʼmogimo ani gemo afiteʼa apakesamo afiʼa fatago huteʼa Ala kava netegamo aiʼa afe leʼa eʼnae.

Apa 13:43

Aliʼa anupa huʼa maiʼnaya vayaʼmogimo afiʼnayana ani gemo aino atagu faeʼnigeʼa afiteʼa asole Yu vayaʼe alu nofi vayaʼmogi Yu mono gemo neʼafiya vayaʼmogiʼeʼmo Poloʼe Manamasiʼeʼmo anakame huʼnageʼanaeʼmo, Gotiʼa fikumo hapa maeno neʼapamiya kavafeʼmo ava gemo oʼataletapa atafauta alagi hutapa maime maime viyo, huʼana hapa paiʼnaʼageʼapaeʼmo, ani kavaʼmo hugune, huʼa apakesamo afiʼnae.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 16:40

Poloʼe Sailasiʼeʼmo kalavusi nopatiʼmo ataleʼana Litiya notegamo uʼana maiʼneʼanaeʼmo konagaʼanimogifeʼmo Gotiʼa apaipamo alino lokiya vaino apatesiya gemo hapa paiteʼana apataleʼana uʼnaʼae.

Apa 18:7

Uno mago vekamo Gotifeʼmo mono nehiya vekamo agiʼamo Taitasi Yasiti nopiʼmo uno haino maiʼniye. Noʼamo Yu vayaʼai mono noʼmo haopaleʼmo haneʼniye.

Apa 8:27

Filipiʼa he tino uʼniye. Neʼvigenoʼaeʼmo mago alopa gamani vekamo meku vekamo Itiyopiya vayaʼmogi kuvini a kanomo monileʼmo neʼyagaiya vekamo noʼalega ugefeʼmo uʼniye.

Lomu 9:16

Vayaʼmogi apakaiʼapi hapauʼniya kavatetiʼmo afole oʼaige apayamukiki nehaya kavatetiʼmo afole oʼaige huʼnayana Gotiʼa hau huno neʼapateya kavatetikeʼmo afole neʼaiye.

Leveleseni 1:11

Ani gemoʼmo hunoʼaeʼmo, Nagaemo aliʼna aepa faiʼna ateteʼna aliʼna hano huʼna atalesuva vekamo maiʼnove. Agesana kavafeʼmo avoʼmo kaetekaeʼmo seveniʼa siosimo Efasasi siosifinagi Simena siosifinagi Pegamamu siosifinagi Taiyataila siosifinagi Satisi siosifinagi Filatefiya siosifinagi Leyotisiya siosifiʼmogi huʼa maiʼnaya vayaʼaitegamo ani avoʼmo atalesanageno ugiye, huno naha paiʼniye.

Leveleseni 3:20

Nageyo, huʼna, kipateʼmo he tiʼna maiʼneʼna hakalu hakalu huge huge huʼna neʼmauve. Mago vekamoʼmo geʼnimo afiteno kitamo yakino natesigeʼnaeʼmo uʼna haiʼna agaeʼeʼmo neʼyaʼmo nesugeno nagaeʼeʼmo neʼyaʼmo negaiye.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.