Apa 14:4 - The Keyagana NT and 25 OT books

⁴ Ani taonifiʼmo maiʼnaya vayaʼmo aliʼa fako huʼa mago vayaʼamogimo Yu vayaʼai geʼapimo afiʼnageʼapaeʼmo mago vayaʼamogimo apa vekalaʼani geʼanimo afiʼnae.

Apa 14:4 ပူးပေါင်းရင်းမြစ်များ

Maika 7:6

Ani afinaʼmo ve mafaʼnemogimo afoʼapimogi apakiʼapileʼmo aliʼa afepiʼmo apatesageʼa a mafaʼnemogimo itaʼapimogiʼeʼmo kaveta hisageʼa apanofeloʼapimogimo aʼne apanofeloʼapimogifeʼmo kame huʼa apategae. Vayaʼmogimo apakaiʼapi afamo anagaʼapiʼeʼmo kame huʼa apatesageʼa kame huʼa apatesageʼa huʼa maigae.

Luki 2:34

Simiyoniʼa alino auleno apatetenoʼaeʼmo ani mafaʼnemo itaʼamoʼmo Maliyafeʼmo hunoʼaeʼmo, Afiyo, huno, mago vayaʼamogimo geʼamo oʼafiʼa ataleʼa asagauʼa aige mago vayaʼamogimo geʼamo afiteʼapaeʼmo he tiʼa maige hisayafeʼmo Gotiʼa lekana paino ateʼniye. Agaemo Gotitegatiʼmo alagena yakana huno alino apave lisigeʼapaeʼmo apaini huʼa atesagenoʼaeʼmo

Yoni 7:43

Ani gemo huteʼa aliʼa fako huʼa apaote apaote huʼa maiʼnae.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 14:14

Manamasiʼe Poloʼeʼmo ani kavaʼmo ageteʼanaeʼmo ohanauʼnigeʼana kukenaʼanimo aliʼana apake aiteʼana ani vayaʼai folagapiʼmo nagu nagu huʼana uʼnaʼae.

Apa 14:19

Inagi mago Yu vayaʼmo Atiyoki taonimo Pisitiya kotegatiʼe Aikoniyamu taonifatiʼeʼmo eʼa ani vayaʼmo apakesa faiʼa hapa paiʼnageʼa geʼapimo afiteʼapaeʼmo yafa kayotetiʼmo Poloʼmo amagiteʼapaeʼmo, ago faliʼniye, huʼa huteʼa heʼa halauli uʼa lamiʼa taoni kegiʼya malagamo ataleʼnae.

Apa 14:2

Huʼnayaʼmonanafa mago apakesa afiʼa fatago osuʼnaya Yu vayaʼmogimo apa vekalaʼanifeʼmo alu nofi vayaʼai apakesamo faiteʼa aliʼa he tiʼa apateʼnae.

Apa 14:5

Ani afinaʼmo Yu vayanagi alu nofi vayanagi apakaeteʼmo yagaiʼa neʼapataya vayaʼapigi huʼa ge huge afige huteʼapaeʼmo, Anatafauta yafa kayotetiʼmo anamagigune, huʼa huʼnae.

Apa 19:9

Mago vayaʼamogimo lokiya apaipamo haneʼniyaʼmofeʼmo apakesamo afiʼa fatago osuʼa muki vayaʼai apaulagaleʼmo Ala kava neʼmo kavafeʼmo huʼa faipa huʼa ateʼnagenoʼaeʼmo Poloʼa apataleno uno Goti geʼamo neʼafiya vayaʼageʼmo apavalelino uno Tilanasiʼa sukulumo alino apaya neʼmaleya nopiʼmo muki afinaʼae afinaʼaeʼmo alu ge alu geletiʼmo apakesa alino hapa paiʼniye.

Apa 28:24

Mago vayaʼamogi lama gemo nehiye, huʼa apakesamo afiʼnayana mago vayaʼamogimo apakesamo afiʼa fatago osuʼnae.

1 Kolitiyani 9:5

Mago Goti apa vayaʼamogimogi Ala kava neʼmo agufale aganaʼamogimogi Pitamogi huʼa Kalisitini hamaleʼnaya aʼneʼapimo apavaleliʼa uʼnae. Ani kavaʼmo hisuva himamuʼnimo ohaneʼnifiye.

1 Tesaloniyani 2:14

Yutiya kotega vayaʼmo Kalaisi Yesupiʼmo maiʼnaya siosi vayaʼmogimo kana yaʼmo aliʼnae. Yu vayaʼmo vayaʼapimogimo kana yaʼmo aliʼa apamiʼnaya kava huʼa vayatapimogimo kana yaʼmo aliʼa lapamiʼnae. Konagatimogitapae, huta, ani kavaʼmo hutapa maiʼnetapaeʼmo Goti siosi vayaʼamo apakame hutapa maiʼnae.