Apa 15:40 - The Keyagana NT and 25 OT books

⁴⁰ Poloʼa Sailasiʼmo lekana paino ateʼniye. Konagaʼanimogi Gotiʼa fikumo hana maeteno alagepa huno yagaino anatesiyafeʼmo aliʼa ayapiʼmo anateʼnageʼana uʼnaʼae.

Apa 15:40 ပူးပေါင်းရင်းမြစ်များ

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 13:3

Ani gemo afiteʼapaeʼmo neʼyaʼmo oʼneʼa mosiʼa maiʼneʼa apayaʼmo anakufaleʼmo maleʼneʼa nunumuʼmo huteʼa aliʼa anaoteʼmo anateʼnageʼana uʼnaʼae.

Apa 14:26

solovala aniʼmo lakaeʼana halate Atiyoki taonifiʼmo eʼnaʼae. Goti vayaʼamogimo ani taonifatiʼmo hogoteʼa Gotiʼa yagaino anatesiyafeʼmo aliʼa ayapiʼmo anateteʼa aliʼa anatageʼana uʼana Goti aliʼyaʼamo aliʼnaʼae. Ani aliʼyaʼmo ago aliʼana hano huteʼana eʼnaʼae.

Apa 15:22

Apa vayanagi yagaiʼa neʼapataya vayatama vayanagi muki siosi vayanagi huʼa ani gemo afiteʼapaeʼmo, Mago vayaʼmo lekana paita apateteta Poloʼe Manamasiʼeʼmo alita apatesunageʼa Atiyoki taonifiʼmo lokaeʼa ugae, huʼa huteʼa Yutasiʼa alu agiʼamo Masamasiʼe Sailasiʼeʼmo lekana paiʼa anateʼnae. Ani vekalaʼmo muki konaga vayapatiʼmo hogote vekalane.

Apa 15:32

Yutasiʼe Sailasiʼeʼmo Gotitegati gemo alini eʼana aeʼana hakalo huʼana hapa nepaiʼa vekalaʼmo maiʼnaʼaʼmofeʼmo muki gemo hapa paiteʼana aliʼana lokiya vaiʼana apateʼnaʼae.

Apa 16:19

Ani aʼmafaʼneleʼmo neʼyagaiya vayaʼmogimo ani kavaʼmo ageteʼapaeʼmo, Vaehae, huʼa, lagaemo magoʼe huta monimo oʼalisuna kava hiye, huʼa huteʼa Poloʼe Sailasiʼeʼmo anatafauʼana heʼa anavayu huliʼana uʼa haiʼa taoni folagapiʼmo aliʼa anupa huʼa neʼmaiya yateʼmo gamani vayaʼai apaulagaleʼmo anateʼnaʼae.

Apa 17:4

Mago vayaʼmogimo ani gemo afiteʼa Polo geʼaeʼmo apakesamo afiʼa fatago huteʼapaeʼmo anakame huʼnae. Asole Galiki vayaʼmogi Gotifeʼmo mono nehaya vayaʼe apaki haneʼniya aʼnemogiʼeʼmo eʼa lokaeʼa maiʼneʼa geʼanimo afiʼnae.

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

2 Kolitiyani 13:14

Ala kava neʼmo Yesu Kalaisiʼa mukiʼamogitapa fikumo lapa maeno lapamino. Gotiʼa mukiʼamogitapaeʼmo hau ayamopafiʼmo hauʼniya kavaʼamo lapaipafiʼmo haneno. Aote Aunemeʼamoʼmo mukiʼamogitapaʼeʼmo magokepi lokaeno afalu afalu huno maino. He, lama ge.

2 Timoti 4:22

Ala kava neʼmoʼa kagaeʼeʼmo magokepiʼmo lokaeno maino. Gotiʼa fikumo lapa maeno lapamino. He, lama ge.

Taitasi 3:15

Nagaeʼeʼmo muki neʼmaiya ve aʼnemogi ge kamamaeʼnae. Lagaefeʼmo hapauʼnigeʼapaeʼmo Gotifeʼmo apakesamo afiʼa fatago nehaya vayaʼaifeʼmo, Poloʼeʼmo ge lapamamaeʼnae, huka hapa paiyo. Gotiʼa mukiʼamogitapamo fikumo lapa maeno lapamino. He, lama ge.