Apa 13:41 - The Keyagana NT and 25 OT books

⁴¹ Ani gemo avoʼmo kae maleʼniya gemoʼa hunoʼaeʼmo, Geʼnieʼmo huta faipa hutapa neʼataya vayaʼmogitapamo afiyo, huno, Nagaemo lapaulagaleʼmo nehuva kavafeʼmo ava gemo huʼa aliʼa lapaya neʼmalagetapaeʼmo lapakesamo afita fatago nosayaʼmofeʼmo lapau aitetapa faliyo, huno huʼniye, huno avoʼmo kae maleʼniye, huno hapa paiʼniye.

Apa 13:41 ပူးပေါင်းရင်းမြစ်များ

Mai'naya kavane 5:12

Lapakaemo ina ge hutapa hugae. Nagaemo negi nagi huʼnove. Aliʼa naya malesaya kavafeʼmo alagi oʼnahauʼniye. Hosu kavaʼmo nehane, huʼa naha paiʼnageʼnaeʼmo ina agufa gemo huʼnae, huʼna huʼnove.

Aiyeya 5:24

Hosu kavaʼmo nehayaʼmofeʼmo atamoʼmo vaiʼniya kahaufiʼmo malage huno leno hano huno neʼataleya kava huno hosu kavaʼmo apakaeteʼmo afole aigiye. Asole vayaʼaiteʼmo yagaino neʼapateya Ala kava neʼmo keʼaepa geʼamo oʼafiʼa apakameʼyamo amiteʼa Isaleli vayaʼmogi aote Gotiʼapimo geʼaeʼmo, afa gemo haneʼniye, huʼa huʼnayaʼmofeʼmo hapafuʼyaʼapimo ago kasalisigenoʼaeʼmo haitaʼapimo hali huno asagauno aigiye.

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Hamakaki 1:5

Ala kava neʼmoʼa geʼaleʼmo aeno atagaina huno ha painoʼaeʼmo, Ago, huʼna, nagaemo alu nofi vaya alu nofi vayaʼmogi folagapiʼmo lokiya kavaʼmo huguve. Agetapa lahapau oʼaiyo. Nagaemo lapakaemo maiʼnaya afinaʼmo lusi aliʼyaʼmo aliguve. Mago vekamoʼmo ani kavafeʼmo lapa paiʼniyesinana ani geeʼmo lama gemo huʼniye, hutapa lapakesamo oʼafiʼnaesine.

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 23:35

Muki ve aʼnemo he tiʼa maiʼneʼa aulu heʼa ageʼa maiʼnae. Yagaiʼa neʼapataya vayaʼeʼmo magokepi lokaeʼa maiʼneʼa huʼapaeʼmo, muki vayaʼmo apakufamo alino katino apateʼniye. Kalaisi vekamo Gotiʼa lekana paino ateʼniya vekamo maiʼnisiyana agaiʼa agufamo afaʼa alino katino ategaiye, huteʼa huʼa faipa huʼa ateʼnae.

Apa 13:47

Ala kava neʼmoʼa Mukuʼafiʼmo haneʼniya geʼaletiʼmo hunoʼaeʼmo, alu nofi vayaʼaitegamo utapa hapa paiyo, huno laha paiʼniye. Ani gemoʼa hunoʼaeʼmo, Nagaemo ma mopafi muki haopalegamo maiʼnaya vayaʼai apakufamo alino katino apatesiyafeʼmo alu nofi vayaʼai ha le yaʼapigana huka maigane, huʼna aliʼna kateʼnove, huno huʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 3:23

Gotiʼa ani vekamo geʼamo oʼafisaya vayaʼmo vayaʼafatiʼmo alino hapa faino apataleteno alino apagoʼya lagauno apatalegaiye, huno hapa paiʼniye.

Apa 6:14

Geʼamo afiʼnonana ani Nasalasa taonifi vekamo Yesuʼa alopa mono notimo heno halagape vaiteno Mosese keʼaepa gemo alino ataleteno alu gemo malegaiye, huno huʼnigeta afiʼnone, huʼa hapa paiʼnae.

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.

1 Pita 4:17

Gotiʼa agoti huno apateteno kayoʼmo apamisiya afinaʼmo ago afole aiʼniyaʼmofeʼmo afamo anagaʼaleʼmo aepa faigiye. Gotiʼa lagaetegamo ago aepa faino agoti huno nelatesiyana alagepa faigoko geʼamo akame nosaya vayaʼmogi atupa afinaʼapimo haiya kava huʼa maigae. Vaehae, huʼna,