Apa 13:46 - The Keyagana NT and 25 OT books

⁴⁶ Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.

Apa 13:46 ပူးပေါင်းရင်းမြစ်များ

Mai'naya kavane 28:1

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.

Aiyeya 55:5

Ala kava neʼmo Gotitapimoʼmo Isaleli vayaʼmogi aote Gotiʼapimoʼmo ala lapakitapimo lapamiʼniyaʼmofeʼmo lapakaemo oʼapakeʼnaya nofi vayaʼaifeʼmo keya aeta ge hisageʼa olapakeʼnaya alu nofi vayaʼe alu nofi vayaʼmogiʼeʼmo nagu nagu huʼa lapakaetegamo egae, huno huʼniye.

Matiyu 10:6

Isaleli vayapatiʼmo afela heʼnaya sipisipi vayaʼaitegageʼmo viyo.

Matiyu 21:41

agaemo alagi alino hosu huno apateteno ani vayaʼmo apamagigiye. Agaemo alu vayaʼmo apavaleno apatesigeʼa hoyaʼaleʼmo yagaiʼneʼa nofi alagamo afu lesigeʼapaeʼmo lagiʼa maleʼneʼa amigae, huʼa huʼnae.

Matiyu 21:43

Inagi ani kavafeʼmo lapa nepauve, huno, Lapakaemo Gotiʼa yagaino neʼapateya kopiʼmo magoʼe hutapa aliʼyaʼmo oʼaligae. Lapayapatiʼmo lapa faleno hoyaʼaleʼmo alagepa huʼa yagaiʼa ateʼneʼa nofi alagamo lagiʼa amisaya vayaʼmo apamigiye.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Yoni 1:11

Agaemo koʼalegamo emineʼnigeʼapaeʼmo vayaʼamogimo aliʼa falu fala huʼa oʼateʼnae.

Yoni 4:22

Lapakaemo Sameliya vayaʼmogitapamo ina lafeʼmo mono nehupi huta alagepa hutapa oʼageʼnae. Lagaemo Yu vayaʼmogita ina lafeʼmo mono nehupi huta ago ageʼnone. Yu vayaʼaitegatiʼmo alagepa gemo aino atagu faesigeno Gotiʼa apakufamo alino katino apateteno hapau vaigiye.

Apa 13:14

Pega taonifiʼmo atale uʼana Atiyoki kotega taonimo Pisitiya kotegamo uʼana avaʼyi huteʼana Sapati afinaʼmo Yu vayaʼai mono nopiʼmo uʼana haiʼnaʼae.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.

Apa 13:5

Salamisi taonifiʼmo uʼana avaʼyi huteʼanaeʼmo muki Yu vayaʼai mono noʼafiʼeʼmo uʼeʼa huʼana Goti geʼamo aeʼana hakalo huʼana hapa paiʼnaʼae. Yoni Makiʼa hana maeno aliʼyaʼmo alisiyafeʼmo magokepi lokaeʼa maiʼnae.

Apa 19:9

Mago vayaʼamogimo lokiya apaipamo haneʼniyaʼmofeʼmo apakesamo afiʼa fatago osuʼa muki vayaʼai apaulagaleʼmo Ala kava neʼmo kavafeʼmo huʼa faipa huʼa ateʼnagenoʼaeʼmo Poloʼa apataleno uno Goti geʼamo neʼafiya vayaʼageʼmo apavalelino uno Tilanasiʼa sukulumo alino apaya neʼmaleya nopiʼmo muki afinaʼae afinaʼaeʼmo alu ge alu geletiʼmo apakesa alino hapa paiʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 28:28

Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.

Apa 3:26

Gotiʼa aliʼyaʼamo aliʼniya vekamo Yesuʼa alino afole aino ateteno alino ateʼnigeno hogoteno lapakaetegamo ago emineʼniye. Agaemo alino auleno lapatesiyafeʼmo alino aino afe leno lapatesigetapa hosu kavategatiʼmo ataletapa egae, huno hapa paiʼniye.

Apa 4:13

Kanisole vayaʼmogimo anakayana Pitaʼe Yoniʼeʼmo sukulu osuʼnaʼa vekalaʼmo maiʼnaʼaʼmonanafa lokiya gefatiʼmo huʼana hapa paiteʼanaeʼmo koli osuʼana afaʼa maiʼnaʼageʼapaeʼmo anaketeʼanaeʼmo, ae, huʼa, hogoteʼana Yesuʼeʼmo lokaeʼana maiʼnaʼa vekalane, huʼa apakesa afiteʼa hapau aiʼnae.

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 2:10

Afole aigiyaʼmonanafa muki vayaʼmo alagepa kavaʼmo nehisaya vayaʼmogimo ha le konali yaʼapimo alige ala apakiʼapimo alige hisageno apaipamoʼmo falu hugiye. Hogoteʼa Yu vayaʼmogimo alitesageʼapaeʼmo Yu nofi vayapatiʼmo oʼmaiʼnaya vayaʼmogimo aligae.

Filipai 1:14

Kalavusifiʼmo maiʼnogeʼapaeʼmo asole konagatimogi nageʼnayaʼmofeʼmo lokiya vaiʼa maiʼneʼapaeʼmo Ala kava nefeʼmo magoʼe huʼa apakesamo afiʼa fatago nehuʼapaeʼmo koli osuʼa he tiʼa Goti geʼamo aeʼa hakalo huʼa hapa nepaiye.

Himulu 11:34

Alopa atamoʼa leno pasagalisiya agufa atamo ago aeʼa yu heʼnae. Vayaʼmogi naipeletiʼmo apaiʼa kiʼa apatesayafeʼmo apaiʼnayana apaiʼa hatagauʼnae. Lokiya oʼvaiʼnaya vayaʼmogi lokiya vayaʼmo hamaleʼnae. Koli osuʼa lokiya vaiʼa kamemo huteʼa alu nofi ati vayaʼmo hapa faiʼa hapaetalageʼa uʼnae.