Apa 13:36 - The Keyagana NT and 25 OT books

³⁶ Neviniʼa Goti geʼamo akame huteno ma mopafiʼmo agaeʼeʼmo lokaeʼa maiʼnaya vayaʼmo hapa maeteno au kaleʼnigeʼa aginago vayaʼeʼmo kiʼa ateʼnageno agufaʼamo ago kasaliʼniye.

Apa 13:36 ပူးပေါင်းရင်းမြစ်များ

Aepa Gemae 3:19

Lusi kava huka ahaise vose hukageʼmo aliʼyaʼmo aliteka neʼyaʼmo alika afole aika negane. Inagi kagaemo muki afinaʼmo ina kava huka aliʼyaʼmo alitekaeʼmo falisana afinaʼmo mopafiʼmo uka lamigane. Na kava hinagekaene. Nagaemo mopaletiʼmo alo huʼna kateʼnovaʼmofeʼmo halate mopafiʼmo uka lamigane.

Samu 49:14

Sipisipimo faliʼnaya kava huʼa nefaligeʼa kanolufiʼmo kiʼa neʼapatae. Sipisipileʼmo yagaiʼnaya kava huno falisaya kavaʼmoʼa yagaino apategaiye. Lama ge vayaʼmogimo kotilamisiyapiʼmo yagaiʼa apategae. Kanolufiʼmo koʼapimo haneʼniyanageno alagepa apakufaʼe konali yaʼapiʼeʼmo kasaligiyaʼmonanafa

Matiyu 25:16

Faefu tausenimo amiʼniya vekamoʼmo malage huno alininuno ani moniletiʼmo aliʼyaʼmo aliteno akamelegaʼamo magoʼe huno faefu tausenimo aliʼniye.

Yoni 11:39

Yesuʼa hunoʼaeʼmo, ani yafaʼmo alitapa heleve hulitutapa ataleyo, huno hapa paiʼnigeno Mataʼa faliʼniya vekamo asaʼamoʼmo hunoʼaeʼmo, Ala kava nene, huno, faliʼnigeta kita ateʼnonageno loleʼe loleʼe afinaʼmo ago uʼniyaʼmofeʼmo ago kano atumo aiʼniye, huno ha paiʼniye.

Apa 13:22

Gotiʼa Soloʼmo ha faino ataleteno Neviniʼa yagaino apatesiyafeʼmo alino he tino ateʼniye. Gotiʼa Nevinifeʼmo ava gemo hunoʼaeʼmo, Nagaemo Neviniʼa Yesi mafaʼneʼaeʼmo nahau nayamopafiʼmo nahauʼniyanageno muki nahauʼniya kavaʼmo hugiye, huno huʼniye, huno huʼniye.

Apa 2:29

Vayaʼnimogitapae, huno, Neviniʼa ani gemo huʼniyaʼmonanafa laginago vekamo Neviniʼa faliʼnigeʼapaeʼmo kiʼa ateʼnaya kanoluʼamo hemenimo lagaetegamo afaʼa haneʼniye.

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

Apa 8:1

Sitiveniʼa faliʼniya afinaʼmo Yulusalemu taonifiʼmo maiʼnaya siosi vayaʼmo lusi hanageke yaʼmo apamiʼnae. Apamiʼnageʼapaeʼmo muki siosi vayaʼmo atagu faeʼa apaune heʼa Yutiya kotegaʼe Sameliya kotegaʼeʼmo uʼeʼa huʼnageʼa apa vayaʼageʼmo Yulusalemu taonifiʼmo maiʼnae.

1 Kolitiyani 15:18

Ani kavaʼmo huʼa Kalaisipiʼmo maiʼneʼa faliʼnaya vayaʼmo afela heʼnaesine.

1 Kolitiyani 15:6

Afole aitenoʼaeʼmo faefu hataletiʼa konaga vayaʼmo ago aeno agaseno magoʼe konaga vayaʼeʼmo magokepi lokaeʼa maiʼnaya konaga vayaʼai apaulagaleʼeʼmo afole aiʼniye. Ani vayapatiʼmo asole vayaʼmo hemenimo afaʼa maiʼnayaʼmonanafa mago vayaʼamo ago faliʼnae.

1 Tesaloniyani 4:13

Inagi konagatimogitapae, huta, mago vayaʼmogimo, faliʼnaya vayaʼmo he otigae, huʼa apakesamo neʼafiyaʼmofeʼmo apakava oʼmaige apavayagunagu osuge huteʼa lusi kava huʼa yulagefa neʼaiye. Ani agufa kavaʼmo osutapa faliʼnaya vayaʼaifeʼmo lama gemae, hutapa afisayafeʼmo nahauʼniye.