Apa 16:13 - The Keyagana NT and 25 OT books

¹³ Lagaemo sapati afinaʼmo taonifatiʼmo ataleta ani haigifiʼmo nunumuʼmo nehaya yategamo uta lamiʼnone. Lamita aliʼa anupa huʼa maiʼnaya aʼne anagaʼaifeʼmo hapa paiʼnone.

Apa 16:13 ပူးပေါင်းရင်းမြစ်များ

Matiyu 13:2

asole vayaʼmo eʼa aliʼa anupa huʼa maiʼnagenoʼaeʼmo he tino sipifiʼmo uno haino fai maiʼnigeʼapaeʼmo ani agiʼnaleʼmo he tiʼa maiʼnae.

Maki 16:15

Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Luki 13:10

Mago Sapati afinaʼmo Yesuʼa Yu vayaʼai mono nopiʼmo uno haino alino apaya neʼmalegenoʼaeʼmo

Yoni 8:2

Egaʼamo kotilamiyapiʼmo halate atagi nenuno Yulusalemu taonifi alopa mono nopiʼmo uno haino maiʼnigeʼapaeʼmo agaetegamo eʼa aliʼa anupa huʼa maiʼnageno itopaleʼmo maiʼnenoʼaeʼmo aepa faino alino apaya maleʼniye.

Apa 13:14

Pega taonifiʼmo atale uʼana Atiyoki kotega taonimo Pisitiya kotegamo uʼana avaʼyi huteʼana Sapati afinaʼmo Yu vayaʼai mono nopiʼmo uʼana haiʼnaʼae.

Apa 13:42

Yu vayaʼmo mono nopatiʼmo ataleʼa uʼa nelamigeʼapaeʼmo alu nofi vayaʼmogimo huʼapaeʼmo, Mago anaga Sapatifiʼmo etana ani gemo magoʼe hutana laha paiʼao, huʼa hana paiʼnaʼae.

Apa 16:16

Lagaemo nunumuʼmo nehaya yategamo neʼunagenoʼaeʼmo hosu aune aʼmafaʼnemo kalavusi aliʼyaʼmo aligekana huno aliʼyaʼmo neʼaliya aʼmafaʼnemo kateʼmo neʼegeta uta fotu huʼnone. Agaeteʼmo yagaiʼneʼa hogoteno afole aisiya kavaʼmo ageteno hapa paiʼnigeʼapaeʼmo alopa monimo alige alige huʼa neʼmaiya aʼmafaʼneʼeʼmo uta fotu huʼnone.

Apa 16:6

Apakaemo Filisiya kotegaʼe Galesiya kotegaʼeʼmo umenitata huʼa maiʼnagenoʼaeʼmo Goti Aunemeʼamoʼmo Esiya kotegamo uʼa Goti geʼamo aeʼa hakalo huʼa hapa opaisayafeʼmo ka akanino apateʼniye.

Apa 17:2

Poloʼa nehiya kava huno uno haino mono nopiʼmo loleʼe magoʼe Sapati afinaʼmo Goti Mukufi gemo lekana paino alino apaya maleʼnigeʼapaeʼmo agaeʼeʼmo ge huge afige huʼa maiʼnae.

Apa 18:4

Poloʼa muki sapati afinaʼae afinaʼaeʼmo Yu vayaʼai mono nopiʼmo uno haino Yu vayaʼe Galiki vayaʼmogiʼeʼmo apakesa afiʼa fatago hisaya agufa gemo hapa paiʼnigeʼa ani geʼeʼmo huge afige huʼa maitale maitale huʼnae.

Apa 20:7

Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

Apa 21:5

Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Galesiya 3:28

Kalaisipiʼmo magoke aiyaya vayaʼmo maiʼnayaʼmofeʼmo mago vayaʼmo Yu vayaʼmo maige mago vayaʼmo alu nofi vayaʼmo maige huʼnone, hutapa osuge kalavusi aliʼyaʼmo neʼaliya vayaʼmo maige afa vayaʼmo maige huʼnone, hutapa osuge ve maige aʼne maige huʼnone, hutapa osuge hutetapa maiyo. Kalaisi Yesupiʼmo maiʼnetapaeʼmo magoke aiyaya vayaʼmo maiʼnae.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.