Apa 13:35 - The Keyagana NT and 25 OT books

³⁵ Neviniʼa magoʼe gemo Goti Mukufiʼmo avoʼmo kae maleʼniya gemoʼa hunoʼaeʼmo, Aliʼyakamo neʼaliya vekamo aote vekamo oʼataleka ha maesanageno agufamo okasaligiye, huno huʼniye.

Apa 13:35 ပူးပေါင်းရင်းမြစ်များ

Samu 16:10

Kagaemo mani kavatefeʼmo nagupi mafaʼnemo kanolufiʼmo oʼatalegane. Kagaemo, aote vekaʼnimo agufaʼamo atalesugeno okasaligiye, huka huʼnane.

Samu 89:48

Haiya vekamo ofalino afaʼa maige maige huno maigiye. Kanolufiʼmo oʼmaino faino kasalo paegaifiye.

Luki 2:26

ofalika afaʼa maiʼneka Ala kava neʼmo Kalaisi vekamo agegane, huno ha paiʼniye.

Yoni 3:36

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Himulu 11:5

Inokiʼa agesamo afino fatago huʼniya kavatetiʼmo ofalino afaʼa maiʼniye. Gotiʼa kokuʼnapiʼmo ago avalelino uno haiʼniyaʼmofeʼmo kahauya huʼnayana oʼageʼnae. Gotiʼa kokuʼnapiʼmo avalelino ohaiʼniya afinaʼmo hogoteno Inokifeʼmo amuse huno ateʼniyaʼmofeʼmae, huno huʼniye.