Apa 14:17 - The Keyagana NT and 25 OT books

¹⁷ Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

Apa 14:17 ပူးပေါင်းရင်းမြစ်များ

1 Kini 18:1

Asole afinaʼmo koʼmo oʼaino alopa yegemo loleʼe magoʼe kafugamo letegenoʼaeʼmo Ala kava neʼmoʼa Ilaiyafeʼmo ha painoʼaeʼmo, Uka kini vekamo Ehapi aulagaleʼmo he tisanageʼnaeʼmo nagaemo halate koʼmo aliʼna atalesugeno eminegaiye, huno ha paiʼniye.

Samu 145:9

Agaemo muki vayaʼaitegamo alagepa kavaʼmo huteno muki alo hu maleʼniya yategaʼeʼmo hau huno neʼapate.

Samu 4:7

Apakaemo hoyaʼapifatiʼmo alopa neʼyaʼmo neʼaliʼapaeʼmo apamogaga neʼaiyaʼmonanafa kagaemo namiʼnana namogaga kavaʼmoʼa apakaemo apamogaga neʼaiya kavaʼmo ago aeno aga seʼniye.

Aiyeya 40:21

Lapakaemo oʼagesafiye. Lapakaemo oʼafigafiye. Gotiʼa ma mopamo alo huʼniya afinatetiʼmo lama ge Gotiʼa maiʼniye, hutapa oʼafiʼnafiye. Haiya kava huno ma mopamo afole aiʼnifi hutapa oʼafiʼnafiye.

Aiyeya 5:6

Nagaemo hoyamo aliʼna hosu huʼna ataleteʼna afaʼa ategauve. Nagaemo nofiʼmo hatagauʼna aliʼna alagepa osuge aiʼyumo oʼaige huguve. Atesugeno kahaumo aesigeno aufe kahaumoʼmo ani hoyamo aeno ati kaegaiye. Nagaemo ani hoyafiʼmo koʼmo oʼaisiyafeʼmo haʼao, huʼna huguve.

Matiyu 5:45

Lapakaemo kokuʼnapi Afotapimokana hutapa maisayafeʼmo ani agufa kavaʼmo hiyo. Agaemo hosu vayaʼaitegaʼe alagepa vayaʼaitegaʼeʼmo, yegemo lo, huno nehigenoʼaeʼmo apakaeteʼmo yegemo nele. Agaemo fatago kavaʼmo nehaya vayaʼaitegaʼe fatago kavaʼmo nosaya vayaʼaitegaʼefeʼmo koʼmo aiyo, huno nehigenoʼaeʼmo apakaeteʼmo koʼmo neʼaiye.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Apa 14:18

Ani gemo huʼnaʼaʼmonanafa muki vayaʼmogimo pulumakamo amagiʼa ofalinimo anamisayafeʼmo huʼnae. Ani kavaʼmo atalesayafeʼmo kana huʼniyaʼmonanafa hapa paiʼnaʼageʼapaeʼmo afaʼa ataleʼnae.

Apa 17:26

Agaemo magoke vekamo alo huʼniya vekafatiʼmo alu nofi vaya alu nofi vayaʼmo alino afole aino apateʼniye. Hogoteno hunoʼaeʼmo, hainu afinaʼmo maisafi haiyategamo maisafi, huno lekana pai maleʼniye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.