Apa 15:29 - The Keyagana NT and 25 OT books

²⁹ Nehutaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo. Kumai kavaʼmo osiyo, huta nehune. Ani kavaʼmo osisayana kanale hugiye. Maitalafiye, huʼa avoʼmo kaeʼnae.

Apa 15:29 ပူးပေါင်းရင်းမြစ်များ

Aepa Gemae 9:4

Afaʼa negayaʼmonanafa kolaʼamo haneʼnisiya ameʼamo oʼneyo. Kolaʼmo afaʼa neʼmaiya yaʼmo aepaʼamo haneʼniyaʼmofeʼmae.

Luki 9:61

Alu vekamoʼmo hunoʼaeʼmo, Ala kava nene, huno, kakame huʼna umenitata hisuvafeʼmo hogoteʼna uʼna noʼnifiʼmo maiʼnaya vayaʼmo nayaʼmo apamiʼna aliʼna falu fala huʼna apateteʼna apataleʼna visuvafeʼmo he kanalene huka hugeʼnao, huno ha paiʼnigeno

Apa 15:20

Mago avoʼmo kaeta atalegaune. Avoʼmo kaetaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Kumai kavaʼmo osiyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo, huta avoʼmo kaegaune.

Apa 18:21

Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.

Apa 21:25

Kagaemo ani kavaʼmo huganaʼmonanafa alu nofi vayaʼmogimo apakesamo afiʼa fatago huʼnaya vayaʼaitegamo lagaemo avoʼmo kaeta ataleʼnonageno uʼniye. Ani gemo lagaemo avoʼmo kaetetaeʼmo, Gemo hutaeʼmo neʼyaʼmo aigofe Gotiʼapimogi neʼapamiya neʼyaʼmo oʼneyo. Muki yaʼmo kolaʼamo oʼneyo. Lugoʼafiʼmo nofi aesageno falisiya afumoʼa agufafatiʼmo kolaʼamo lakiʼa oʼataleʼnisaya afumo oʼneyo. Kumai kavaʼmo osiyo, huta avoʼmo kaeta ataleʼnone, huʼa ha paiʼnae.

Apa 23:30

Mago Yu vayaʼmogi vegemo huʼapaeʼmo, amagigune, huʼa huʼnaya gemo afiʼnovaʼmofeʼmo kagaetegamo aliʼna atesugeno ugiye, huʼna nagesamo afiʼnove. Agoti huʼa atesayafeʼmo huʼnaya vayaʼaifeʼmo huʼnaeʼmo, Filikisitegamo utapa ina hosu kavaʼmo huʼniye, hutapa ha paiyo, huʼna hapa paiʼnove, huno avoʼmo kaeʼniye.

2 Kolitiyani 11:9

Lapakaeʼeʼmo maiʼneʼnaeʼmo mago yafeʼmo kafu huʼnaeʼmo naha maetapa namisayafeʼmo kana yaʼmo aliʼna olapamiʼnove. Masetoniya kotega konagaʼnimogi ohaneʼniya yaʼmo alini eʼa namiʼnae. Muki yaʼaleʼmo naha maetapa yagaita natesayafeʼmo kana yaʼmo aliʼna olapamiʼnovanageʼna kana yaʼmo aliʼna olapamiguve.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

1 Timoti 5:22

Siosi vayaʼaiteʼmo yagaiʼa apatesaya vayaʼmo lekana paika apateteka apakaeteʼmo malage huka kayaʼmo maleka oʼapato. Fiku yanageno lekana paika ateʼnisana vekamo hosu kavaʼamoʼmo kagaeteʼmo aino kamaesigeka kagaemo vaiʼmo aligane. Kaotekeʼmo maiteka alagepa huka maiyo.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.

1 Yoni 5:21

Aise mafaʼneʼnimogitapae, huʼna, aigofe gotiʼapimogimo apakame osutapa maita halove huta maiyo. He, lama ge.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 2:14

Nehayaʼmonanafa mago gemo aliʼna api aiʼna lapatesuva gemo haneʼniye. Akeyaʼvilaga Melamiʼa Melekiʼmo alino aya maleʼnigeno Isaleli vayaʼmogi hosu kavaʼmo hisayafeʼmo Melekiʼa apayateʼmo aliʼnigeʼapaeʼmo aigofe gotiʼapimogimo apamiʼnaya ofalini afumo ameʼamo neteʼa kumai kavaʼmo huʼnae. Mago lapakaepati vayaʼmogimo Melamiʼa alino aya maleʼniya agufa gemo akame nehae.

Leveleseni 2:20

Maiʼnayaʼmonanafa mago gemo aliʼna api aiʼna lapatesuva gemo haneʼniye. Lapakaefeʼmo mago a kanomo Yesemeliʼa, Gotitegati gemo aliniʼneʼna aeʼna hakalo huʼna hapa nepauva a kanomo maiʼnove, huno nehiya a kanomo alitapa ha faita oʼataletapa afaʼa ateʼnae. Agaemo alino apaya maleteno apayate aliʼnigeʼapaeʼmo aliʼyaʼnimo neʼaliya vayaʼmogimo kumai kavaʼmo huteʼapaeʼmo aigofe gotiʼapimogi neʼapamiya ofalini neʼyaʼmo neʼnae.